الجمعة، 12 فبراير، 2010

ياصباح الاكتئاب

يا صباح الاكتئاب
كنت قاعدة امبارح فى أمان الله لا بيا ولا عليا
فجأة (هو مش فجأة قوي يعني... وما أكتر أسباب شعبنا الحبيب للاصابة بالاكتئاب) حسيت باكتئاب شنيع وأحاسيس مزعجة ونافورة دموع مش راضية تبطل
والدنيا الحقيقة مش قادرة اوصفلكو
كان لونها بمبي بمبي يعني
أعتقد الصورة هتشرحلكو أكتر من الكلام

وشوية أغاني يفتحو النفس على الاكتئاب

ام هند
من الاخر يعني "سبب ما" خلاني ابص لنفسي في الحالة دي واتكسف من نفسي قوي
أيوة يئسانة من الوضع العام ومن ناس كتير حواليا
وأيوة عارفة ان أملي ضعيف في قصتي وفي ناس كتير كان نفسي يبقو سندي
بس أملي في ربنا وسع المجرات السماوية
ووسع كل نجمة فى الكون
ومش هكتئب
عنداً في كل وغد في البلد دي عايزني أكتئب مش هكتئب
وعنداً في وغد قابلتة في حياتي عايزني أعيش كمدا واموت كمدا مش هكتئب
والله لألونها أجمل ألوان
حتى لو كانت الألوان دي في عنيا بس
أنا مبسوطة وهفضل ألونها

25 اللي عبروا منوووشة:

انا ودماغي يقول...

جميييييييل أوى البوست ده
عجبنى فيه تمسكك بالأمل و التفاؤل

إن مع العسر يسر إن شاء الله

فتاه من الصعيد يقول...

ايوه استمري في التلوين :)

بعد الشر عليكي من الاكتئاب

تحياتي

SHAPE YOUR LIFE (ABOALI) يقول...

ياااااااااااااااا صباح الناس الرائعة

اللى كل يوم بتثبت انها من معدن اصيل

مين ده اللى يقدر يهزمنا
الشجرة المثمرة هى اللى الناس بتحقد عليها ووعازها تبان انها مش حلوة

بالعند فى كل ده نسقى بستانك بالورود
احمر ابيض اصفر وردى بمبى والله وربى المعبود السعادة فى عيونا موجوده هرنبيها ونغذيها بدمنا و بسمة الحلوين فى حياتنا
وهانشترى سولار من النوع الردىء ونغرق فيه الحاقدين بس ببسمة عيونا وتجاهلنا ليهم

ارفع هامتك واحناااااااااااا معاكى

ستيته حسب الله الحمش يقول...

انا عجباني قوي الصورة

التانية طبعا
الأولى دي سريالي
وانا أخري عبد الباسط حمودة
طالما يقينك وسع المجرات الكونية
تبقى اتعشت واتحلت وبقت زي الفل

هو احنا ايه غير شوية امل في الله فوق بعض

ربنا يفرح سنينك

safa7_karmooz يقول...

هههههههههههههههههههههههههه

بوست مسخرة

حلوة عندا فى مش عارف ايه دى

:D

Pink Dreams يقول...

ايوا كدا خلى حياتك كلها الوان

واعندى مع كل وغد على رايك يحاول يخليكى تكتئبى

بوست حلو

تحياتى

عاشقه الرومانسيه يقول...

حلوه قوى حاله التفاؤل دى
المهم تكملى على كده
اوعى حد يوقفك
بحبك يامنوشه وانتى مصمصمه كده
(:

reem يقول...

منوووووش حبية قلبي

هى دى مانووووشة اللى اناعارفاها وبموت فيها

اكتئاب ايه اللى يجى لك ياقمر

برافو عليكى ياتوتة بحب اوى فيكى اصرارك على تلوين الحياة بالوان حلوة

بحبك ووحشانى جدا

إيمان يقول...

هو ده الكلام يا ناس

صحصحوا بقى

جامد يا منوشه بجد البوست ده رفع روحى المعنويه جدااااااااااااا
حسيت كده انه نعنشنى وفرفشنى
ربنا يجعل كل ايامك نعنشه وفرفشه
ويحققلك كل اللى بتحلمى بيه
واكتر

mohamed ghalia يقول...

ايون خليكى مبسوطة وسيبك من الأوغاد
ربنا يسعدك دايماااااااا

mohamed ghalia يقول...

ايون خليكى مبسوطة وسيبك من الأوغاد
ربنا يسعدك دايماااااااا

نـــــــــــــور يقول...

:))
يامساء الاكتئاب الشعر ياننى عينى من جوه
دى مش كلمتى دى كلمه واحده فى برنامج اللى فات سات فاكراه؟

شاطره يابت يامنوش ياعسل انتى عجبنى كلامك
والله ادانى دفعه معنويه وقولى لكل الناس وكل الحاجات اللى عايزاكى تكتئبى موتوا بغيظكم

وانتى عامله ايه دلوقت
والله بتوحشينى وبيوحشنى كلامك يامنوش

romansy يقول...

مش هكتئب مهما كان مش هكتئب
مهما عملوا فيا برضه مش هكتئب
الحياه فى عيونى بمبى
الحياه دى ملكى وحدى
الحياه جميله مهما قريت وانكتب

الأرمـوطــي يقول...

الاول ازيك عاملة ايه
موضوع الاكتئاب موضوع العصر دلوقتى وكتير اوى بيعانوا منة وعلاج الاكتئاب هوا ذكر الله ق ت(الا بذكر الله تطمئن القلوب)بس فعلا لازم الواحد ميستسلمش للاكتئاب ويبص للى اقل منة حظا وعلى راى المثل من شاف بلاوى الناس هانت علية بلوتة
تحياتى ليكى

الشعب لابد له من حكومه تشكمه يقول...

ايوووووووووون تعالى نلونها يمكن تحلو وتباه سكر زياده:)

اهو محاوله:)

حفيدة عرابى يقول...

عندا فى كل وغد فى البلد دى عايزنى اكتئب مش هكتئب
تحياتى واحتراماتى
على الفكرة الحلوة والكلمةالجميلة
يارب
لا تكتئبى
ولا نكتئب

رحله البحث يقول...

صباح الفل
أيوه كده أخيرا لاقيت حد فى الشباب فى مصر متفائل الف مبروك
بجد حلو الاصرار على التفاؤل
وباقولك ايه متجيش عندى اليومين دول لان لو جيتى هتقولى عليا وغد م الاوغاد المكتئبيين
يارب ايامك كلها هنا وسعاده وتفاؤل

محمد فؤاد (صاحب عمود النور) يقول...

بلالالالالالالالالالالالالالالاش اكتأب انا بتعب منه قووووى ومش عايز حد يجيب سيرته على رأى بسكوته قالتلى احنا شويه وهنموت
فاشويه دى بقى ممكن تكون ساعه او يوم او سنه او 20 سنه نعشهم زى مااحنا عايزين ونفك كل القيود ومن تانى نعود
بلاش اكتأب ..ولو حد عنده اكتأب يخليه بينه وبين نفسه لان الاكتأب دا مرض معدى
يارب احفظنا

ghada mOhsen يقول...

ازيك يامنوووووش ياعسل

ابعدى عن الاكتئاب وغنيله ...

احيانا بجد الواحد بستسلم ليه ... بس ربنا موجود وبيفوقنا بسرعه

حبيت اوى التفاؤل اللى بتتخلل كلماتك فى النهايه
والصور هالتانيه حلوه اوى كلها حيويه

فبلاش سيره الاكتئاب وانا فى امتحانات انا بقولك اهو
لانى تقريبا قربت البس فيه بس انا بستعبط وعامله نفسى مش شايفاه

ربنا يسعدك دايما يارب

... ;) ,,, ;) ...

mostafa rayan يقول...

برغم كل ما يدعو للكتئاب من حولنا ولكن ثمه شيئ ما يدعول لتفاؤل لعله الامل في غد افضل
تحياتى لك

أحمد شريف يقول...

السلام عليكم
جميل ألا تدعي اليأس يطرق بابك
فالحياة حلوة المذاق لو أردنا أن نراها هكذا
وأظن هذا سيكون بالثقة في الله وفي أن كل ما يحل علينا سواء كان محبط لخططنا أو محفز ومُسعد فهو خير من الله

وعلى كل حال تظل الحياة حلوة

دمتِ بود

star in the sky يقول...

ايوة تفائلى بالحياة

وافرس اى حد عاوزاك غير كده

هابى فالانتين

ذو الوجه المبتسم يقول...

طبعا باعتذر عن تاخيري لدخول مدونتك الجميلة

بس بينى وبينك عاجبتنى الجملة الاخيرة دي
يا عنيدة هههههههههههه

عنداً في كل وغد في البلد دي عايزني أكتئب مش هكتئب وعنداً في وغد قابلتة في حياتي عايزني أعيش كمدا واموت كمدا مش هكتئبوالله لألونها أجمل ألوان حتى لو كانت الألوان دي في عنيا بسأنا مبسوطة وهفضل ألونها
بطلى ضحك -- شايفك

باقول ايه فكيها بقي وبلاش الخانقة دي

تقبلى تحياتى يا مخنوقة هههه

elsha3er يقول...

يارب دايما تكونى مبسوطة حياتك مسرحيتك انتى اللى لازم تكتبيها وتحذفى اللى مش عجبك فيها


تحياتى

احمدالشاعر

!!! عارفة ... مش عارف ليه يقول...

كل سنة وأنت طيبة

وفيها ايه لما تبقى الدنيا بمبى

حتى ولو للحظات :)