الاثنين، 12 يناير 2009

مــــش مخنوقة

ازيكم جميعا
عارفين انا حلمت بإيه النهاردة؟

حلمت ان حد كان بيدينى وردة حمرا جمالها ميتوصفش, وعلشان كدة انا بعلن رسميا انى النهاردة
مـــــــش مخنوقة
والحياه كان لونها بمبى (فى الحلم)
امتى بقى ياربى حد يهدينى الوردة المقندلة على عينها دى فى الحقيقة مش فى الحلم
وبالمناسبة الحمد لله عيد ميلادى الـ25 مر بسلام وأمان وجابولى حاجة حلوة كمان
وكلام فى سركم (قاللى كل سنة وانتى طيبة)
متقلقوش هبقى اقولكم مين هو دة اللى قاللى بس مش دلوقتى
المهم نرجع لموضوعنا
الوردة
ياترى كام بنت نفسها فى وردة زيي والوردة دى بتمثلها ايه
ويا ترى الولد كمان بيبقى متوقع رد فعل البنت ايه لما يهديلها ورد
أنا شخصيا الوردة بتمثلى امنية للسعادة
وبهدى الوردة الجميلة اللى فى الصورة دى لغزة
واتمنى اللى يهدينى الوردة ... طبعا الانسان اللى بيحبنى
ورد فعلى هيكون بوسة على خده.. بس طبعا الرقابة هتحذف البوسة متقلقوش.

7 اللي عبروا منوووشة:

Mina يقول...

يارب ياستي الحلم ده يبقي حقيقة وتلاقي اللي يملا حياتك كلها ورود وانت تملي حياته بوس ومن غير الرقابة ماتحذفه
ههههههههههههههههههه
وعل يالعموم يابخته
هههههههههههههههه
تحياتي

شبـــاك موارب يقول...

أنا الوردة بالنسبة لي يعني الحب
عموما كل سنة و انتي طيبة و زي النهاردة يكون نصفك الاخر بيقدم ليكي سابت ورد كبييير فيه ورد أحمر و ورد أبيض

MaNoOoSh يقول...

Manamino

نورتنى ومن بقك لباب السما, بس انت مقلتش يا ترى اديت ورد لحد قبل كدة (بنوتة طبعا متقوليش ماما وبابا والمجتمع والناس).



مش عارفة الدنيا وخداني علي فين

وانتى طيبة وتلاقى انتى كمان الانسان الطيب اللى يجيبلك ورد.

شبـــاك موارب يقول...

ياااااااااا رب
أنا بدعي معاكي اهوه
ان ربنا يرزقنا احنا الاثنين بالانسان الصالح و الطيب

انا اديت وردة لواحدة صاحبتي دي المرة الوحيدة اللي اديت وردة
بس للأسف معرفش عنها حاجة لغاية دلوقتي

Mina يقول...

يااااااااااه
انا بقي وزعت بوكيه ورد قبل كدة
ومن كتر ماباوزع ورد (علي بنانيت طبعا ) بافكر اشتري جنينة اهو برضو يبقي اوفر
بس مش عارف ليه ياشيخة مافيش ولا وردة فيهم لسة عايشة
سبحان الله كل ما ادي واحدة وردة تاني يوم وانا معدي جنب بيتهم الاقي الوردة مرمية تحت الشباك
تفتكري العيب في الوردة ولا في الشباك
ههههههههههههههههههههههه
يالله
كل شيء بأوان
عدلها ياااااااااااااارب

شبـــاك موارب يقول...

هاهاهاهاااهههههه
كل الورد اللي اديتيه لصحباتك رموه
هاهاهاهههههه
تعيشي و تاخدي غيرها

MaNoOoSh يقول...

Manamino

على فكرة بقى العيب لا فى الورد ولا فى الشباك, العيب فى الراجل النحس بياع الورد اللى بتشترى منه
هههههههههههههههه
وبعدين مش يمكن البنانيت كان عندهم حساسية من الورد وللا حاجة
ههههههههههه
على العموم ربنا يعدلها قريب وتجيب وردة لأحسن بنوتة تسعدك وميكونش عندها حساسية



مش عارفة الدنيا وخداني علي فين

ياترى صاحبتك محاولتيش تسألى عليها لية؟, وعلى فكرة منامينو ولد مش بنت.