الأربعاء، 11 مارس 2009

جديد فى جديد ويارب الاكتئاب يروح لبعيد

ازيكم وازى حالكم فى موسم الاكتئاب المنيل دة
انا نويت احارب الاكتئاب خلاص وهطنش الزعل
بصوا بقى انا عارفة انى قرفتكم وخنقتكم بالواد الاسمر العثل الحليوة دة اللى بحبة ههع هع هع وخنقتة هو كمان وحياتكم.. نياهاهاهاهاهاهاها
كل ما يدلعنى وللا حاجة اقولة الرقااااااااااااااااابة لحد ما خنقتة واتخنقت انا كمان عااااااااااااااااااااااااااااااااااااااااااااا وبما انكم مش ناقصين خنقة يعنى.. وكمان بما انى مش عارفة اقولة كلمة واحدة من اللى انا حاسة بية ولا حتى قادرة اقولة بحبك رغم انه عارف بس انا حالفة يمين طلاق ما اقولها الا لزوجى ان شاء الله فأنا قررت اعمل مدونة تانية خاصية ليه وحده

(عندما احبك ويفيض بي الحب ويعجزنى ضميرى عن وصف مشاعرى لك أو قول كلمة أحبك فلا اجد امامى منفذا سوى تلك الكلمات التى أكتبها لك وحدك عساك تقرأها يوما ما) وبس كدة.. المدونة التانية هتكون مغلقة طبعا وهقعد أقول فيها الأسمر براحتى نياهاهاهاهاهاها

بس لو فاكرين انكوا هتنفدوا مني كدة بسهولة تبقوا غلطانين..لاااااااااااااااااااااااااااااااااااا دة انا راجعالكوا بمسلسل الموسم وكل موسم أقوى مسلسلات الدراما الخزعبلية التى تفيض بمشاعر الاشمئزاز والامتعاض المسلسل الذي اصاب مشاهديه (اللى هم انا واختى والأسمر بردو) بالشلل السباعى وأصابهم بحالة من الشحار المفسفس

مسلسل (عبدة أنزحة وتشفيدة زوفاش) حبايب قلبى ونني عين بؤلل بؤبؤى من جوة طبعا واضح جدا ان الحب طافح.. يعنى شوفونى وانا بستمسخر علي حد مستفز موت طحن أخر حاجة على رأي شيباب اليوم يعنى اوعى وشك.. وايدك وعينك ورجلك وأهم حاجة نوفوخك وطبعا المسلسل دة كصة حب كوية ومشتعله من أيام الابتدائية بين عصافير المحمودية (عبدة أنزحة وتشفيدة زوفاش) يللا بقى هسيبكم علشان اقعد استمخمخ وافتكر الذكريات المؤلمة للمسلسل سلااااااااااااااااااااااااااام

25 اللي عبروا منوووشة:

ستيتة يقول...

هههههههههههههههههههههههههههههههههه
ايوه كده ورونا لونكم الوردي الجميل

طيب افتحي المدونة التانية وانا ها اتسلل من ورا الستارة اتفرج على معاميكك وانتي بتقولي يالهوي ياسمر بحبه الأسمر هههههههههههههههههههه

منتظرة المسلسل الذي حطم قلوب العذارى عبده انزحة وتشفيدة زوفاش ههههههههههههههههههههههه

الله يحظك يا منوش

إيمان يقول...

ههههههههههههههههههههههه
ههههههههههههههه
عبده أنزحه زتشفيده زوفاش
واضح إنه هيكون مسلسل جامد جدا
مخمخى برحتك وإحنا مستنينك
ويعنى لو ممكن تبقى تخلينا نبص بصه كده على المدونه التانيه
يمكن نتعرف على معاميقك الجميله
منتظرين مسلسل الحب الكبير
تحياتى يا سكر

القدر و انا يقول...

على نار حنستنى المسلسل...
بس ياريت تعملى لى كوبى مخصوص
على المدونة المستخبية
اهى تنفعنى فى السن ديه..
يمكن ترجع الى راح
وتخلى القلب يرتاح
تحياتى يا سكر.

Unknown يقول...

ههههههههههههههههههههههه
ربنا يخليلك الأسمر ويكتبلكم الخير سوا
مش خنقة لما تقوليله الرقابه بصي هي وجهات نظر ..يعني في ناس بتضبط نفسها وتلوح بالكلام ولا تصرح به بس في بعض الكلمات بتكون صريحة طالما كل واحد ضابط نفسه وده مش غلط وفي ناس بيقولوا نسد باب الشبهات وده بردو صح مش غلط انتي ومزاجك شايفة نفسك ازاي اعملي..
ربنا يوفقك يارب وييسرلك الحال ولما تجوزي بإذن الله تغيري اسم مخنوقة ده لو سمحتي يعني..تبقي مبسوطة بأه ولا ايه..
في انتظار حلقات المسلسل بتاعك
مودتي

الشموع البيضاء يقول...

اول مرة ازورك بس مدونتك جميله
يلا اكتبى وقوليلنا مكان المدونه التانيه ومتابعينك

simply me يقول...

يا بختك يا اسمر
هتكون ليك مدونه لوحدك يلا ابسط ياعم

وربنا يصبرنا بقى على الدراما الخزعبليه
:)

غير معرف يقول...

شكله الواد اسمررررر من سخونه المسلسل

طيب ما تزوديش العيار للواد يولع

و بعدين رقابه ايه ف عصر السموات المفتوحه و الدش

خليكي جدعه و ابقي اعزمينا على المدونه السريه دي

romansy يقول...

ايوه كده الحب جميل ازاى بيدى لون جديد للحياه

مستنين المسلسل

غير معرف يقول...

هههههههههههههه
ههههههههههههههههه

اسم المسلسل لوحده يجنن ياخرابي

دا هيكون مسلسل الموسم وتاخدي جايزة عليه كمان يلا هيصي

ويابختك يا اسمراني حبي فيه براحتك ياختي

ياخسارة مش هينفع اتعلم منك حبيبي ابيضاني هههههههههههه

منتظرة المسلسل على نااار

تحياتي

Ahmed يقول...

ربنا يستر من مسلسلاتك
هو الفن جرالوه اللي جرى من شويه؟

هههههههههه
شلل سباعي؟
وده ليه علاج ده ولا ايه؟

MaNoOoSh يقول...

ستيته حسب الله الحمش
ان شاء الله وردى وهيفضل وردى وربنا يصلح حال كل المدونين والمدونات اللى عمالين يسكوها بالشمع الاحمر..
ان شاء الله مع منوشا للمسلسلات مش هتقدر تغمض عنيك
هههههههههههههههههه



إيمان
هتحفكم يا منمن متقلقيش.. وبالنوسبة للمدونة التانية يعنى لو جتلى الشجاعة الادبية ومتكسفتش هفتحها



القدر و انا
نورتينى يا عثل.. ومفيش حاجة راحت ولا حاجة دة احنا حتى لسة مكملناش التسعتاشر سنة احنا الاتنين
ههههههههههههههه
نورتينى يا عثل



كاتب مصري
يسمع من بقك ربنا يا برهم ياااااااااااااااارب
هو مش بيتخنق قوى يعنى يمكن انا اساسا اللى بتخنق اكتر حاجة من نفسى.. شخصية سيكوباتية بقى وعندى حول فى السخصية
ههههههههههههههههههه
بس والله لو ربنا جمعنا على خير لاولع فى الرقابة دى بجااااااااااز



الشموع البيضاء
نورتينى يا عثل وان شاء الله متكونش اخر زيارة
ايوة طبعا لازم تيجى وتشوفى عبدة وتشفيدة وكصة حبهم الكاوية
هههههههههههههههههههه



Bondoka
والله دة صعبان عليا الواد الحليوة الاسمر دة.. اصلى جيبالة فسفس
ههههههههههههههههههه



biberss222
لا مهو الاسمر دة كان بيشاهد معانا على الواكع قصة الحب الكاوية الحارقة بين عصافير المحمودية
وبعدين صدقنى انا اول واحدة نفسى اولع فى الرقابة اساسا.. عاااااااااااااااااا
بس اعمل ايه بقى.. ادعيلى يا بييبرس
طب اعمل مدونتك تانى وانا افتح المدونة الخفية بتاعتى
انت بتتقل علينا يعنى وللا اية يا عم بيبرس
يللا بقى شد حيلك كدة واعمل المدونة تانى



romansy
الحب فعلا بيهون كل حاجة علينا



°ˆ~*¤®§(*§ نـــوارة §*)§®¤*~ˆ° °
ياستى ابيضانى ابيضانى
بردو هيبى على قلبك زى العسل طبعا
هههههههههههههه



أحمـــــــــــــد أبو العلا
لا ولسة الفن هيضمحل ويشرئب ويشمئز لما المسلسل دة ينزل
وبعدين انت مسكت يعنى فى شلل سباعى وسيبت الشحار المفسفس
هههههههههههههههههههه
يا سيدى كلة بيطلع فى الغسيل
هههههههههههه

عاشقه وغلبانه يقول...

هو انتي كنتي مكتئبه ليه ياجميل...؟؟؟؟؟؟

حلوه فكره المدونه دي
بتفكرني بالجوابات زمان
ههههههههههههههههههه

تامر علي يقول...

فعلاً المرحلة الإبتدائية هي مرحلة النضج العاتشفي لدى الإنسان وكنا محتاجين حد يكتب عنها خصوصاً عند الوصول لحالة الشحار المفسفس اللي بتخلي الإنسان كأنه طائر الرخ ذو القدم الواحده :)
نحن في الإنتظار ومبروك الكمبيوطر الجديد :)

عاشقه الرومانسيه يقول...

وانا معاكى
فى الدعوه العامه اللى انتى عملاها للتفاؤل دى ياستى
وان شاء الله الحلقات تطلع حلوه
فى انتظارك

*البت المشمشية *حلوة بس شقية * يقول...

ههههههههههههه
الحمد لله هنترحم من الكأبة شوية
وهيبقا لعمو مدونة لحدو ماشية معاك يا عم

Zika يقول...

اول زياره
ومش فاهم اي حاجه
عموما مبروك المدونه الجديده ودخلت لقيتها
مقفوله قعدت اخبط ماحدش فتحلي قولت اجي هنا اخد لفه وامشي
واهبقي اجي تاني بارضه
سلام

المعتصم يقول...

بسم الله الرحمن الرحيم
السلام عليكم ورحمة الله وبركاته
منوش
تحياتى
الحمد لله انى جاى على التفاؤل والجو الجميل ده احسن انا مش ناقص اكتئاب الله يسترك
وطبعا طبعا المسلسل ده عاتشيفى ولا ايه ؟؟ اوعى يطلع دراما الله يخليكى ماليش انا فيه
بس تصدقى انا بقى كده هحسد الجدع الاسمر ده
ياجدعان ماتدورولى على عروسه بقى ياجدعان علشان كده مش هينفع ؟؟؟ الله
كل ماادخل مدونة الاقى حد بيحب وحد اتخطب وحد هيتجوز
وهو انا يعنى وقعت من قعر القفه ولا ايه ؟؟
ايه اللى انا بكتبه ده
اول مرة اجى المدونة واعمل كده
لأ مايصحش
اقولك خلاص اعملى نفسك ماقريتيش الكلام ده وخليه لتانى زيارة
وطبعا بشكر مرورك الكريم على مدونتى المتواضعه وتعليقك الجميل
تقبلى مرورى وتحياتى ودمتِ بكل خير وود
والسلام عليكم ورحمة الله وبركاته

Sweet Violet يقول...

اوباااااااااااااااااااااااااااااااااااااااااااا

مدونة فى الاستبوخس نونونونونونونو انا ماكنتش اعرف كده ابدا

بقى تعملى مدونة فى الاستبوخس من ورانا

تؤتؤتؤتؤتؤتؤتؤتؤتؤتؤتؤتؤ

ماشى ياستى ربنا معاك بس يعنى ابقى ناولينا كام حته كده منها و احنا هنعمل مش واخدين بالنا ((:

منتظرة المسلسل ياقمر ده شكله مسلسل هيقطع القلب ):

اشكرك ياجميله على سؤالك عنى بجد (:

Sweet Violet يقول...

آه صحيح تعالى هنا

نسيت اسأل عن عنوان البوست

هو ايه اللى حصل فى غيابى هه ؟؟ مين اللى جابلك اكتئاب و انا مش هنا ؟؟

ياويله شورلى عليه انتى بس

و انا هتصرف بعد كده و اشغل عليه ضد التيار نيهاهاهاهاهاهاهاهاهاهاها

بنت الغربة يقول...

مااانوووش حبيبتى
دى اول زيارة لى وماكنتش اعرف قبل النهارده ان فيه مخنووووقه غيرى...؟؟؟
ده انتى لسه ماتجوزتيش من اللى خانقك ..
انا عارفه الحب وسنينه ....وبهدلته ...
انا ياختى اصلى متجوزه عن حب من زمااااان ...
ومافيش فايده فى الخنقه ...وراكى وراكى ..
كلهم ياختى زى بعض..
انا بطلت اتفرج على مسلاسلات حب تانى ...
باتخننننننننننننننق اكتتتتتتتتتتتتر
تحياتى

لجين أبو الدهب يقول...

لا مالناش دعووووة احنا عايزين نشوف المدونة التانية D:

بس معلش هو سؤال تطفلى جدا وانا عارفة انى بايخة هو انتى والاسمرانى مخطوبين ولا هاتتخطبوا ان شاء الله ؟؟

ومنتظرة اوى المسلسل اكيد هايبقى كوميدى موت اخر حاجة بس ما تتأخريش ..

دمتِ بخير ..

Unknown يقول...

الله يجازكى على دمك اللى زى الشربات
بس عايزة اقولك نصيحة اللى يصبر ينول
ياقطة بس ما تصبريش كتير!شوية كده يعنى :)

MaNoOoSh يقول...

عاشقه وغلبانه
الحمد لله الاكتئاب بيروح شوية بشوية
بلاش نجيب سيرتة احسن شششششششششششششششششش
لحسن دة مبيصدق ييجى على اتفه سبب
ههههههههههههه


تامر علي
الله يبارك فيك
وبعدين طائر الرخ دة لو سمع المسلسل دة هو نفسة هيجيلة شحار
هههههههههههههههههه


عاشقه الرومانسيه
نورتينى يا عثل وحمدلله على السلامة




*البت المشمشية *حلوة بس شقية *
عمو مين بس يا مشمشية.. احم احم
منتى لو قريتى مواضيع الهبل الاولانية مكنتيش قلتى عمو
بس حصل خيييييييييييييير


Zika
يا مراحب يا باشا
نورتنى وان شاء الله تنورنى على طول
ومش فاهم حاجة ليه بس
عموما ابقى تابع المسلسل الجديد وخد منضند حموى الاول لحسن يجيلك شحار مفسفس
هههههههههههههههه



المعتصم
نورتنى يا معتصم
والمسلسل عاتشفى عاتشفى من الدرجات الملتهبة الى بيتاخدلها مضند حموى ومنضاندات للالتهابات
ههههههههههههههههه
وبعدين ندورلك على عروسة مندورش ليه يعنى
قوللى انت بس عايزها جاهز وللا تفصيل واحنا نجيبهالم من تحت معاميك الارض
نورتنى بجد



Sweet Violet
نورتينى يا عثل وحمد لله على سلامتك وسلامة جدو
والمدونة المقفولة دى سكيتى كدة بعبع فيها بمشاعيرى الوجعانى يعنى
هههههههههههههههه
وان شاء الله المسلسل هينزل قريب جدا جدا جدا
والاكتئاب خلاص هيروح وهقضى علية باعافية



بنت الغربة
صحيح على رايك اما انا مخنوقة الوقتى امال هعمل ايه لما اتجوز
مش لما اتجوز الاول يا بنت الغربة
متفكرنيش
عااااااااااااااااااااااا
والمسلسل دة هيعجبك متقلقيش دة عبرة لكل الحبيبة
هههههههههههههه
وبعدين انا متابعاكى من غير علطول على فكرة بس من مكنتش بعلق لكن هاجى واهريكى تعليقات



لجين أبو الدهب
المدونة التانية متسكرة بالشمع البنفسجى واول ما الشمع يسيح هفتحها
هههههههههههههههههههه
وبالنوسبة للاسمر يعنى فدعواتك معانا
وانا مش هفقد الامل



norahaty
تسلمى يا عثل
وانا صابرة اهو يا اوختشى وهفضل صابرة لغاية مااليأس يجتاح اخر حصونى
وربنا يستر
وعوضنى عو الصابرين يااااااااااااااااااااااارب
وانتظرى المسلسل علشان تشوفى عصافير الحب هيعملوا ايه
دش انا طبعا بعد الشر يعنى
ههههههههههههههه

غير معرف يقول...

فين يا سيتى المشلشل

مش معقوول كده


ربنا يهديلك الاسمر انجزى

MaNoOoSh يقول...

biberss222
ادينى نشرت أول حلقة اهو ياسى بيبرس
فين مدونتك الجديدة بقى؟