الأحد، 18 يناير 2009

ازيكم

ازيكم, وحشتونى بصراحة كدة أنا مش عارفة أنا اتكلمت عن موضوع الهبل بتاعى دة فى الموضوعين اللى فاتوا دول ليه يمكن علشان انا دايما احب اتكلم عن اللى مضايقنى علشان ابطل افكر فية أويمكن علشان حد يقوللى ايه الغلط اللى عملته علشان أتحاشاه بعد كدة بس يللا أدينى قلتلكم وخلاص, لكن أنا مش مضايقنى غير انى كل ما أعجب بحد يتجوز دى تفتكروا أنا اللى نحس وللا هم اللى متسرعين, أكيد طبعا كلكم هتقولوا هم اللى متسرعين يللا أنا مش هتكلم كتير النهاردة علشان عارفة ان كتير منكم عندة امتحانات ربنا معاكم ويوفقكم جميييييييعا ويحميكم يللا سلااااااااااااااام بقى وهستناكم بعد الامتحانات.

7 اللي عبروا منوووشة:

safa7_karmooz يقول...

منتظرك بعد الاكزامز تكملى وصلة ال"هبل " اللى بتكتبيها :D

شبـــاك موارب يقول...

ههههههههه
علي فكرة متخفيش من الهبل ده
عادي يعني بتحصل في أحسن العائلات
عموما انا مستنياك انا كمان تخلصي امتحان علشان تكمللي وصلة الهبل دي برده

Unknown يقول...

لا مش متسرعين ولا انتي نحس بس هو ده القدر وبعدين لما تعجبي قولي خليهم ياخدوا بالهم ولا ايه متقدريش ولا ايه
عموما ربنا يوفقك ويكرمك يا ستي
مودتي

MaNoOoSh يقول...

safa7_karmooz

نورتنى وأسعدنى ردك يا عسل وان شاء الله هكمل الحلقات القادمة




مش عارفة الدنيا وخداني علي فين
نورتينى واستنينى هكمل قريب جدا ان شاء الله, بس بذمتك عمرك شفتى أهبل من كدة
هههههههههههههه





كاتب مصري
نورتنى جدا, وانا مكنتش بقول ولا ببين الاعجاب علشان كنت هبلة بعيد عنك.. بس الحمد لله حرمت
ههههههههههههه
بس بأى حال البنت ممكن تبين الاعجاب لكن مش مقبول اجتماعيا انها تقول.


وأخيرا اسعدتنى ردودكم جدا
بس أنا معنديش امتحانات ولا حاجة (بلاش الضحكة الشريرة بتاعتى.. اللهم لا تجعلنا من الشماتين)
ههههههههههههههه
عموما تابعونى واستنوا الهبل الجديد يا عساسيل.

ادم المصرى يقول...

بوست جميل جدا ربنا يوفئك بس خليكى اشجع من كدا وتقدمى للئماما افضل واتعودى انك متهربيش خليكى واضحه دمتى بكل خير ومستنى زيرتك

عاشقه وغلبانه يقول...

مدونتك جميله اوي
بس ايه موضوع الاعجاب ده معاكي
لا وبتعيطي عليهم
اومال ياختي اللي حب يعمل ايه
يروح يموت روحه
اصل العياط مابقاش جايب تأثير
عندي سؤال
يعني ايه كسفنجيه دي........؟

MaNoOoSh يقول...

ادم المصرى
نورتنى وانا الحمد لله اتعلمت الدرس وبطلت اهرب.. اقرأ موضوعى الجاى وانت تعرف, وحالا ازور مدونتك واتابعها ان شاء الله.


عاشقه وغلبانه
نورتينى يا سكر,انا كنت بعيط من هبلى بقى, والحب حصل خلاص ويارب يكون من غير عياط ابدا.. ولو انى بعيط على نفسى.
وكسفنجية دى يعنى بتكسف لدرجة الغباء والهبل.