الاثنين، 9 مارس، 2009

الصبر جميــــــــــــــــــــل

ادينى جيت اهو
نورت المدونة طبعا (وش خجلان وبيبص فى الارض _ال يعنى وش كسوف البت-)
انا بجد بجد عايزة اشكر كل اللى عبرنى وسأل عليا لانكم رفعتوا من معنوياتى جامد فى عز ما كانت فى الحضيض
ضد وستوتة وعاشقة وغلبانة وادم المصري وبيبرس اللى لسة مش راضى يعمل مدونة تانى (ما تيللا بقى يا بيبرس عايزة اعرف بقيت حواديت مجاهل افريقيا) وعاشقة الرومانسية ومش عارفة الدنيا واخدانى على فين اللى كانت اول واحدة ترفع معنوياتى الصراحة وايمان وبنوتة اللى دايما بقصر فى حقها وام البنات وتامر على وسيلف مينينج واحمد ابو العلا اللى مش عارفة ارد على موضوعة الاخير التحفة لان الصفحة معلقة
وكمان مش هنسى اللى زارونى لاول مرة ويارب يتابعونى علطول مها زين ومحمود نشأت وشيرى وطهقانة ولجين وعروسة والازهرى وكيارا وسمكة وبندقة.
(ال يعنى البت مهمة وليها جمهور)
ههههههههههههههههه
المهم.. ندخل على الموضوع علطول
ببساطة انا كنت مخنوقة جدا ومكتئبة الفترة اللى فاتت وحاسة بوحدة لا تطاق.. وحدة رغم وجود اسرتى ربنا يخليهملى ورغم البيت اللى نسيه الهدوء من كتر الزيارات العائلية الطويلة.. وعلى فكرة انا انسانة بحب الهدوء والزيارات الطويلة دى يمكن بترهقنى نفسيا شوية

(استنوا سيبونى بقى فى اللحظة الرومانسية دى الله يخليكوا ولا تقولولى اصفر ولا برفسجى.. واخدلى بالك انت يا بيبرس)
والكلمتين اللى جايين دول كنت بصبر نفسي بيهم وبحاول اخرج نفسى من حالة الحزن

تمر الأيام الحزينة وكأنها قرون طويلة من التعاسة.. فبالله عليك يا نفسي الرقيقة أن تتركي الحزن وتمضي.. فإنك لن تتحملي وحدك.. فلتتجاهلي الحزن حتي يأتي من يحتضنك في تلك اللحظات لتمر معه سريعا كما تمر لحظات الفرح.. ولتؤمني بربك مفرج الكروب وادعه أن يفرج كربك ويرزقك الزوج الصالح فتكونا لبعضكما سكن ومودة ورحمة.. ويدوم الحب بينكما كحبكما لله حب نقى.. فقط اصبري يا نفسي الرقيقة علي وحشة الحياة المؤلمة فقد بشر الله الصابرين بما يشتهون.
وبس كدة ربنا يعينني ويقوى ارادتي ويرحم ضعفي ويصبرني ويسعدني ويكرمني ويرزقني ويغنيني بالحلال دايما ياااااااااارب
وربنا يحققلكم انتوا كمان كل اللى بتتمنوه.. وكل مولد نبوي وانتوا طيبين
ويارب نقتدي دايما بأخلاق الرسول (عليه وعلى آله أفضل الصلاة والسلام) الطيبة
سلاااااااااااااااااااام يا احسن اصحاب بلوجرية فى بلوجر وكل البلوجات المجاورة.

13 اللي عبروا منوووشة:

كيــــــــــــارا يقول...

ربنا معااااااااااكي ياقمر

وكل سنه وانتي طيييييييييييييييبه ياقمر

حررروووف يقول...

وانتي طيبة ووحشتيني جدا جدا

مممممممممممممم عايزة ارغي معاكي شويتين ابعتيلي اميللك ومش حسيبك اوكي لازمن ولابد ونرغي
دمتي بالف خير وسعادة يارب

حررروووف يقول...

وانا اول مكررررررررررررررررررر
هية هية هية
بوسة ليكي كبيرة عشان وحشاني

*البت المشمشية *حلوة بس شقية * يقول...

كل سنة وانتا طيب يا معلم

الازهرى يقول...

كل سنة وانتى طيبة
وربنا يزيح عنك الهم وترجعى بالف سلامة

hasona يقول...

السلام عليكم

ربنا يفرج عنك وعنا ما نحن فيه
بس فعلا
لازم نطرح الاحزان جانبا( أرضا) لأن لو ركزنا معاها
ستكون حياتنا كلها كذلك

ربنا يسعدك ويعينك ويوفقك

كل سنة وانت طيبة

Bondoka يقول...

كل سنه وانت طيبه وبخير
وربنا يبعد عنك الخنقه يارب


مبروك رجوعك بالسلامه لاخواتك البلوجرز
:)

ستيته حسب الله الحمش يقول...

مش ها اتكلم

وش وايد سادة بؤي

يعني الاسمر ده جبلكم كلكم فسفس هستيري

يا ماما نحن رجال افعال لا اقوال

اكتله بس متموتوش يابوي

عريس يابوي

كل سنه وانتي معانا منورانا

وفي فرحك عزمانا

ولتورته وشربات مأكلانا ومشربانا

يا منى يا منورانا

بحبك

أحمـــــــــــــد أبو العلا يقول...

عودا أحمدا وحميدا ومحمود كمان

نبقى نصلحلك البلوج عند أقرب بلوجاتي عشان ميقفش تاني

لجين أبو الدهب يقول...

حمد لله على السلامة يامنوش .. والنت ما يتقطعش تانى ان شاء الله ..

والشخصية الهادية فعلا بتنزعج جدا من الزيارات الكتير ..

انا مش هادية بس مش بحب الزيارات العائلية الطويلة برده .. بحب تكون خفيفة ..

وربنا يجمعك مع من تحبين فى رضاه وتوليه بحبك براحته وانا كنت زيك كده ..

بس صدقنى لما هاتقوليله بحبك فى الحلال وتكونى بتاخدى عليها اجر كمان طعمها هايبقى جميل جدا وهايعوضك عن كل الفترات اللى كان نفسك تقولها وما قدرتيش ..

ربنا يحقللك كل ما تتمنى ..

دمتِ بخير ..

مش عارفة الدنيا وخداني علي فين يقول...

(مش عارفة الدنيا واخدانى على فين اللى كانت اول واحدة ترفع معنوياتى الصراحة)
الصراحة كسفتيني يا مانوش يا شقية و خدودي إحمرت من كتر الخجل
كل سنة و انتي طيبة بمناسبة المولد النبوي الشريف
و خدي بالك متكليش سمسمية كتير علشان بتلزق في السنان
ههههههههههههههه
ربنا يسعدك في الايام المفترجة دي
و يرزقك باللي يهنيكي

°ˆ~*¤®§(*§ نـــوارة §*)§®¤*~ˆ° ° يقول...

كل سنة وانتِ طيبة

وربنا يحققلك كل احلامك

بالتوفيق ان شاء الله

تقبلي مروري

MaNoOoSh يقول...

كيــــــــــــارا

وانتى طيبة يا عثل ونورتينى



حررروووف
حروف اللى خدعتنى وطلعت عروسة بردو
ههههههههههههههه
وانا مش عارفة ابعتلك ايميلى ازاى يا عثل؟



*البت المشمشية *حلوة بس شقية *
وانت طيب يا باشا
وان متجننتش ولا حاجة بقى
عاااااااااااااااااا
ههههههههههههه



الازهرى
ربنا يكرمك يا رب
ربنا يزيح عننا جميعا الهم




hasona
ربنا يكرمك
عندك حق احنا فعلا لازم نطنش الحزن قبل ما يقضى علينا وادينا بنحاول



Bondoka
وانتى طيبة يا اطعم بندقة
وربنا يبعد عننا الخنقة جميعا



ستيته حسب الله الحمش
يا ستوتة والله انا عارفة انهم افعال لا اقوال
والجرع مقصرش يعنى والتزم بوعدة فى التفوق
بس انا عندى شحنة عاطتشفية زيادة يا اوختشى ومش لاقية حتة افيص فيها غير المدونة
تصدقى كدة ان شكلى انا اللى هطخة مش ابوى علشان استريح
عااااااااااااااااااا
متقلقيش لو فى فرح.. يعنى فيه ستوتة.. يعنى فيه تورتة.. يعنى أجدع ناس.. ورقصنى يا جرع
هههههههههههههه



أحمـــــــــــــد أبو العلا
ادينى جيتلك وعلقت وقعدت اخنقك فى مدونتك يا باشا وهقعد انطلك كدة كل شوية.. واحنا عندنا كام بشمهندس يعنى



لجين أبو الدهب
الله يسلمك يا عثل
وادينى ماسكة لسانى اهو وقاعدة مقهورة ومستنية وربنا يصبرنى كمان ويعوضنى عوض الصابرين ياااااااااااااااااارب
عاااااااااااااااااااااااااااا



مش عارفة الدنيا وخداني علي فين
وانتى طيبة يا قمر
وربنا يرزقك بكل خير دايما
ومتخفيش انا مبحبش السمسمية .. انا بقضيلهم على الفولية بس
نياهاهاهاهاهاهاها



°ˆ~*¤®§(*§ نـــوارة §*)§®¤*~ˆ° °
وانتى طيبة وربنا يكرمك يا عثل
منورانى ويارب تزورينى علطول