الأربعاء، 4 يوليو، 2012

جر شكل

التدوينة دي جر شكل من الآخر



وهجوم واضح وصريح على جنس الرجالة المصريين



مبدأيا نفسي أعرف ليه بيقولو على الست المصرية ب100 راجل
ياترى علشان بتشتغل وتربي العيال وتذاكرلهم وتتحمل مسئولية البيت من طبخ وتنضيف.. وفوق البيعه بتحاول تبقى "ست"


والراجل عايش "رجولته" "ملك" مع اصحابه على القهوة 
بيرجع البيت ياكل ويشخط وينطر ويعاير المدام بهيفا ونانسي وينام


وأحيانا بعضهم بتوصل بيه "الرجولة" لأحط مستوياتها لدرجة انه ميهمهوش بقى مراته بتصرف منين وللا بتتصرف في طلبات البيت والولاد منين



طب نسيبنا من الجيل القديم ده شوية
نيجي لجيل الثورة

طبعا البنات غير الجيل اللي فات ده خااااالص
دي اتعلمت كل خدع وحيل فاتنات المسلسلات المكسيكي
بقو بيعملو في نفسهم البدع وكل شغلهم الشاغل يتجوزو والسلام

لا عارفين هم بيتجوزو مين ولا بيتجوزو ليه


والشباب بينزل يثور ويشم الغازويقف قدام الرصاص
بس عادي معندوش مشكلة يقفل في وش امه الباب لما تصحيه علشان ينزل يجيب العيش وللا أي طلب للبيت
معندوش مشكلة يحلق لأمه أو أبوه لو محتاجينه يروح معاهم للدكتور لانهم مش قادرين ينزلو لوحدهم.. ويقعد يكمل اللعبة على الكمبيوتر وللا الشات على الفيسبوك


بقت حاجات كتير قوي مفتقدة في البيوت المصرية
بيوت كتيييييير قوي عيشت فيها وشوفتها أو سمعت عنها ناقصها السكن والمودة والرحمة
بيوت كتير قوي بلاقي فيها الست ب100 راجل والراجل ب100 جزمة

منووووووش المخنووووووووقة قوووي

6 اللي عبروا منوووشة:

الازهرى يقول...

طيب بقى
دا على أساسا إن الستات بيقعدوا مثلا
رايقين مبتسمين
وطيبين
وفله شمعة منورة فى الوقت ده ؟؟؟؟

ياربىىىىىىىىىىىىى

قولوا الحقيقة مرة واحدة فى حياتكم
اتكلموا بالصدق
وبلاش لعبة شادية الستات مايعرفوش يكدبوا دى



يا خلق

MaNoOoSh يقول...

كل الكلام اللى بتقولو ده أقل واجب كرد فعل لما سبق أعلاه في البوست


مهو سايبها تشيل الهم لوحدها (أكل وشرب وطلبات بيت وطلبات عيال وأبوهم) من غير حتى أي تعبير عن تقديره لمجهودها

عاوزها مثلا تديله جائزة الدولة التقديريه.. ضرب البوز وقمطة الشعر والكلام اللي يسم البدن .. مجرد تعبير بسيط عن وجهة نظرها في شخصيته الموقرة


أقل واااااااااااااجب
:))

شمس النهار يقول...

منوش مخنوقة عندنا في بلوجر
يامرحبا يامرحبا

والبوست عال العال

ايوة كده اديهم كنتي فيييييين من زمان
:))

MaNoOoSh يقول...

شموسة بحالها منوراني
ومنورة المدونة

ايوة دنا معبية منهم وبقالي سنتين مطلعتش غيظي منهم

المدونة هتقلب تنين بعد شوية بس صبرهم عليا :))

hasona يقول...

لماذا كل هذا

ما هذه 0 طلقات مدفعية ثقيلة

hasona يقول...

لماذا كل هذا

ما هذه 0 طلقات مدفعية ثقيلة

ولماذا توجه فقط للرجال- ولماذا التعميم


مع العلم أن هناك من السيدات من هن أسوء من ذلك بكثير