الاثنين، 15 يونيو 2009

بنات.. ولاد.. هيا الى الجمعية والجهاد.. هجووووووووووووم

الاول بقول للناس اللي لسة مزرتهمش اني اكيد جايالهم
بس اتاخرت فى الزيارة لان حالتي النفثاوية كانت كل شوية تتقندل من حاجة
شوية ماما.. وشوية بابا.. وشوية الاسمراني.
بس الحمد لله اول ما النفثويات اتظبطت.. هعرف انام اخيرا كويس واتابع الموضوعات وازور الناس الجديدة اللي شرفتنى اول مرة
واخيرا اتابع هجوم الجمعية بضمييييييييييييييير
استعنا على الشقى بالله
بيان استفتاح الجمعية
اخواااااااااااااااااااااااني..
لقد اتخذت قرارًا اريدكم جميعا أن تعينوني عليه..
لقد قررت أن أتنحي تمامًا ونوهائيًا عن أي منصب رسمي (فى أى سلبية بسمح لنفسي بيها).. وأى دور سياسي (فى تهدية النفوس برديك بيناتهم فى البيت.. او الوقوف متكتفة قدام الاعور من غير ما اخزقلة عينة التانية).. وأن أعود لصفوف الجماهير (فى جمعية المرأة المتوحشة) اؤدى دورى معها كأى مواطن اخر (من مواطنات الجميعة صديقاتشى العزيزات)
تشششششششششششششششششششششششششششششششششش
(دة مش صوت تحمير بطاطس وربنا يا جماعة.. دة صوت الجماهير اللى بتحييني).
ومن مميزات الجمعية دى ان كل واحدة فينا تقدر تختار شعار مختلف عن التانية لأن قلوبنا واحدة وتحمل نفس ذات الأهداف.
واحد هييجلي من مدرجات المخنشرين يسألنى وهى ايه أهدافكم دي؟.. هقولة لا تجادل ولا تناقش يا أخ علي (اسمع الكلام بقى مرة فى حياتك يمكن تفهم الستات عايزين ايه.. مع ان هم نفسهن مش عارفين عايزن ايه اساسا).
واحدة هتجيلى من مدرجات الحلوين تقوللي دول صنف مبيملاش عينهم الا التراب وناكرين الجميل.. هقولها صبرك بالله يا اوختشى.. احنا هنعمل اللى علينا ونرضى ربنا وندعية اننا نبقى سعداء ونعرف نسعد حبايبنا.. ونوصل للي قدامنا احساسنا بالخير اللي فيه ونعرفة كمان اللي بيضايقنا.
هنحاول نتفاهم.. وهنبدأ بإن كل مدرج يقول للتانى هو بيتضايق منه فى ايه.. هوصللك يا ادم احساسي ايه من هفوات نفسك اللي ممكن تفتكرها تافهة أو أمر مسلم بيه.. وهحاول أوصل لحواء وجهة نظر آدم (وطبعا محتاجة مساعدة أصدقائنا المدونين فى التعليقات) لحواء في هفواتها والامور اللي بتهملها وهي مهمة لآدم.. عايزين صراااااااااااحة تامة من غير كسوف ولا تجريح.. وللا أقولكم.. خلليها دم للركب علشان البلاوى المستخبية تطلع وتبان..
نياهاههاهاهاهههاهاهاها.
متسيبوش حاجة فى نفسكم يا بنات.. عايزاكوا تقطعوا فروة أى واحد مذكر مضايقكم.. قولوا على كل البلاوى.. ولو وصلت للفنلة والـ...... بردو مش مشكلة.. افضحيهم يا رفيكة الكفاح يمكن واحد منهم يتعظ ويتعدل ويبقى راجل بحق وحقيق.
وانتم يا شباب.. انا عارفة انكوا قرفانين من بنات حوا ونكدهم وتأميرهم وتقلباتهم وسلطاتهم وباباغنوجهم.. قول ياخويا قول متكتمش جوة نفسك كدة لتنقهر وللا يحصلك حاجة.. دة انت لسة فى عز شبابك يا ضونايا.
وبما اني فى مدونتى بقى فأنا اللى هبدأ الأول.. وكمان هنبدأ بتقطيع فروة الشيباب (برديك مش هقول رجالة لان المفروض الرادل الدد اللى على حق ميعملش الحركات القرعة اللى هنحكيها دي)..صحيح انا مش هسيب لا شباب ولا بنات ولا أبهات ولا أمهات الا لما اطلع غللي فيهم.. بس برديك هبدأ بالشيباب.. وتحية كبيرة قوووووووووووووووووي لجمعية المرأة المتوحشة وجميع العثلات اللى فيها.
مش هتكلم كتير في البوست دة.. لسه.. لسة دة انا هفششش غللى الدفين فى صنف ابن آدم وعمايلة المهببة.. بس فى البوستات الجاية بقى علشان مطولش عليكم.
والله ولي التوفيق والسلام عليكم ورحمة الله وبركاته.
تششششششششششششششششششششششششششش.
(ملحوظة: ياترى الراجل ده بيقول ايه فى عقل باله؟)

69 اللي عبروا منوووشة:

ساره يقول...

ماسكه سلاحي
واستنى منك امر الانطلاق

هيه حرب :) يلالالالالالالالالالالالا

لا تتأخري يا منووش :)

غير معرف يقول...

موش ليا في الحروب دي علشان لسه ما جاش اللي يقدر يطفشني.......بس معاكي في الحرب المقدسه بملاحظاتي يا جميل
وخللي السلاح صاحي

اسماء واحلام فى وجدانى يقول...

انا باقول نحجز مكان قبل الزحمة

ولا ايه يا منووووووووووووووووش

حلم بيعافر يقول...

حاسس بنية وحشة
وحاجات شر بتتجهز
ربنا يستر

اسماء واحلام فى وجدانى يقول...

عدى النهار والمغربية جاية تتخفى فى حضن الشجر

وعشان نتوه فى السكة شالت من ليالينا القمر


**********
خلى السلاح صاحى صاحى

لو نامت الدنيا صحت مع سلاحى

لامة اروح بسرعة اجهز القطط بتاعتى وارجع علشان الموضوع شكل كبير اوى

اسماء واحلام فى وجدانى يقول...

كده بردة يا منوووووووووووووووووووش

يا منوووووووووووووووووووووووووووووش

يا منووووووووووووووووووووووووووووش

حول

هل تسمعنى

نحن فى انتظار ساعة الصفر

حول

ريهام العربي يقول...

تششششششششششششششششششششششششششش

بصي انا معاكي ومستنيه البوست الجاي
وعاوزه انضم انضمام كلي لجمعيه المراه المتوحشه

مش لان الشباب مدايقني بس انا منقوطه منهم بجد كل يوم بتاكد ان الرجاله ماتو في حرب اكتوبر:(

mimi يقول...

معاكي يا أوختشي في أول بوست أقراه بعد العودة...

لولولي ........

قلب ارهقته الاحلام يقول...

نحن هوناااا:)

اركز واجيلك بس ^^

قلب ارهقته الاحلام يقول...

طبعا انا معااكي يابونيتي :)

بس استني اقوم اقطعلي شوية بطاطس واجب (:

تشششششششششششششششششششش هههههههه

شكلنا هنتفضح ويعرفوا اننا مالناش ف تحمير البطاطس

بس مش مهم هياكلوها نية حتي :-p شغل قوة بأة

يلااا محضرين الرشاشات تعالي بسرعة وخري وخري

مسدس صغير يقول...

هههههههههه
مستنيين نشاطك فى الجمعية
اما نشوف اخرة الستات ايه
دا حتى مجلس العب بقى ليهك كراسى ثابتة
ربنا يستر علينا
ههههههههههه
حمد الله ع السلامة

blue-wave يقول...

يا رب سلم
لعلمك بقى انا هابدأ
وخدى اول حاجه بتضايق الراجل من اى ست
التقلب المزاجى
تبقى مبسوطه وتمام واخر فل واربعتاشر
وفجأة تقلب بغم
متعرفش جابته منين
وسنواليكم بالجديد ويمكن نرد عليكم ببوست من حديد
احذرينىىىىىىىىىى يا منووووووووووووووش:))

د. ياسر عمر عبد الفتاح يقول...

طيب وعلي إيه كل ده؟
أنا رجل غلبان ومليش في الخناقات
بس هتابع إن شاء الله الردود

Unknown يقول...

مليش فى المواضيع ديه
نوهائى
خالص

انا بس حبيت امسى
و اعلق

بس تتخانقوا مع بعض تولعوا فى بعض
مش قضيتى
ههههههههه

عاشقه الرومانسيه يقول...

وهتولع يامنوووووووش
هيييييييييييييه
وضرب نار للصباح الباكر يامعلم

هو ده الكلام
عايزينها تبقى حريقه
جمعيه المرأه المتوحشه
ت تعيش
ت تعيش
ت تعيش تعيش تعيش
وسمعونى سلام خلى السلاح صاحى

هى فين رئيسه الجمعيه خالتى ستيته
لسه مش جت؟

عجتنى روح عبد الناصر اللى لبستك فجأه دى
ههههههههههههههههههههه
(:

مستنيه منك الاشاره وانا هانفجر
ده انا شايله فى قلبى وساكته يااوختشى

غير معرف يقول...

ههههههههههههههههههههههههههههههههههههههههه
ههههههههههههههههههههههههههههههههههههههههه
هههههههههههههههههههههههههههههههههههههههههه
بجد أنا هلكت خلاص
تصدقى بالله
الرجالة صعبت عليا :)

بس أنا معاكى معاكى

تامر علي يقول...

أكتر حاجه تغيظ في الستات انهم بيعملوا حركات ستات :))

Ahmed يقول...

لا تعليق
ترقب فقط

MaNoOoSh يقول...

يا جماعة مش هو دة اللي كنت متوقعاه منكم
فين الدم؟
فين شد الشعر؟
فين الضرب؟
فين المعركة؟
لالالالالالالالالالالالالالالالالالالا
انا مستنية كل البلاوي تطلع
وبالذات من الرجالة
عايزاكم تقولولي على كل اللي بيضايكم من الستات (اصل احنا ملايكة وعيوبنا بثيطة قوي وموش لاقية عيوب تذكر اكتبها)

د. عمرو بلو وايف
هو دة الكلام.. ايوة كدة.. انا عايزة الستات تتشرح النهاردة.. ومستنية الجديد كمان

كل البنانيت صديقاتشي العضوات العثلات.. عايزة كل شىء ينكشفن ويبان
مش عايزين كسوف بقى.. قولوا كل حاجة علشان اكتبها واساعدكم.. (ولو اني عندي مخزون من البلاوي اللي هطلعها عليهم)

ملحوظة: مستياكي يا ستوتة.



نياهاهاهههاهاهاهاهاهاهاههههاهاها

MaNoOoSh يقول...

سارة.. مروة.. احمد.. ميمي.. غادة.. انا ودماغي.. دودو..
لقد حانت ساعة الصفر يا شباب
ايه انتوا فاكريني بهزر وللا ايه
عاااااااااااااااا


ريهام العربي
مرحبا بالعضوة الجديدة معانا
في انتظار سماع بيانك فى التعليقات (قولي كل اللي بيضايقك فيهم يا اوختشى)




حلم بيعافر.. مسدس صغير.. بدراوي.. د.ياسر.. أحمد ابو العلا
لا يا جماعة مينفعش كدة.. انتوا بتهربوا من الهجوم المضاد وللا ايه
عاااااااااااااااااااااا
بقولكم عايزة دممممممممممممممم


تامر علي
انت بتغيظني وللا ايه
هههههههههههههههههههههه
طب ما تقول اي حركة منهم وانا اطنش حركة من بتوع الرجالة.

Lady E يقول...

منوش تصدقي كنت بفكر في جمعية المرأة المتوحشة النهاردة

اقول ايه ولا ايه اكيد هاجي تاني ده انا مرارتي مفقوعة جدااااااااا

Sweet Violet يقول...

اممممم

طيب ينفع اكون متابعة فى صمت ^_^

اصل لحد الان الصراحة يعنى احم احم مش فاهمة بردو D:

Arsenal Way يقول...

ليه الإفترى ده
إحنا نروح القسم و كل واحد ياخد حقه
و بعدين خافي على نفسك أي واد يفجر نفسه في المدونه و يريحك منها
:D :D

*البت المشمشية *حلوة بس شقية * يقول...

تشششششششششششششششش
ههههههههههههههههه

طيب انا بقه ماليش مزاج اتخانق

ادم المصرى يقول...

طب انا ايه دورى فى جمعيه المرأه المتوحشه

انا ممكن اكون ذى مثلا سفير او وسيط بنكم وبين الرجاله

اى خدمه اصلى جى فى اى حاجه يعنى

خدونى معاكو لعور نفسى

أبو العريف يقول...

ايه دا بقي يا منوش

يعني انت قلتي هجوم
وكله واخد وضع الاستعداد
فكرتوني بهنيدي في الجامعه الامريكيه
لما كان هيخانق في الراجل الصيني
وقعد واخد وضع الاستعداد لحد ما الفيلم خلص وما اتخانقوش
( انت مش هتتعارك ولا ايه اخلص ورانا محاضره)


وانا بقي من هذا المزنق هبدأ بالضربه الجويه الاولي

اكتر اربع حاجات بتخنقني من الستات
تلت حااجات
النكد والرغي

وعايز ايها واحده تقول انها مش رغايه او نكديه

هقولها كدابه
الرغي ده بيجري في دمهم
ممكن تقعد تتكلم طول النهار من غير ما تزهق
وطبعا احيانا بيبقي الراجل جاي من الشغل مش طايق نفسه
وهي تقعد تاكل ودانه
فلانه عملت
فلانه سوت
مش ام احمد جارتنا طلعت حامل
مع انها مجوزه تلت بنات

وانا مال امي بام احمد

وللعلم فيه احصائيه بتقول ان الشعب المصري هو اكثر الشعوب استخداما للتليفون والموبايل
بلا فائده

وطبعا كل الستات واخدين دكتوراه في النكد



ايه الرغي اللي انا رغيته دا كله
ههههههههههههههههه

تحياتي

ذو الوجه المبتسم يقول...

السلام عليكم

واحد هييجلي من مدرجات المخنشرين يسألنى وهى ايه أهدافكم دي؟.. هقولة لا تجادل ولا تناقش يا أخ علي (اسمع الكلام بقى مرة فى حياتك يمكن تفهم الستات عايزين ايه.. مع ان هم نفسهن مش عارفين عايزن ايه اساسا).
هو انا من الخناشير ولا الشباب الصغير

تعرفى انا بجد فطشت على نفسي من الضحك
ايه يا بنتى البوست اللى زي الصاروخ ده

بس تعرفى بجد مفيد جدا وهدفه ممتاز ومتميز

الست من اجمل المخلوقات بالكون
ربنا وهبها لنا كى تكون انس ومودة ورحمة
كى تكون حبيبة وعشيقة وزوجة وام اولادنا
مميزاتها كتير
وبتريحنا كتير
ولكن ؟؟؟؟؟؟
سلبيات الستات كتير
محدش يزعل من الستات
انا باقول الحقيقة
لحد الان مفيش ست كاملة ؟
ونصيحتى لكم يا ستات ويا بنات
خلوووووووووا بالك
هجوم الرجال قادم لا محالة

وخلوووووا الست منوش تنفعكم
هههههههههههههه
هههههههههه

تقبلى تحياتى

بنت الأسلام يقول...

منوش أنا من أول أعضاء هذة الجمعية و انا هأمن جميع انواع اسلحة الدمار الشامل من نووى وذرى عشان الهجوم يبقى كامل ونبقى فى الامان.
بوست رائع بجد ضحكت وانا مكنش ليا مزاج أضحك
ربنا يجازيكى كل خير
تحياتى

Unknown يقول...

وانا حأسمسسسسسع !اسمع ايه بس
قصدى حاقرأ واتفرج وابقى اقولك
على اللى ما بيعجبنيش فى اولاد اخواتى
سواءبنين او بناتييييييت.....ماشى يامس؟

Unknown يقول...

بقولك ايه :ابقى حطى كماشة
ولا ايد هون جنب الكومنتس
الواحد 3مرات ادوس عليها
ودى مش عايزة تتحط !هو
احنا ناقصين خنقة؟

yoyo يقول...

صباحك سكر

الف مليون سلامة على

نفثاويتك يا اوختشى
الحمد لله بقى عشان نعرف

نعمل الهجوم صح و باتقان

بقى

الموضوع كبير كبير بقى
لان الرادل فاكر ياحرام ان

الست هى اساس كل

المشاكل وهو يا حبة عنيا
الملاك البرىء ( ناقص يركب

جناحين ) و الست هى

المفترية عليه
احنا عاوزين واقفة صح
وكل واحد ياخد حقه
هو احنا شوية فى البلد دى

ولا ايه
وأنا من موقعى هذا باتضامن

معاكى يا اوختشى
احنا برده ولاية زى بعضينا
ههههههههههههههه

انا سمعت الاخ دا كان بيقول:
( لطفك بعبيدك يارب )
هههههههههههه
يالا على البركة

تسلمى والله بوست زى

السكر يا سكرة
تحياتى
يويو

Sweet Violet يقول...

منووووووووووووووش انا كده فهمت من رد ابو العريف

"لسه مش شوفت باقى الردود"

ابو العريف اعترض و بشده على موضوع الرغى و النكد

اولا نيجى للنكد الاول.. مين السبب فيه ؟؟

هل هى مثلا من نفسها كده بتنكد على روحها ؟؟

يعنى مثلا وهى بنت تلاقيها بتضحك و تهرج وعادى جداا و لما تتجوز تتحول لوحدها ؟؟

لا بجد مش معاك فى الموضوع ده مش كله بيقول نكد للبيع

كل فعل ليه اسبابه .. و طبعا لو دورنا على الاسباب هتلاقى الرجل سبب منهم ^_^

نيجى بقى فى الرغى

صدقنى دلوقتى الرجاله اكتر من الستات فى الموضوع ده بكتييييييييييييير

موضوع شوفى فلانه و علانه الصراحة غلبتونا فيهم ((:

Sweet Violet يقول...

ذو الوجه المبتسم

*******
لحد الان مافيش اى انسان كامل

الكمال لله وحده

يعنى زى مافيش ست كاملة بردو مافيش راجل كامل ولا ايه ؟؟؟

SHAPE YOUR LIFE (ABOALI) يقول...

الله اكبر الله اكبر
الله اكبر فوق كيد المعتدى
يلا يا ادم ربنا يهد القوى
الله اكبر الله اكبر
لملموا الجيوش
جهزوا السيوف
ممنوع الدفوف
الله اكبر الله اكبر
الوقت حان
الساعة بتجرى
العقرب مكهرب
والكل مولع
الله اكبر الله اكبر
عاوزين جمعية
تكون مفترية
نقبضها الاول
ومش هاندفع تانى تانى تانى
الله اكبر الله اكبر
عاوزين نعيش
ومعانا لقمة عيش
عاوزين حقوق الانسان
تبقى زاى الحيوان
الله اكبر الله اكبر
فوق النون
وكل من يتحالف مع النون
ضد الراجل المظلوم
الله اكبر الله اكبر



احنا لمواخذه رايحين فينا
هى دى مش بنها العسل
ولا احنا فين


تحياتى

ذو الوجه المبتسم يقول...

السلام عليكم
sweet violet
اولا باشكرك على ردك على تعليقى
انا اتفق معاكى ان مفيش انسان كامل
لا راجل ولا ست
اكيد كلنا عارفين الكلام ده

بس قولى لى
سايب كل التعليق بتاعى ده كله والكلام الحلو عن الست
ومسكتى فى الكلمتين دول بس
هههههههههههههههههه
تقبلى تحياتى

Sweet Violet يقول...

اصل كلمة لكن دايما الكلام اللى بعدها هو اللى بيشد الانتباه ^_^

علشان كده علقت عليه و كمان لانى لقيت فى عنصرية جامدة جداااا

Unknown يقول...

ههههههه انا معاكي في قصة جمعية المرأة المتوحشة..


نياهاهاهاها..

تمام يا افندم جاهثين للانتلاك...

يــــــــــاااااااي

قلب ارهقته الاحلام يقول...

يلاااا بأة انا جييت تاني اهوو

ساعة الصفر امتي :)

انا حضرتك كل الاسلحة وسنيت سناني وضوافري عااااا

ههههههههه والبطاطس ,,, ف جيييييبيييييي

وتشششششششششششششششششش

انتي روحتي فين يابنتي اوعي يكوني اغتالوكي هههههههه

Maryama Qandil يقول...

ههههههههه

يا نهااار على الحركات
جمعية المرأة المتوحشة وجميع العثلات الي فيها

جااامدة....:)
منتظرين البوستات القادمة

safa7_karmooz يقول...

ههههههههههههههههههههههههههه

ايه كل ده ؟؟ :D

blue-wave يقول...

خدى دى بقى

اة منكم اة يا بنات حوا
ولا حد بيعرف ايه جوا
ولا ايه بتخبوة جواكوا

بتحبوا اتنين عشرة وميه
والترتيب حسب اليوميه
والإهمال دا هوا دواكوا

نخبطكم فى الحيطه تردوا
غير كدا صعب ان انتوا تردوا
ولا تقدروا ولا مرة تعدوا
كام واحد خنتوة فى هواكوا

اة منكم اة طبعكوا غدار
ف ثوانى الجنه بتقلب نار
وتبيعوا ف اعشار الثانيه

ولا تعرفوا ايه معنى الإخلاص
بتبيعوا وتنسوا كدا وخلاص
ماهو انتوا كدا زى الدنيا

تجرى من اللى بيجرى وراها
وتروح دايما للى رماها
تفتكر اللى ف يوم ينساها
وتهرب من اللى بيخلص ثانيه

:))

ستيتة يقول...

علي النعجة انا علقت في البلوج ده
لااااااااااااااااااااااااااااااااا

هي ابتدت حركات الرجالة
فين تعليقيييييييييييييييي
عااااااااااااااااااااااااا

ياأهلا بالمعارك
انا جاية أهو اتعارك

فين اللي معترض
اي حد معترض شاوروا عليه


ايه اللي خانقني من الرجالة
يالهوي كتير قوي يا ماما

بس اول الغيث يعني

انك على ما تتكعبلي في راجل واحد تكوني مررتي ودستي على عشروميت عيل سيس

يالا بالشفا

Jannah يقول...

مافهمتش المطلوب بالظبط بس أنا موجودة لو حابين تكملوا العدد المطلوب أو الاحتياطي مثلا
يللللللله

ذكرى رحيل قلم يقول...
أزال المؤلف هذا التعليق.
ذكرى رحيل قلم يقول...

السلام عليكم

فكرة حلوة تخلي كل البنتيت المتغاظة تفضفض براحتها ويمكن تريح وتستريح

مبروك الجمعية بس انا مش فيها

تحياتي

Bola 7elmi يقول...

عفوا للتأخير يا زعيمة التشكيل الاجرامي
بس قوليلي هنبدا نقطع ف فروتهم امتى
بحب انا أشمت فـ البني آدمين صنف الشيباب
ونششششششششششششششششششششششششششششششششششش جامد جدا لسيادتكم
تحت الطلب :)

Lady E يقول...

انا جيت تااااااااني

بصي يا اختي طبعا اللي هقوله ده عن الشباب السيس لاني حرام لو ظلمت اللي هقول عنهم الصفات دي وقولت عليهم رجالة

اولا المعاكسات قال اي يا اوختشي كل واحد فاكر نفسه ليوناردو دي كابريو وواخد في نفضه مقلب كبير اوي وفاكر ان اي بنت ممكن تدوب في هواه وهو من بره اوبا اوبا ومن جوة اعه اعه

ثانيا : عنيهم زااااااااااااايغة ومش بيملا عنتينهم الا التراب لو كنتي زي القمر يقولك بس انا مكنتش عايز ارتبط بواحدة زي القمر بغييييييير ولو كنتي مش عارفة تظهري جمالك يقولك لالالالا مش حلمي خاااااالص انا نفسي اتجوز هيفا اصله هايف زيها

ثالثا : عايزين البنوتة تسمعهم وتحس بيهم وتتحمل غبائهم وغلطاتهم وتسامحهم مرة بعد مرة وهي بمجرد انها تغلط غلطة صغنونة مش ممكن يسامحوها

رابعا : قلبهم كبير اووووووي يعني ممكن يحبو 4 في نفس ذات الوقت

لو حاجه جت في بالي تاني هاجي اقولها

غير معرف يقول...

منوش الحبيبة
انا اعرف انك وديعة
ايه حكاية الجمعية المتوحشة
انتى مش قد الرجالة وجبروتهم
انا حذرتك يامنوشة اصل انتى غالية عليا
تحياتى

النسر المهاجر يقول...

أنت بتمثلى صوت الشعب
إلى الأمام يا همام

فشكووول يقول...

ايه بس اللى مزعلك يا منوش انت قال يعنى عايزه البنات يفضفضوا والشباب يفضفضوا ... بس انت عايزه تنزلى هجوووووووووم على الرجاله وقال يعنى بتعدلى بين الاتنين لكن انا عارف انك مستقصده الشباب وبلاش الرجاله
تحياتى منوش

MaNoOoSh يقول...

مصطفى ابو زيد
لالالا انا مش بخاف
انا مفخخة المدونة أساسا
هع هع هع


البنت المشمشية
بكره لما انزل اول بوست هجوم يا مشمشية هتيجي وتطلعى فيهم القطط الفطسانة


ادم المصري
لا من غير تعوير ولا حاجة
احنا بنرحب بالوسطاء طبعا
دة احنا عايزين دم


ابو العريف
ايوة كده
هو ده الكلام
دة الواحد واخد وضع الاستعداد بقاله كام بوست
ههههههههههههههه

امممممممممممممممم
النكد.. والرغي
من عنيا
دة انا هشرح الستات علشان خاطرك انت بس
بس بعد الرغي ده كله
لع
ههههههههههههههههههههه




ذو الوجه المبتسم
ولكن؟؟؟؟
ماااااااااااشي ماشي
هو صحيح مفيش ست كاملة
بس كمان مفيش راجل كامل وللا ايه؟
وبعدين دة انا نفسي تهاجمونا
ياااااااااااااااااااااااااااريت
وانا اول واحده هسيبهم واجري
ههههههههههههههههه



همسة
نرحب بالعضوة العثولة همسة معانا
اللي هتجيبلنا أسلحة نووية
ايوة كده
بس يللا بقى تعالي قطعى فروتهم معانا



نورا
ماشي يا نورا
فى انتظار كل البلاوي المدفونة
(ويظهر فعلا صفحة التعليقات عندى عايزة شاكوش.. ناس كتير بتشتكي منها)
عاااااااااااااااااااااااااااااااااا
يظهر حد من اعداء الجمعية بوظلي الترباس



يويو
تسلمي يا قمر
فعلا يا يويو
هم فاكرين انهم ملايكة
بس احنا هنخليهم يبصوا لنفسهم فى المراية
نياهاهههاهاهاهاهههاهاهاهاهاهههاهاها
ان ما خليناهم يقولوا حقي برقبتي
ميبقاش اسمنا ستات



سويت فيوليت
صح جدا يا سويت
مهو كان شايفها من الاول
وكانت عادية جدا وزي الفل
النكد جه كرد فعل لمعاملته معاها
وبعدين الرغي.. على رايك دة الواحد بيشوف رجالة رغايين ولتاتين وعجانين
والله غلبوا اعظم عظمات الستات فى الرغي
ههههههههههههههههه



ابو علي
ليه بس يا ابو علي
هو فيه فى رقة النون وللا التاء
ده احنا بس هنخللي اشباه الرجال يبصوا فى المراية علشان يعرفوا انهم لسة مبقوش رجاله



ذو الوجه المبتسم وسويت
هو ده الكلام
عارف انت كل الكلام الحلو اللي قلته عن الستات
ومفيش فايده بردو
وانتي يا سويت.. هم اساسا مش شايفين فينا حاجة حلوة
انا جاية اهدي النفوس بس يا جماعة
هههههههههههههههههه




فاتن
يللا يا فتون جهزي اسلحتك



قلب ارهقته الاحلام
لالالا يا غادة اتطمنى
انا قاعده فى الحصن الحصين بتاعي
محدش يستجري يهوبلي
والا احمره مع البطاطس
احنا بنلعب وللا ايه
ههههههههههههههههههه



روما
ايوة ايوة
احنا كلاتنا عثلات
والمرأة المتوحشة دة الاسم الحركي للجمعية يعني




سفاح كرموز
انه بداية الهجوووووووووووووووم
ها.. مين هنااااااااااااك


بلو ويف
لالالالالا
عااااااااااااااااااااااااااااااا
كل ده فينا
عاااااااااااااااااااااااااااااااااااااااااا
جاري دراسة القصيدة وتفصيصها حرف حرف
والهجوم على العينات "النادرة" الشبه معدومة اللي القصيده بتتكلم عنهم
هههههههههههههههه



ستيتة
عااااااااااااااااااااااا
والله يا اوختشي ما باكل التعليقات
ده يظهر اعداء الجمعية هم اللي بيخطفوا التعليقات

وهو اول الغيث ده حاجة هينة يا ستوتة
دول قربوا ينقرضوا انقراض الديناصور اكل العشب الطري




جنه
لا يا جنه احنا عايزين نهجم
قولي اى حاجة مضايقاكي من جنس ادم



ذكرى رحيل قلم
ايوة يا قمر
وعايزين فضفضتك معانا




بولا
ابداى من دلوقتى يا قمر
ده احنا هنسلخ فروتهم مش هنقطعوها بس
نياهاهههاهاهاهاهاههههاهاهاهاهاهها



ليدي
المعاكسات دي يا ليدي بالنسبالهم كده كانها حاجة عادية
فاكرين نفسهم جونتلافولتا
هههههههههههههههههه
وهم طبع فيهم صحيح عينه زايغة.. بس قلبهم كبييييييييييييييييييييييييير ويسع من الاناث ألف
بس موضوع المسامحة ده مهم قوي.. وعايزين نتناقش معاهم فيه اكتر
اصلهم بيسوقوا فيها قوي
والست ليها قدرة محدودة تسامح فيها وبعد كده ممكن تهد المعبد على دماغهم.. ويشربوا بقى من أفعالهم



ام مالك
والله يا قمر
انا مش همد ايدي عليهم
انا هعرفهم غلطهم بس
ههههههههههههههه



المهاجر
دعواتك معانا بقى


عمووو فشكووول
هههههههههههههههههههههههههه
صح يا عمو
انت جبت اللي فيها
مهو لو راجل مش هنهاجمة
ولو بنت على حق بردو مش هنهاجمها.

منــار فايد يقول...

منووووووووووش
وحشاااني اوي اوي
كتاباتك ذات طابع مميز
واجمل حاجه عاجباني
نيهااااااااا

منــار فايد يقول...

بحبك يامنى لله في لله ومن غيرك مااشوفك حتى
ومن غير حتى مااعرفك
قولي معايا يارب يدوم

saheda.com يقول...

أنشئ عدد من المدونين مدونة تحمل إسم فارس بركات وقد تضمنت المدونة العديد من الكليبات الفنية بخصوص قضية ال26 المقبوض عليهم من الإخوان المسلمين يوم الاحد 17/5/2009 يوم إلقاء فارس بركات من شرفة الدور الرابع .

وقد تصدرت صور فارس بركات المدونة وهو يرقد بالمستشفي وهو مقيد بالاغلال ولا حول له ولا قوة له إلا بالله

وقد ذكروا في المدونة كلمات تعريف بفارس بركات ذكروا بها:-

فارس بركات هذا الهادئ الوديع الطيب الداعى للهدوء والتعامل بحكمة يعرفة كل اهالى حى ابو الريش ينادى من صغره بالشيخ فارس لم يتجرأ كبير او صغير فى حى ابو الريش ان يناديه باسمه مجردا دون القاب ذالك تقديرا وتوقيرا منهم اصغر منه يشعرون انه اباهم الحنون العقل الوقور رفقاء سنه يشعرون انه كبيرهم واكثرهم اتزانا وعقلا اما منهم اكبر منه يستشيرونه ويحترمون رأيه

فارس بركات نحبه جميعا ونحترمه ونوقره ندعو الله ان يشفيك ويعافيك وندعو على من اذاك ان ينتقم الله منه شر انتقام وان يشفى غل صدورنا منهم وان ينتقم منهم فى ابناءهم وذويهم اللهم ااااااااامين


رابط المدونة

farsbrkaj.blogspot.com

الشعب لابد له من حكومه تشكمه يقول...

انا باه بحب الراجل سى السيد,, الحمش..عندك منه ؟؟اصله خلاص انقرض ومش موجود..
من الاخر انا عاوزه واحد يشكمنى كده .ههههههههههههههه..شوفتى انا مليش فى الخناقات ازاى انا طيوبه خاااااالص...ونقعد نقول يا ادم وياحوا ونوجع فى دماغنا ليه..انا عاوزه اتشكم من الحكومه الكبيره وبعدين اتشكم بمزاجى من الحكومه الصغيره,,بس بينى وبينك هو اللى بيكون مشكوم بس احنا نعمل نفسنا مشكومين..بنستعبط يعنى.
واسفه على التأخير ترتيبى وحش جدا فى الفصل ,اخر كومنت انا زعلانه من نفسويتى خالص بس ظروف وحياتك:))

MaNoOoSh يقول...

شباك موارب
تسلمي يا قمر
وانا كمان بحبك والله يا عثل
بس يللا عايزين الهجووووووووووووووم عليهم




saheda.com
سيتم تصفح الموقع فى اقرب فرصة باذن الله

الشعب لابد له من حكومة تشكمه
ياجامد انت يا بتاع سي السيد
والله يا بنتى هو ده المفيد
انا كمان اريده حمش وبشدددددددددددددددددددة
وبعدين نشكم بمزاجنا من تحت لتحت
هع هع هع
وبعدين يا قمر انتي تشرفي فى اى وقت
بث انا هنزل البوست الجديد واول هجوم حالا بالا
نياهاهاهاهاهاها

د/على خميس يقول...

السلام عليكم و رحمة الله و بركاته

لا تجادل و لا تناقش يا أخ على
حااااااااضر

بس هو فيه ايه؟؟

استر يا رب

عمرو يقول...

مش عارف ليه البوست ده بيفكرنى بأجواء حرب 1967 !!
لما مصر وقعت لاٍسرائيل عشرميت ألف طياره فى أول 5 دقايق من الحرب :))
أستر يا رب ..

Darsh Basha يقول...

ياسلام على الستات لما يبقى فى جمعية
مبيصدقوا ..الكل يجرى..ويحجز مكان
بس على مين ...على راى المثل
الراجل ب 123ست ...يعنى اعملوا اللى انتوا عايزينة
بس اسم الجمعية عسل اوى
جمعية المرأة المتوحشة....دعوة للأنتقام

انتظروا قريبا..."جمعية الرجل المنتقم"
عووووووووووووو

ريهام العربي يقول...

اول حاجه بتدايقني فيهم من حيث المظهر ( البنطلون الصاقط السلسله و اللي فرحان بعضلاته ولابسلي تيشيرتات ملزقه .... الخ ) وده اكتر حاجه لان انا لا بيا ولا عليا ماشيه والاقي مناظر فاتنرفز واتشل من قبل حتي ما ينطق فكده حرام يعني

التصرفات بقي كل واحد شايف نفسه ولا توم كروز في زمانه وهو ....... نو كومنت

ولما يجي يتجوز يجي متوقع ان العروسه دي هيشكلها علي مزاجه وعاوزها تفصيل عنيها ومعرفش ايه وبقها ايه وبتتكلم ازاي وبتتعمل ازاي واكيد مش نكديه هو ينكد اه هو يزعه اه هي داااااااااااائما مبتسمه ومتزعلش ومتتخنقش لا وكمان بيروح لواحده اجمل منه بمرااااااااااااااااحل طيب يااا اخي الحلوه دي هتبصلك علي ايه ما تروح تبص في المرايه اول فيك ايه في منظرك ولا شخصيتك ولا .. ولا... عشان ترضي بيك

بجد بجد المجانين في نعيم ربنا يصبرنا

وعلي فكره انا قررت اني مش هتجوز طول ما المجتمع مليان باشباه رجال راجل كشكل لكن كمضمون القيم والمبادئ والاخلاق والعقليه المدبره لتحمل بيت واسره وتربيه اولاد مفييييييييييييييش


ايه رايك بصي انا مطلعتش القطط الفطصانه لان مع الاسف دي الحقيقه بجد ولو حد شااف شاب رااجل بكل معني الكلمه بجد يبقي يديه عنواني اتفرج عليه وارجعو لانو ده نااااااااادره احب اني اتفشخر قدام صحباتي اني شفتها

عمرو وجيه يقول...

هههههههههههه


ليه التوحش ده


ده دليل بجد علي الغل و الحقد الطبقي


ههههههههههه

بس انا عن نفسي بحترم حواء جدا

هي خليط من الجمال الحسي والمعنوي و المادي

و خليط رائع من الاحاسيس و المشاعر النادرة


ربنا يكرم حواء و يخللها آدم

بنجاواتى يقول...

اللهم احفظنا يا رب

ربنا يستر علينا

انا مستعد ابدأ من دلوقت

بس برضه علشان الشباب ناس جدعان وكلهم جناتل مان هنسيب البنات تقول اللى جواهم ويجيبوا اخرهم الاول وبعد كده ننقض عليهم انقضاض الليث

هعععععععععععععععععععععععععععع
سلام

Ramy Wasel يقول...

فداك البيت واللى فيه والجيش يا ريس

امال مين اللى حيودينا فى داهيه

ارجع يا ريس

وربنا يهدى النفوس

mahasen saber يقول...

اكيد بيقول يا رب البت منوش ربنا يوعدها باليى يخنقها وانا طبعا ااقله يوعدها اه يخنقها لا

قوليلى يا نوشه يا ام بطاطس بتتحمر الحوار ده ينفع اتفرج فيه على تقطيع الشعر بس ولاا تحبينى اشمر وادخل

mahasen saber يقول...

بس شكله هيبقى ماتش للركب
يعنى لو ضمينا مدرجات الجمهور لبعض هيحصل العجب

احكم انا بئه

غير معرف يقول...

ثأهثأة هانم تقود حرب شرسه
بث فين الرقه فين الدلال فين الحنان فين الطيبه و فين الخجل و فين الحياء و فين و فين
اختفت كل الحاجات دي من عندكن
لما تبقى ترجع ابقي دوروا بقي على الفتى المنشود
شويه بطاطس الله يكرمك نفطر بيهم من عندك يا دميل

ياسر سليم يقول...

على بركة الله

ربنا يقويكى

بس في سؤال ..

تششششششششششش الأخيرة دى
بتاع الجماهير برضه ولا المرة دى البطاطس ؟

شمس النهار يقول...

مش عارفه انا بايني دخلت غلط
ونبي يابني مش ده قسم الاسبكيه
فرع مشاكل الاسره:)

طيييييييييييييب

كلنا هنيجي نتحاور بس عندك كراسي كفايه لينا والا هنقف علي رجلينا والا ايه النظام

MaNoOoSh يقول...

د علي خميس
دة فيه حرب شعواء يا د
انا ناوية للرجالة على نية مهببة
بس صبركوا عليا
ههههههههههههههههه



عمرة
ايوة فعلا
هو ده جو الحماس اللي انا ناوية اتوكس.. قصدي افتكسه
ههههههههههههههه



123 ليه.. هو فيات
هههههههههههههههههههههه

ايوة انا بقى عايزة جمعية الراجل المنتقم
علشان اطلع غللي فيها
هههههههههههههههههههه
والله العظيم الستات غلابة والرجالة اغلب منهم
بس الواحد هيطلع فيهم القطط الفطسانة بقى
ايوة هو افترا وجبروت.. مش اسمها المراة المتوحشة
هع هع هع




ريهام العربي
شباب البناطيل الساقطة دول هقطعهم ان شاء الله
واللي فاكرينلي نفسهم براد بيت دول
هفش غللي فيهم فى بوست كااااااااااااااامل طويل عريض مدعم بالصور
والرجالة صحيح بقوا عملة نادرة بس لسة موجودين
ربنا يرزقك وايانا بالزوج الصالح التقي يارب




عمرو وجيه
ايوة ايوة
هو بقى غل وحكد طبكي
هههههههههههههههه
بس يعني
هو يعني
اصل يعني
الكلام ده احرجنا يعني
ههههههههههههههههههههههه
بس بردوو الهجوووووووووم هيستمررررررررررر






بنجاواتي
مااااااااااااااااااااشي يا كبير
ان ما خليتكم تنقضوا انقضاض القطه على الكورة الشراب مبقاش انا
نياهاهههاهاههاهاهاهاهاهاهاهاها
بس بالراحة علينا الله يخليك (وش اخر برائة)




رامي واصل
متقلقش يا رامي
انا جيت وجاية اوديكوا فى داهية اهو
قصدييييييييي ابدا الهجوم يعني
هههههههههههههههههههههههه



محاسن صابر
تصدقى انك اول واحده تاخد الها من الملحوظة دي
من بقك لباب السما يااااااااااااااااارب
يارب ارزق الاسمراني رزق واسع حلال وخليه يبقى برعي بقى ياااااااااارب
وبعدين احنا عايزينك تشمرى وتقلعى الساعة كمان وتجهزي ضوافرك وكل الاسلحة يا قمر
بس الالالالا يا ماسي
نضم ايه بس.. دول ما هيصدقوا
ههههههههههههههههههههههههههه
اتفضلي بطاطس بقى معايا







بيبرس
متغلاش عليك البطاطس اللي فى المدونة كلها يا بيبرس
وكل الحاجات دي والله موجوده للي يدور
بس اللي على حق بتبقى مستخبيه تحت شوية تراب.. اللي عاوز الحاجات دي يتعب شوية ويشيل التراب هيلاقى اغلى واحلى نعمة فى ايده




ياسر سليم
نورتني يا ياسر
لا دي بطاطس بقى قلت اتسلى وانا بكتب
ههههههههههههههه
اتفضل معايا بقى



شمس النهار
الكراسي كلها تحت أمر شموسة واجمل ناس