الخميس، 31 ديسمبر، 2009

أول مرة


أول مرة

أول مرة أعمل مدونة
أول مرة ألاقي نفسي في المدونة دي
أول مرة أحس ان ليا أصدقاء كتير بحبهم وبيحبوني
أول مرة موقف حد منهم يواجهني بنفسي قدام المراية وأحس بندالتي وتقصيري بجد
أول مرة أزعل من جوة قلبي اني افتقدت حد منهم
أول مرة اعيط لما والدي مكنش بيقدر يتحرك
وأول مرة اعرف ان ممكن ديمواقراطية الأهل تبقى بلاستيك بيسيح مع اول موقف مزاجهم يمشوا رأيهم فيه
أول مرة أشوف حد وهو بيموت

أول مرة اتبسط جدا من الطفلة المتشردة.. قصدي البريئة اللي جوايا
أول مرة اعرف ازاي الحب بيدي للإنسان الشجاعة يمشي في الدنيا وهو فارد ضهره
اتغيرت كتير قوي السنة ونص اللي فاتو
** وتعبير عن الذات وصداقات جميلة أجمل وأغلى حاجات كسبتها في السنة دي
وكل الاوقات الرخمة والبايخة والحزينة والكئيبة اتمسحو بأستيكة
لأني قوية طول ما ليا حبيب حنين ياخد بإيدي وأصدقاء بينوروا أفكار الدنيا قدامي
===========
بعد الفاصل اللي فات دة
أعود برغيي المعتاد لأخبركم بأهم الأنباء
حيث تمت قراية فاتحة عبدة أنزحة وتشفيدة زوفاش وادعولهم ربنا يهديهم وتتم خطوبتهم الأجازة القادمة
(وعقبااااااااااااالي يارب انا وبنات المسلمين)
وبابا الحمد لله بقى أحسن كتييييييييير حيث عرفنا بالصدفة في المستشفي ان اللى كان عنده نزيف سبب جلطة فى المخ ومتوقع انها تدوب بالانتظام في العلاج
وحضرتي بعد زن متواصل من ماما وبابا نزلت اتدرب في مكان بمشيلة مشي بالهبل (واللي ميخسش بالرجيم هيخس غصب عنه بالمشي)
ودة اللي فاكراه دلوقتي
ونسيت أقول لنفسي كل سنة وانا طيبة ويارب أصغر يجي 1० سنين السنة الجاية يااااااااااااااارب
هع هع هع
والى اللوقاء في حلقة الرغي القادمة

33 اللي عبروا منوووشة:

اقصوصه يقول...

happy new year

ABOALI يقول...

ههههههههههههههههههه
اتخنقت منك 2009
بس محتاج الخنقة دى فى 2010 اوعى تحرمينى من امنيتى

Bondoka يقول...

كل سنه وانتى طيبه يا جميل

فتاه من الصعيد يقول...

حمد الله ع السلامه يا منوووش

على فكره مكاسبك هايله ما شاء الله

كل سنه وانتي طيبه

Mo7ammed يقول...

حمدلله عالسلامة

وزى مااقالت فتاة من الصعيد
انتى كسبتى كتيير فعلا


هابى نيوو يير

شباك موارب/منار يقول...

منوووووووووش
كل سنه وانتي طيبه اوي
والف الف سلامه
ويارب عقبالك ياحبيبتي
ربنا يسعدك ويهنيكي

mimi يقول...

ألو .. منوش؟

وحشاني يا عسل من زمااان والله علي بالي دايما

ياربي رغيك بموت فيه ومش بخلي كلمة تعدي من بين عيوني مش تتقري
عسولاا بحبها ياناااااس

كل سنة وانتي طيبة ومن كل الحبايب قريبة يا أناناس متحلي غريبة

مووووووواه

ستيته حسب الله الحمش يقول...

كل سنة وانت طيبة يا جميلة
يارب السنة الجاية تكون سنة حلوة عليكي

ذو الوجه المبتسم يقول...

كل سنة وانتى طيبة
2010

mohamed ghalia يقول...

كل سنة وانتى طيبة وسنة جديدة سعيدة عليكى

Sometimes يقول...

كل سنة وانتى طيبة يا منوشا
حمد الله على سلامة بابا ويارب يعافيه ويخليه لكم امين يارب
وحشتينى يا جميلة
ربنا يفرح قلبك يارب

المتبهـدلـون فـي الأرض يقول...

سامي وقع في البيير

هاني نام في السرير

يووووه :: هابي نيو ييير

جميل لما تعرفي حقيقة الحاجة بعد طول معايشة .. كده خبرتك حتوسع ..ومش حتعيشي وخلاص ..حتعيشي فاهمة ..ومستفيدة من مواقف حياتك

ساره يقول...

منووووووووووووش
كان نفسي اشوفك :)
كل سنه وانتى طيبه ياقموره
لا تغيبي مره ثانيه :))

I'm The CraZy One يقول...

happy new year :D :D

بـــــسمة انـــــــــور يقول...

هابى نيو ييير يا قمرايه

حرروف يقول...

حمدلله ع السلامة وكل سنه وانتي طيبة
وحمدلله ع سلامه والدك

blue-wave يقول...

كل سنه وانتى بالف مليون خير
ودايما كدا خانقانا وقرفانا اقصد منورانا:))

لجين أبو الدهب يقول...

واللى زيك ما يتحبش ليه ياحبيبتى ..

ربنا يجعلها سنة هنا وسرور عليكى يارب ..

دمتِ بخير ..

ذكري رحيل قلم يقول...

السلام عليكم
ازيك يا اختي عاملة ايه
فعلا المدونات علي قد ما هي حلوة وبتعرفنا علي ناس حلوة بتعود عيهم بس بردة مش تمام لما الانسان ده بعد تعودك عليه يختفي ويمشي
الف سلامة لبلباكي انا برده مريت بنفس الازمة وبابا بيعمل اشاعات لحد دلوقتي والدكتور خايف انها تكون هتلرجع تاني رغم الحمد لله والف حمد ليك يارب انها مسبتش اسر بل نهت جلطة القلب اللي كانت عنده من عشر سنين
يارب اشفي كل مريض ويخليلك بابا وماما
ومبروك التدريب ان شاء الله الخطوة اللي جاية تكون وظيفة كبيرة اهم حاجة خلي بالك من نفسك عشان انت في وسط الدنيا متنبهريش بكل حاجة فيها
لا عادية كل حاجة فيها
فرحانة قوي عشان اول مدخلت عندك كنت كتبه اخر احاجة في عبده انزحة وتشفيدة وانا مش فاهمة حاجة

وبردة فرحانة عشان رحعتي بالسلامة

دمتي جميلة

ذكري رحيل قلم يقول...

كوووووووووووووووووووووووووووووول
سنننننننننننننننننننننننننننننننة

وانتتتتتتتتتتتتتتتتتتتتتتتتتتتتت

طيبةةةةةةةةةةةةةةةةةةةةةةةةةةةة

فشكووول يقول...

ازيك يا منوشه .. كيف حالك

هو اصلا انت كنت رحت فين انا شايفك لسه قريب فى التدوين

ربنا يشفى بابا ويخليه ليكى ويخلى ليكى ماما

يا رب السنه الجايه منوشه يبقى سنها 10 سنين بس مش تخس عشر سنين لأ يبقى كل عمرها عشر سنين

كل سنه وانت طيبه

شمس النهار يقول...

كل سنه وانتي طيبه
ومبروك للمخطوبين والف حمد الله علي سلامة بابا ربنا يتم الشفاء علي خير

وكل سنه وانتي كويسه كده وفي نفس المود

سلامي

حلم بيعافر يقول...

كل سنة وانت طيبة

وفى انتظار الحلقة الجاية

مش عارفة الدنيا وخداني علي فين يقول...

انتي عثل و سكر و الله
و يا رب كل اللي تمنيتيه يتحقق
كل سنة و انتي طيبة

زى الهوا يقول...

ان شاء الله 2010 هتبقى احسن كتير

وانتى معاكى اللى بيحبوكى

:)

hasona يقول...

السلام عليكم

كل سنة وانت طيبة
و ربنا يجعل كل أيامك سعادة وهنا

saragebaly يقول...

كل عام وانتي بكل خير

ويارب 2010 تكون سعيدة ان شاء الله

تحيااتي

سارة

عاشقه الرومانسيه يقول...

كل سنه وانتى طيبه يامنوشه
ومبروك قراه فاتحه عبدة أنزحة وتشفيدة زوفاش
(:

safa7_karmooz يقول...

حمد الله بسا يا مونى

والف سلامة على والدك ...ربنا يقومه بالسلامة ان شاء الله (f)

اما بالنسة للفاصل اللى فوق ده :

:)

MǿиY El-Shreef يقول...

كل سنه وانتي طيبه يابت انتي

انتي كل اسبوعين ببوست ولا ايه

وحشاني يا مخنوقه

MǿиY El-Shreef يقول...

صحيح يابنتي مبروك ل تشفيده وعبده ;)

ABOALI يقول...

ايه يا خنيقة غيرتى النشاط ولا ايه

الخنقة وحشانا

ذكري رحيل قلم يقول...

انت رحتي فين تاني

هو النت عندكم بيقطع

بسلم عليكي يارب تكوني بخير