الخميس، 23 أبريل، 2009

انا مش عارفني.. أنا توتت مني.. انا جالي تااااااااااااج

طبعا انا عارفني كويس ومتوتتش مني ولا حاجة بالعند فى عبد الباسط بقى
والتاج دة جالى من أمبارح كان عمرى عشرين و أبو العريف و Bondoka و بس..
كفاية رغي بقي مهياش ناقصة.. كفاية عليكم التاج
اسمك....؟
منى.........
المشهور بيه وسط اصحابك ؟
يوووووووه متعدوش...
منووو- منمن- منامينو- مناميشو- منيتي- منوش (ودة بس لاختى.. والبت تشفيدة القلودة لما سمعتها بقت تنادينى بيه, بس لما بسمعة منها بنقرف قوى قوى وبيبقى هيغمن عليا.. نياهاهاهاههع).
سنك...؟
احم احم.. هو حاليا بلعب فى ال25 بس كل اللى يسألنى بعمل نفسى مش فاكرة واللى هيسالنى بعد كدة لمدة خمشتاشر سنة مش هزيد عن الـ 23 طبعا.
مجال دراستك ؟
الفنون الجميلة.. كنت بحلم بيها وانا فى اللفة تقريبا بس بعد ما خلصت عرفت ان مش كل احلامنا اللى بتتحقق بتسعدنا فى الاخر ودة خلانى ادرك ان الاحلام مش هى أخر مبتغانا ولكن السعادة هى المبتغى.. بكمل دراسات عليا فى تاريخ الفن وربنا ينفخ فى صورتى واختار موضوع الرسالة بقى وارتاح.
اسم مدونتك ..؟
مخنوقة.. مع انى كان المفروض اسميها مخلوف خِلف خلاف خَلف الله المخالف او غلباوية لانى فعلا لمضة وغلباوية قوي.. بس فى الغالب مخنوقة اكتر لان العيشة والناس بقوا يخنقوا قوى.
الصوره الرمزيه لمدونتك بتعبر عن ايه ...؟
الصورة الرمزية بتاعة البروفايل بنت صغنونة عبيطة بتعيط بحرقة بس لو اخدت بالها من الحضن الحنين اللى هى فيه والايد الطيبة اللى بتطبطب عليها كانت هتبطل عياط.. وانا بحكد عليها شوية الصراحة وهفضل احكد عليها كدة لغاية ما الاقى الحضن ده أنا كمان.
هل فكرت في اغلاق المدونه ؟ والسبب ..؟
نوستحييييييييييييييل ابدا بوتاتا البتة ان المدونة دى تتقفل ـ الا لو بلوجر قل ادبة معايا وربنا يستر بقي ـ ولو حسيت انى مش قادرة اكتب هاخد اجازة وخلاص.
ايه رد فعلك لو حد قل ادبه عليك في تعليق ...؟
لو نقد باحترام عادي لو شتيمة وقلة ادب بمنتهى البساطة همسحة واريح دماغى.
اسوء مدونه...؟
مشفتهاش لغاية الوقتى ولو شفت بمشى من سكات ومعديش عليها تانى.
هيحصل ايه للايميل بتاعك لما تموت...؟
ولا اعرف.. بس فى الغالب لازم أوصى حد قبل ما أودع ينزل فى المدونة مارشات عسكرية..... وقرآن.. علشان تدعولى بالرحمة وقت الحساب اللى ربنا يثبتنا فيه.. وبعدين يحطلكوا صور كاتوة وعصير وفاكهة وحلويات بعد كدة لحسن تقولوا عليا بخيلة وللا حاجة ومعزمتكوش على حاجة فى جنازتي.
اديت الباسوورد بتاعك لحد ...؟
ايوة.. اختى ومبتفتكرهوش ابدا
السفر بالنسبالك ايه ...؟
انا بقى نفسى اركب طيارة واروح الهند والبرازيل واسبانيا وايطاليا واستقر فى الاخر فى استراليا واعيش فيها.. (مع انى بحب مصر قوى والله بس يا بخت من زار وخفف.. يعنى انا كابسة على نفس مصر بقالى 25 سنة.. بيتهيئلى تقلت عليها قوى ولازم اسافر بقى علشان ترتاح مني ومن همي شوية).. بس هنقول ايه.. ادينا راضيين باسكندرية ومرسى مطروح والدقهلية واسوان وسانت كاترين واهو اى سفر على ما تفرج.
المود بتاعك ؟
مزجانجية لأقصى درجة.. يعنى لو مبسوطة اكرف على البيت كلة, ولو متضايقة من حد فيهم اقلبهالهم نكد من النوع المفتخر واتخانق مع دبان وشى, بس لو متضايقة لاسباب اخرى بقفل عليا الاوضة واقعد فى هدوء تااااااااااااااااااااااااااام قدام الكمبيوتر أو انام.
بتعمل ايه في وقت فراعك..؟
بعمل اى حاجة تيجى على بالى اخيط, اكتب, أصور, بس اكتر حاجة بتفرج على الافلام الاجنبى والكرتون اللى بحبهم جدااااااااااااا أوالأفلام الهندى اجبارى مع اختى اوشا (انا بس بتغاظ من الرومانسية اللى هم فيها دى والواحد قاعد زى قرد قطع كدة مش عارف يحب ولا يبعبعر عن معاميك نفسوياته).. وبعدين الكمبيوتر والنت.
الأكلة المفضله...؟
المشويااااااااات ثم اى خضار او لحوم ينفع تتطبخ ببصل وجزر وفلفل والبطاطس المحمرة وبعد كدة اى اكل مبقولوش لأ..
آه نسيت.. وطبعا ورق العنب بالليمون والجبنة القريش ام طماطم وخيار.. هههههههههههههههه.
الصفات اللي ورثتها عن والدك.؟
العند الشدييييييد (بس بحاول اجاهد نفسى لأن العند اخرته هباب) ـ اللماضة ـ حب المناقشة والتفكير ـ السمع القوى ـ حب الفنون ـ بيقولو عليا برّاوية زيه (مع انى لتشيفة والله ومن النوع المألوف بس الناس بتفتكرنى أنعورة علشان هدوئى القاتل أحيانا) ـ انى بخاف على حاجتى قوى زيه ـ اخد حقييييييييي ـ لما بتضايق بقعد اقول كلام محدش بيفهمة خالص (ولا حتى انا..هههههههههه).
الصفات اللي ورثتها عن والدتك ..؟
أنا واخدة صفات من بابا أكتر وحتى كمان فى الشكل.. بس ماما واخدة منها شوية بردو زي احيانا اللامبالاه (تكبير الدماغ) ـ النفس فى الأكل ـ حب أسرتي واحترامها حتى لو شفت منهم التربتتي ـ بحاول اتعلم منها التسامح ولو انى مش عارفة قوي.
اكتر ست حاجات بتكرهها...؟
الكذب- الخيانة- ان حد يخلف وعده- ان حد يشتم حد قدامى (بتاكد ساعتها انه بيشتمنى انا كمان)- أنزحة الشيباب ومرقعة ومياصة البنات (أنا ولا اقصد حد خالث على فكره.. انتوا اللى افتكرتونى اقصد عبده وتشفيده.. وش بيطلع لسانة)- السمك (مباكلووووووووووش اساسا).
اكتر ست حاجات بتحبها...؟
بحب ربنا وبعتبر ان ضميرنا هو صوت ربنا جوانا ـ أسرتي (حتى لو انا طلعت فيهم القطط الفطسانة.. بس مقبلش نص كلمة من حد عليهم) ـ البرتقال (اتفطمت علية اساسا ومقدرش اعيش من غيره) ـ السفر (بحب الطريق جدا وبحب تغيير الاماكن مع انى مبرتحش الا على سريري فى الاخر) ـ برعي (ودة الاسم الحركى للمأسوف على شبابه جوزى اللى فى علم الغيب لسه (ومش مقصود بيه حد).. طولت الغيبة يا برعي.. دنت مستخبيلك فى القدر بلوة من بلاوى الزمن.. بس صبرك عليا لغاية ما اعرف انت مين بس واعضك) ـ وأخر حاجة النجاح الشخصى والفلوس بقى لانى منكرش انها بتفرحنى لما اجيب حاجة نفسى فيها.
شخصيتك نوعها ايه....؟
تنكمش بالبلالا وتتبربر بالبرورة..
شخصيتى ببساطة قشرة خارجية تتميز بالهدوء (يصل للبرود أحيانا) والسكون والقوة.. وفى الداخل مجنونة ولمضة وشقية جدا وحساسة جدا جدااااااااااا.. الدنيا عندى ابيض واسود واللى بحبة اديلة قلبى واللى اكرهة مبعرفش حتى اتبسم فى وشة.. واللى يستفزنى مرة واتنين يبقى التالتة بيلعب فى عداد عمرة لانة بيصحى جوايا مارد وممكن استمسخر بكرامتة الارض وابعزءها وهو واقف قدامى بشكل جامد من غير ما احس انا بقول ايه.. مبنساش ابدااااااااااا لو حد غلط فيا بس اتعلمت اسامح شوية عن زمان لكن عمرى ما انسى ابداااااا.. لااااااااازم اخد حقى حتى لو من حد بحبة لازم احس انى خدت حقى (ولو باعتذار بسيط) علشان ارتاح واعرف اتعامل معاه كويس.. ارادتى قوية نوعا ما مع انى وقت الزعل ببقى مستسلمة ويئسانة بقى ونظام مفيش فايدة وكدة...واهم حاجة بعد كل ده.. انى مبحبش اتكلم عن نفسى كتير ههههههههههههههه.
الشغل بالنسبة لك ايه...؟
بصراحة كدة مش عايزة مسؤولية شغل تتعلق فى رقبتى.. بتخنق من المواعيد والحضور والانصراف والكلام دة.. واحب لما يطق فى دماغى اسافر الوقتى يعنى اسافر مش اقعد اخد فى اجازة واتذلل للمدير.. يعنى من الاخر شغل حر والحمد لله ان مجال الشغل اللى بحبة يسمح بكدة ولو ان العائد المادي بتاعة ضعيف خااااااااااالث مالث.
لماذا دخلت عالم التدوين ...؟
قعدت اسمع عن المدونات فى برنامج العاشرة مساء وكانت اول مدونة ادخلها (عايزة اتجوز) ودخلت منها على ييجى عشروميت مدونة وقلت لزمن ولابد اعمل مدونة وارغى فيها براحتشى بقى واهو على الاقل ارحم البت اوشا المسكينة اللى هى اختى الكبيرة (بجد بجد انا كنت باكل ودانها قبل ما اعمل المدونة.. المسكينة كانت بتنام من صوتى وانا بكلمها كل يوم).
اجمل كلمه اتقالت في وصف مدونتك.....؟
اى حد بيضيع من وقتة شوية وييجى يقرا موضوع عندى ويقرر يعبرنى بكلمة دة بيفرحنى جداااااااا.
أهمية التعليقات بالنسبه لك ؟
زى الملح بالنسبة للطبيخ بالظبط.. المدونة من غيرهم تبقى ماسخة وملهاش طعم.
احسن بوست كتبته ....؟
قولوا انتوا بقى.
افضل بوست قرأته ...؟
اكتر اكتر بوست أثر فى نفسوياتى وخلانى قعدت اعيييييييييييييييييييييييط بجد لماااااا اتشحتفت كان بوست ستوتة
وخصوصا لما كانت بتقول الجملة دى "أجمل لحظات عمري على الأطلاق .. في بيتي لما صليت ورا حسبو جماعة أول مرة"
لأن اللحظة دى فى قلبى ليها هيبة جامدة جداااااااا.. وبسببها مبعرفش للأسف أصلى جماعة ورا أى حد لأنها لحظة وذكرى فى العقل عايزة احفظها لزوجى بإذن الله.
افضل مدونة قرأتها ...؟
وربنا وربنا بدون دبلوماسية كل المدونات اللى انا حاطاها فى الريدر بتابعها دايما حتى لو معلقتش عليها
بس دول بالذات مقدرش متلامضش عليهم
إيمان.. بنات أفكاري أنا
دودو عاشقة الرومانسية.. نبضات قلب ولهان
موني الشريف.. عيش أحلى ما فى اللحظة
بيبرس.. سهران لوحدي 2
ضد التيار توأمي فى الاعتراض
أبو العريف وأحلى تخاريف
امبارح كان عمري عشرين (اااااااه.. اللئيم علشان يفضل طول عمرة عنده واحد وعشرين سنة.. هههههههههههههههه)
سمكة سمكمك
ضايع اللى اختفى فى ظروف غامضة (يظهر الجمعية قامت بالواجب معاه)
حروف الرقيقة
تامر على.. الدنيا ريشة وقلم
مجنووون.. اللي بيحب قوي لما ينجرح بينجرح قوي
تامر دياب اللى عرفت مدونتة قريب قوي
وبنوتة اللى كانت عاملة مدونة ورقة وقلم اللى انا قصرت فى زيارتها كتير جدا ووحشتنى جداااااااااا
النت بالنسبالك ايه...؟
اقعد من غيرة يوم او اتنين.. ممكن استحمل.. انما اسبوع هبدأ أهرش واحس بالأعراض الانسحابية.
تمرر التاج لمين...؟
جارى البحث عن الضحايا والنط عليهم فى مدوناتهم لإعلامهم بوصول التاج.
عوووووووووووووووووووووووو

53 اللي عبروا منوووشة:

عمك ياض يقول...

ماشاء الله التاج ده لف على الشعب كله :d
اجاباتك حلوه اوووي بجد

وعندي سؤال عن المدونه.. كل ما اجي اقرا في تدوينه الاقي الكلام مبني على حاجه قديمه.. فقوم جايب التدوينه اللي قبلها الاقي الكلام مبني على كلام قديم برضه
فاقراها من اول مين عشان اعرف اتابع ؟
شكل الوبستات جامده جدا

Lady E يقول...

بجد انا قرأت اجابات التاج ده كتير ولكن

دي احلى واظرف والطف اجابات شفتها للتاج ده

هابي تاج تو يو

ABOALI يقول...

ده اول تعليق ولا اااااااايه
هاجرب كده هادوس حالا على زر انتر

ABOALI يقول...

نيب طلع اوت والمدونه كلت التعليق

هو كان تست برضوا
وطعم اه

اعلق بقى

التاج فى اسئلته عموما مميز ودى الحقيقة المره على رايك

اجابات التاج
بتعكس
انك قارئه جيده لحياتك وتصرفاتك
واكيد من خلالها
بنقف شويه عند بعض الاجابات
دايما بيقولوا
قارن نفسك بنفسك
وانتى عاملتى كده
دى فرضة ليكى اقبل ما يجى الفارس ابو رجل مسلوخة وتروحوا مع بعض السلخانه


بس لفت نظرى جداااااااا
صورة البنت وتعليقك عليها

تقريبا كل حواء تحتاج الى ذلك الحضن
وهو اشبه بدفء الشمس فى الشتاء
ولا اخفى عليكى سر ادم هو طفل حواء الاول وحواء هى كل ادم

على العموم
كنت مبسوط بالتنوع فى الاجابات اللى من خلالها بنعرف احنا بنتعامل مع مين

وكانت الاجابه
هى مش الجستااااااااابو او ووووووووى يعنى

بس الفنون الجميلة اكيد سابت اثر

وتحياتى وكفايه كلام علشان افتح مدونه انا كمان

Bondoka يقول...

سكر يا مناميشو
ههههههههه
حلو الدلع ده هبقى اقوله لاختى عشان اسمها زيك

ايه يابنتى صور الاكل دى انا لسه صاحيه من النوم حرام عليكى بوظت الرجيم
ههههههههههههههههههه

عارفه ان شخصيتى فيها زيك كتير
;)
لا تقريبا كلها كده بس انا مش بعرف اتكلم عن نفسى زيك تمااااااااااام
D:

انا كمان مش بحب السمك خااااااااالص

نكونش اخوات وانا ماعرفش
ههههههههههه
سلام يا جميل

أمبارح كان عمرى عشرين يقول...

هييييييييييه اسمى موجود ياناس
زغرطى يام صلاح
شكرا وثانكس وميرسى:D
___________________

اجابتك جمييييلة اوى بجد ودمك خفيف بطريقه مش معقوله

وهاديه اوى مع انك بتحاولى تصدرى لنا الوش اللمض بس انكشفتى يا منوش

ربنا يوفقك وتشوفى موضوع كويس فى تاريخ الفن
ممكن ارشحلك موضوع
(الوان تى شيرت وايس كاب الظاهر بيبرس واثرة فى قيادة الحملة الفرنسية )

هتاخدى عليه جايزة نوبل :D

___________
عجبنى اوى البلاد الاعايزة تزوريها ..بصرة

وكمان الكلمتين دول
بحب ربنا وبعتبر ان ضميرنا هو صوت ربنا جوانا
الله عليكى فولسفة هههههههه بس معنى جميل اووووى

سلااااااااام

MǿиY El-Shreef يقول...

انا جيييييييييييت

والله كنت الاولى

بس ورق العنب الي بتحبيه ده عطلني

ماما نادت عليا عشان اعمله معاها

احنا طابخين ورق عنب انهارده وكرمب :p وش مطلع لسانه والله :D:D:

حبيبة قلبي وكلامك طول عمره زي العسل

عجبتني البلاد الي هتسافريها خديني معاكي وكمان انتي بتكرهي السمك زيي

انااكتر حاجه بكرهها السمك

انما البرتقال انا بكسل اقشره :D

لو يوسفي ممكن

ههههههه

ع فكره صوره البنوتة الي انتي حطاها دي عسل اوي

انتي بتجيبي الصور دي منين

وتصدقي فرحت كده وهديت لما شفت اسمي عندك

وانا بموت بتقطع وعند تشبك ف امعائي من الخوف

ادعي ربنا يسترها علينا يا اوختشي والنبي

هههههههه

كل تاج وانتي طيبه وبألف خير

MaNoOoSh يقول...

عمك ياض
تسلم ياباشا
اقولك انا ال10 بوستات اللى فاتو تقريبا كانوا مسلسل سي عبده وست تشفيده هتلاقيه عندك بادء من الحلقة الاولى
نورتنى

-------------------------------

Lady E
ميرسي يا قمر
وبجد بجد نورتينى يا ليدى يا عثل
ممممممممممممواه

--------------------------------


ABOALI
معلش متعوضة بقى فى الموضوع الجاى يا ابوعلى
ايوة الفارس ابو رجل مسلوخة دة يظهر عليه جاى على رجل واحدة علشان كدة اتاخر
عااااااااااااااااااااااااااا
وادم وحواء رغم احتياجهم لبعض معرفش ليه دايما بيناقروا فى بعض علطول
يمكن محبة بقى هههههههههههههه
وانا راضية بنص جستابو على شوية كرومبو ينفعونا وقت الزنقة
هههههههههههههههههه
نورتنى كالعادة يابو على

------------------------------------

Bondoka
تبقى احلى اخت يا بندوقة
وبعدين مرحلة انك تبعبرى عن نفسك صدقينى هتوصليلها.. دة انا كنت من كام سنة فظييييييييييييعة وبالذات فى الكسوف
والسمك
يعععععععععععععععععععععععع
اه اوعى تكونى برج الددي زيي؟
وسلميلى على مناميشو بقى

-----------------------------------

أمبارح كان عمرى عشرين
ايوة طبعا اسمك مكتوب.. امال ايه
وانا مش هادية قوي يعنى.. انا ساعات ببقى شعنونة

بس اسم الرسالة دة انا مش بس اخد عليه نوبل.. لا احتمال اخد الاوسكار كمان
ههههههههههههه

وخلاص طالما كلنا بنحب السفر يبقى كل واحد يدفع 35 قرش ونجمع ونعمل رحلة بقى وغديوة
ههههههههههههههههههه

-----------------------------

MǿиY El-Shreef
يا مونى انتى بتغيظينى
عااااااااااااااااااااااااا
طب ابعتى طبق حتى وللا كام صابع كدة حدف
طب اقولك لو انتى بعتيلى طبق المحشى.. هقشرلك كيلو برتقان
ههههههههههههههه
وبالنوسبة للبلاد بقى احنا هنجمع 35 قرش ونص من كل واحد ونطلع رحلة كلنا
هههههههههه
وبعدين طبعا يعنى اسمك مكتوب يا مونتى
اممممممممممممممممممم
شكله كدة قلق امتحانات
ربنا معاكى يا قمر وان شاء الله درجات نهائية

biberss222 يقول...

, و انا اقول البرتقال شاحح ليه اليومين دول
و احلى حاجه فيكي انك خريجه فنون جميله اللى كان نفسي ادخلها
الا ممكن الواحد يدرس عندكوا اى حاجه
ممكن تدلنى على الطريق يا استاذه

ستيته حسب الله الحمش يقول...

يا بنتي آميييييييييييييه
كده تقولي لبرعي انك ها تعضيه
طيب اجيبه انا منين دلوقتي علشان تصلي وراه
هههههههههههههههههههههههه

احنا نلبس وش البراءة والطفولة والحياء وأول ما يتقفل باب البيت هووووووووووووووووووب نعض ونخربش وخلاص الفاس وقعت في الراس

حقيقي اجمل ردود تاج لأن دمك شربات


بس فعلا مش بتحبي السمك؟؟؟؟؟؟؟؟؟؟؟؟؟؟؟؟؟
اهي دي عجائب الدنيا التامنة

بحبك

MǿиY El-Shreef يقول...

امتحنات

هههههههههههههههه

طيبه انتي يامنوش

انا خايفه من ماتش انهارده يا اوختشي

الازهرى يقول...

انا كنت خلاص ناوى اقول اننا متفقين فى موضوع الاكلة المفضلة لكن اتصدمت
فى حد يكره السمك لا وايه اسكندرانية كمان
والاسوأ انك بتقولى ضد توأمك
لا انت الحالة بتاعتك صعبة خالص ولازم تتعرضى على اخصائى انف واذن وحنجرة

لكن الامر لله على الاقل متفقين فى موضوع السفر
سماح النوبة

تحياتى على الاجابات الجميلة

MaNoOoSh يقول...

biberss222
مش انا يا معنمى
دى منبي يا معنمي منبي

وبعدين ايوة طبعا اقسام الفنون فى الكلية فيها دراسة حرة
وان شاء الله اول مشوار للكلية هسألك عليها يا بيبرس

---------------------------------

ستيته حسب الله الحمش
خلاص يا ستوتة.. اعمل نفسى سنانى ركيكة ومبعرفش حتى اقطم شنجوتش الفول.. بس والله هيتعض يعنى هيتعض.
ههههههههههههههههه
دة انا لما بسافر البلد بصوم اجبارى.. يا اما اقضيها رز وسلطة
عاااااااااااااااااااا
وانا كمان بعبك بعبك بعبك يا قمر

-----------------------------------

MǿиY El-Shreef
هههههههههههههههههههههههههههه
ماشى يا موني
طب يللا بقى حضري اللب والفشار والببسى واقعدى قدام التلفزيون قبل ما المتش يبدأ
قلبى مع الاهلى طبعاااااااااااااااااااا

----------------------------------
الازهرى
اموت وأعرف مين اللى طلع عني أوشاعة انى اسكندرانية
انا من الديزة بس مامتى من الدلاقهية (مدمنيييييييييييين سمك بردو)
بس سبحان الله انا مبطيقهووووووووووش
وبعدين مالها ضد بقى؟؟؟؟ طب دى حتى توأمى فى الاعتراض
وبما انك انت كمان بتحب السفر.. يللا بقى حضر ال35 قرش ونص علشان هنجمع مع بعضيتا ونطلع رحلة حول العالم فى ربع ساعة
هههههههههههههههههههه
منورني يا ازهري

---------------------------

ذكري رحبل قلم يقول...

مبروك التاج يا قمر
ومبروك علينا اننا عرفناكي اكتر واكتر
يا تري يوميات عبه انزحة خلصت ولسه عايزة اتابع المدونة وصعب اقرأ اللي فات
تحياتي

koketa يقول...

لا بجد ضحكت بطريقة مش معقولة
دمك شربات
واجاباتك جميلة جدا جدا

ঔღঔ نـــوارة ঔღঔ يقول...

ههههههههههههه

عنجد عسوووووولة موووووووت

دا اجمل تاج اقرأه وعرفنا عنك كل حااااااااااجة ^ــ*

يخرب عقلك توضيحك للصورة الشخصية عجبني جدا لاني كل ما اشوفها قلبي بيتقطع عليكي هههههههه اتاريكي مش سهلة ههههههههههههه

ولو ناويتي تسافري ابقي خديني معاكي وسيبك من محمود هههههههههههههه

ربي يوفقك ويسعدك يالغلاا

أحمـــــــــــــد أبو العلا يقول...

منوووووووش يامنووووش
أصلا المدونات اللي انتي بتحبي تزوريها بتنور لما تخشي وتخبطي كده كام كلمه من عندك في التعليقات

انا عن نفسي البوست ميكملش من غير تعليقك عليه
وحقيقي أنا سعيييييييييد جدا اني مدونتي من المدونات اللي بتتشرف بزيارتك (حلو الكلمتين الجامدين دول)هههه

تنكمش بالبلالا وتتبربر بالبرورة؟
هههههههه
ياسيدي ساسيدي على الأنكماشات والمش عارف ايه ده
ههههههه

اجاباتك بتدل على حاجه واحده بس
انك فعلا -ومن غير مجاملات وبصدق- شخصيه رائعه

MaNoOoSh يقول...

ذكري رحبل قلم
تسلمى يا قمر
ومسلسل سى عبده انزحة انتهى اخيرااااااااا
وتنورينى يا قمر دايما

-------------------------------

koketa
الله يخليكى يا قمر
نروتينى يا كوكي

-----------------------------

ঔღঔ نـــوارة ঔღঔ
الله يخليكى يا قمرة يا اميرة الجمال
وشفتى بقى الصورة.. اى خدعة
ههههههههههههههههه
والسفر خلاص.. شكلنا كدة هنعمل رحلة جماعية ونجمع من كل واحد مبلغ 35 قرش ونص.. يللا بقى استعدوا.

-----------------------------

أحمـــــــــــــد أبو العلا
الله يخليك يا بشمهندس.. دة من ذوقك بس والله
وبعدين خلاص خلاص يا جماعة.. بطلوا تسقيف.. انا وافقت أرشح نفسى للرئاسة خلاص


رئاسة المجلس المحلى لمراجيح مولد النبى طبعا.. امال حاجة تانية يعنى!!!!!
هههههههههههههههههههههههه
تسلم يا بشمهندس احمد والله كلك ذوق وانت اللى بتنورنى دايما.

biberss222 يقول...

متشكرين يا اجدع بنت ربنا يرزقك بمن تفشي فيه عضك و غلك الخفى كده و يكووون مظلظ علشان تشبعى

biberss222 يقول...

هابقي اجبليك هديه معايا ان شاء الله سن فيل او قرد صغنن تلعبى بيه علشان نرد جميلك انتى و سوتوته و صبرنى يا رب
علشان انتوا الى بترسموا الضحكه على الشفايف

MaNoOoSh يقول...

biberss222
هههههههههههههههههههه
يسمع منك ربنا يااااااااااااااارب واطلع رغباتى المتوحشة دى.
وبعدين مليش دعوة بقى انا عايزة بيضة فيل.. هه.. مليش دعوة بقى وانا مالى ياخويا.

biberss222 يقول...

يا بنتى اطلبى حاجه عدله دى ساعه اجابه

MaNoOoSh يقول...

خلاص يا بيبرس سن الفيل او القرد بردو ينفعوا.. واهوا لو معرفتش اعض برعى اسلط عليه القرد او استخدم سن الفيل كسلاح ابيض
ههههههههههههههههههه
افكارى انتقامية بقى وشوريرة ويا عينى برعى هو الضحية
بس هو ييييييييييييييييجي (طخه بس متعوروش يابوي)
وربنا لأعضة بردو حتى لو صعب عليا

biberss222 يقول...

ههههههههههههههههه
هوا يستاهل بقي اللى يجراله
بس هوا يظهر
انا مش فاهم الناس اتعمت و الا ايه؟؟؟
هاييجي قريب ان شاء الله
وبكره تقوى بيبرس قال

الدائخ يقول...

"مع انى بحب مصر قوى والله بس يا بخت من زار وخفف.. يعنى انا كابسة على نفس مصر بقالى 25 سنة.. بيتهيئلى تقلت عليها قوى ولازم اسافر بقى علشان ترتاح مني ومن همي شوية"

يعني أنت زهقتي م القعدة .. في ناس بقالها أكتر من كده ما زهقتش !

سعيد إني جيت هنا ..

بنجاواتى يقول...

تحية بنجاواتية وبعد

اولا كنت فى قمة السعادة وانتى بتقولى انك بتحبى الهند وكمان بتحبى الافلام الهندى-دى الام يا جماعة الام-

ثانيا انا عاوزك تراجعى نفسك فى موضوع السمك ده-جربى مش هتخسرى حاجة-

ثالثا يا رب يكون هذا الكائن البرعى معدنه اصيل -فلز يعنى ينكمش بالبلالا ويتبربر بالبرورة..- وساعتها اللى هيحاول يعضه يبقى مضحى بباقى سونانه -انصحك انك تجربى تعضيه برضه بس ما وعدكيش انك مش هتخسرى حاجة-

وتقبلى فائق احتراماتى

فشكووول يقول...

ازيك يا منى يا مزجنجيه .. انا كل ما اروح عند مدونه الاقى اسم مدونه اسمها نغشوشه .. يقوم الاسم ما ينغشش فى دماغى واسيبه وامشى على طول المره دى لقيته عند البت المشمشيه قلت والله لا زم اروح اشوف نغنوشه دى تبقى ايه اتاريها المخنوقه ومتهيألى جيت هنا كتير.
المهم لقيت مدونه دمها خفيق ولذيذه زى صاحبتها وقريت التاج وكلت من العزومه وكتر الف خيرك ويجعله عامر
تحياتى

Sweet Violet يقول...

انا جه انا جه انا جه

سمعت حد بيغنى اغنيه انا مش عارفنى .. وبعدها حد بيقول ضد قولت لااااااااااااااااااا كده فى حاجه

فضلت ادور لحد ماعرفت ان الهانم منوش افندى هى اللى عامله الهيصه دى

تعالى هنا بتحقدى على البونيه يامفتريه دى صغننة ..لالالالالالالا توصل للحقد يامنوش ؟؟؟

طيب احسدى ماشى اقرى مافيش مشكله لكن تحقدى تؤتؤتؤتؤتؤتؤتؤتؤ ابداااااااااااااااااا

و كمان بقى انا هفضل ادعى انك تلاقى برعى ..لالالا مش عشان افرح بيكى ولا الكلام ده تؤتؤتؤتؤ مش من اخلاقى على الفكرة.. هو هدعى علشان افرح فيه نيهاهاهاهاهاهاها شريرة ياناااااااااااااااااس

اجاباتك جميلة ياجميلة انتى بس يعنى هو انتى ترحمى اوشا من الكلام و اكل الودان و تتحولى علينا احنا ده يبقى حتى ظلم

ياماماااااااااااااااا انتى بتحمرى لى عينك كده ليه خلاص خلاص مش ظلم ده ايه الناس دى عاااااااااااااااااااااااااا

بس سيبك انتى قلبى انشرح و انشكح و فضل يعمل دوم تك دوم دوم تك و قلبها مزيكا حسبه الله اول لما شاف ضد توأمى (يس يس يااااااااااااااااااااهووووووووووووووووووووووووووو) لالا مش الميل ده فرح يعنى ((:

و كمان الازهرى ماله بقى و مالى بقى .. و كمان الرد بتاعك مش رضى نفساويتى

انا مش ليا دعوة انا عايزة حقى من الازهرى عاااااااااااااااااااااااااااااااااااااااااااااااااااااااااااااااااااا

لن اتنازل عن هذا الحق و جاااارى التخطيط لعمليه التوليع اللى هتم عنده

ماشى ماشى ضد التيار هترجع تانى بس لما افوق بس من اللى انا فيه

انا ودماغي يقول...

هههههههههههههههههههههه
هلكتينى من الضحك يا منوش حرام عليكى

و بعدين إيه صور الأكل دى محدش قاللك أنى عاملة هباب البرك اللى اسمه رجيم حرام بجد
عااااااااااااااااااااااا

بس أنتى فعلا شخصية زى العسل

و حقيقى لو فيكى عند جامد بطليه أنا شوفت ناس دفعه كتير بسببه

فتاه من الصعيد يقول...

اول مره ادخل مدونتك يا منوووش
بجد ندمانه انى ما تبعتهاش قبل كده...مع انها مشهوره
معلش اصلى كنت مركزه مع المدونات السياسيه
طبعا موش محتاجه اقولك دمك عسل اوى...بس الاهم من ده واضح انك رومانسيه اوى....والاخ الاسمر هيجى هيجى ماتستعجليش على الهم يا قمر
دمتى بخير....تقبلى مرورى

MaNoOoSh يقول...

biberss222
ايوة يابيبرس هو اللى يستاهل فعلا
وبعدين الاسمرانى متعماش ولا حاجة بس هو اللى اتولد متاخر شوية
عااااااااااااااااااااا
وبعدين هو هيتعض هيتعض بردو ان شاء الله يعنى
هههههههههههههههههه

-----------------------------

الدائخ
انت فهمتنى غلطت.. دة مش انا اللى زهقت والله دة مصر هى اللى زهقت من حملى عليها
هههههههههههههههه
وانا مبسوطة اكتر انك جيت هنا

----------------------------------

بنجاواتى
اه والله يا بنجا انا بس اشوف لبسهم كدة وللا الالوانات اللى بيلبسوها وللا الرقص بتعهم.. تلاقينى قاعدة مبلمة قدام الشاشة كدة..
وبعدين السمك ناهييييييييييييييييييييييييييي
وبالنوسبة لموضوع المعدن دة ربنا يستر بقى.. بس انت فاكر اننا هنغلب يعنى.. لالالالالالالالالالالالا.. احنا عندنا جميع وسائل التعذيب الحديثة فى جمعية المرأة المتوحشة المفترسة بردو
واذا معرفناش نعض هنخربش ونكتل ونطخ
هههههههههههههههههه

-------------------------------

فشكووول
نورتنى يا فشكووول وهو صحيح اسم منوش دة ملوش معنى قوى يعنى بس عزيز على قلبى جداااااا
ومبسوطة ان المدونة عجبتك وان شاء الله تنورنى علطول
والاكل طبعا يعنى لازم تاكلوا معايا من الاكل اللى بحبة.. امال احنسكوا بس يعنى
ههههههههههههههه
وبجد سعيدة جدا بزيارتك يا فشكووول

-------------------------

MaNoOoSh يقول...

Sweet Violet
تعالى يا ضد شوفى بيحصل ايه من وراكى تعالى..
وماليكى عليا حلفان يا اوختشى انا جاية اهدى النفوس بس.. واخدلى بالك انت يا ازهرى
ههههههههههههههههههههه
وبعدين اوشا وبرعى ومشاهدى المدونة ضحايا كدة على الماشى يعنى.. طب على الاقل المشاهدين واوشا مش هعضهم.. انما المسكين برعى دة ليه الجنة والله
ههههههههههههههه
وبعدين انتى اسمك ينور المدونة اصلا
والازهرى بقى هو الجانى على نفسة.. ميغركيش يعنى انى هادية فى ردى.. لااااااااااااا.. دة انا كمان بخطط لعملية ومتفنجرات وبمب وكل الحاجات دى
ويارب يا عثل ربنا معاكى ان شاء الله وتفوقى من الظروف اللى انتى فيها بسرعة
ممممممممممممممممممواه

-------------------------------
فتاه من الصعيد
نورتينى يا عثل وان شاء الله متكونش اخر زيارة
تسلمى يا قمر
وبعدين هو الاسمرانى موجود بالفعل لكن نتمنى انه يكون هو البرعي يعنى.. علشان يتعض طبعا
هههههههههههههههههههه
تحياتى يا عثل

-----------------------

القدر و انا يقول...

منى النفس
منمن الفنانة الجميلة
اجاباتك واضحة وظريفة وقربتنا منك اكتر
ياه دانت لا طلعت رغاية ولا لمضة ولا حاجة من دى خالص مالص
بس زى العسل والله
على فكرة السمك زعلان منك جدا
فى انتظار كل ماتكتبين دائما

سمكه واحده يقول...

ايه الجمال ده يا مناميشوا
الحلاوه دي يا جمر اجابات تنم وتظهر شخصيه معمليه فازه جمر جمر يعني
رربنا يصلحلك الحال
انا زيك نفسي اركب طياااااااااره
واتخنقت بقي مكسوفه البلد استحملتي عشرتاشر سنه كفايه كده انا تقلت اوي
تعالي انا وانتي نكت من البلد دي وبردو ميبمنعش نغني
انا من البلد دي بلد ابويا وجد جدي
واغنيه بحبك وحشتيني
ولا اغنيه مشربتش من نيلها بس نخلع يا اخوتشي
سلام يا قمر

MaNoOoSh يقول...

القدر و انا
اه والله يا اوختشى انا اكتشفت انى رغاية قوى
وبعدين مش مشكلة السمك يكرهنى.. كفاية عليا الجمبرى والكافيار
هههههههههههههههه
وجودك فى المدونة بيسعدنى جداااا يا قمر

------------------------------

سمكه واحده
انا جمر
هع هع هع.. يا كزوووووووووووووفي يا كزوووووووووووفى
ههههههههههههههه
ايوة يا سمكمك انا موافقة نخلع.. ونغنى كل الاغانى الوطشنية العاتشفية فى الطيارة (بس بعد ما نطلع من الحدود بقى)
هههههههههههههههههه
نورتينى يا سمكمك

المعتصم يقول...

بسم الله الرحمن الرحيم
السلام عليكم ورحمة الله وبركاته
منوووووووووووش
تحياتى
طبعا انا مش محتاج اتكلم بعد كل اللى اتقال على الاجابات بتاعة التاج
وكمان خفة الدم الرهيبه دى
ولا الاكل (يالهوى على ورق العنب)
بس بصراحه برعى صعبان عليا خالص
وعجبانى فكرة الرساله اللى قالك على اسمها امبارح كان عمرى عشرين لتاعة الوان التى شيرت بتاعة الظاهر بيبرس
بس انا معترض على موضوع السفر ده
الواحد ممكن يسافر علشان يتفسح اه
انما يسيب البلد لأأأأأأأأأأأأأأأأأأأأأأأأأأ
.............
بخصوص التاج بقى وانك قررتى انى اكون واحد من الضحايا
اسف انى اقولك مش هينفع
التاج ده لف الكرة الارضيه كلها
وجالى اكتر من خمس مرات وانا رفضت الاجابه عليه
فسمااااااااااح بقى مش هقدر اجاوبه المرة دى
معلش
تحياتى ودمتى بكل خير وود
والسلام عليكم ورحمة الله وبركاته

الازهرى يقول...

مانووووووووووش
اخر ناس قالو الكلمتين بتوعك دول حالتهم بقت صعبة وكانت النتيجة مش كويسة خالص
شوفى دول

http://fritend.blogspot.com/2008/12
/blog-post_30.html

http://fritend.blogspot.com/2009/02/blog-post_26.html

وبعدها قررى لسه مصرة على اقتراحك بتاع التاج والا سحبتيه

اللهم انى قد حذرت اللهم فاشهد

الازهرى يقول...

اما بخصوص اتحادك مع ضد
فقديمة
حاولت تتحد مع كيارا قبل كده
وكانت النتيجة ان الاتنين اختفوا

حاسبى على نفسك

شباك موارب يقول...

ايه الجمال ده كله
اولا بشكرك جدا على التاج اللي وصلني
بامانه اني اول حد عبرني وبعتلي التاج
قريت التاج بتاعك
عسوله خالص خالص
ربنا يحميك يارب
ويوفقك في الماجستير
ويارب ان شاء الله اكون من متابعين مدونتك ياقمر
وخدي بووووووووووووووووووسه
سلام


منار فايد

MaNoOoSh يقول...

المعتصم
يعنى لازم اجيلك المدونة عندك اجيبك بالقوة التاجية يعنى؟؟؟
طيب خلاص يا معتصم لو فيها ان حد تانى هيزعل يبقى خلاص.. سماح المردى
لكن المرة الجاية
لا مومكن ابدااااااااااااااا

---------------------------------------

الازهرى
عاااااااااااااااااااااااااااااا
الازهرى مش عاوز يجاوب على التاج يا جودعاااااااان
عاااااااااااااااااااااااااا
فينكوا يا اعضاء الجمعية المفترية المستقوية.. انا بتهدد وانتوا مش داريانين

--------------------------------

MaNoOoSh يقول...

شباك موارب
والله انتى اللى عسولة يا بنورة
وشكلك هادية ورقيقة قوى وحساسة جدا
وانا اسعد انك تتابعينى يا عثل
مممممممممممممممممممممممواه

Bant El7ag Dracula يقول...

تااااااااااااج جاااااااامد جدا

واجباتك جاامده اخر حاجه

وجوعتينى يا منى بلصور دى حراام عليك


واكيد لازم يبقا تحفا مش انتى الا مجوبه عليه

باى ياقمر

لجين أبو الدهب يقول...

منوش العسولة ..

كنت مستنية على نار مولعة على الاخر علشان اعرف اجابات التاج ..

وطلعت زى العسل زى صاحبته ..

ربنا يبارك فيكى وينولك اللى فى بالك ..

ومش عارفة ورق العنب متفشى فى كل المدونين ..

عايزين نعمل عزومة محشى ورق عنب لكل المدونين هههههه..

دمتِ بخير ..

ادم المصرى يقول...
أزال المؤلف هذا التعليق.
وومن يقول...

منوووش شوفتي انا جيت علي طول اهو لو مكنش الشديد الأقوي اللي اسمها الإستمحانات كنت جيت علي طول

ودخلتك عليا بالتاج تشرح القلب الحزين

طب تصدقي انا بقالي كام يوم مكتئبة وقالبة حواجبي زي الإيموتك الزعلان ده بس فرفشت شوية لما قريت البوست

بس قوليلي يا شابة انتي جايبالي التاج اجاوب طب لو هاجاوب حدديلي اجاوبه علي انهي مدونة علشان الطريقة هاتبقي كومبليتلي ديفرنت

اوكي ياقمر

علي فكرة اجابات التاج عثل عثل عثل وتلقائية كدة والمدونة كلها حلوة قوي

MaNoOoSh يقول...

Bant El7ag Dracula
نورتينى يا اجمل دراكولاية
والصور دى وربنا جوغتنى انا شخصيا
ههههههههههههههه
نورتي يا قمر

----------------------------

لجين أبو الدهب
نورتينى يا لوجى
وتسلمى يا قمر دة من ذوقك بس والله
وبعدين يااااااااااااريت نعمل العزومة دى
انا صحيح بحاول امسك نفسى من المحشى بس مبقدرش اقاوم ورق العنب دة بالذات

-----------------------------

ادم المصرى
نورت يا ادم بعد غيبة
وياريت تجاوب التاج.. ومش لازم كل الاسئلة يعنى جاوب اللى يجي على بالك
ولكن اسمحلى اقولك ان كلمة "احاسبك" دى مش داخلة دماغى الحقيقة لأن الحساب دة شىء خارج حدود الصداقة شوية.. لان الاصدقاء بينهم عتاب او عشم مش حساب

-------------------------------

وومن
تسلمى يا عثل
وربنا معاكى فى الامتحانات ان شاء الله
ويارب ربنا يشرح قلبك ويبسطك على طول يا قمر
والتاج جاوبيه فى حاجات تغيظ.. يللا بقى مستنية

---------------------------

الفراشه الحائره يقول...

دمك خفيفى اوى و شربات اوى و نلقائيه اوى و عفويه اوى ممكن نكون اصحاب على المدونات

romansy يقول...

منوش يا منوش
تاجات كتيره بس الحقيقه البعد عنها اسلم طريقه
ايوه كده اجاباتك بتعبر عن منوش الشخصيه الشقيه اللى دمها خفيف انتى عندك حق غيرى اسم مدونتك يا منوشه
بتحبى المشويات زى
والسفر كمان
بس مصر متقدرش تطرد بناتها القمر اللى زيك كده

MaNoOoSh يقول...

الفراشه الحائره
مرسي يا قمر.. وان شاء الله نكون اصحاب

----------------------------

romansy
الله يخليك يا رومنسى
وبالنسبة لاسم المدونة بقى.. طب ما تقترح عليا اسم ينوبك ثوااااااااااااااب؟؟؟؟؟؟؟؟؟

--------------------------

قلب ارهقته الاحلام يقول...

إجباتك زي السكر زيك

ودمك خفيف موت بس فين ال هاديه لدرجه البروددي

أطلعي منهم أكشفتي خلاص :)

وإبعدي الاكل ده عني والنبي تهئ كل لما أبدأ دايت

حد يبوظهولي (:

بس ليه تعملي فيه كده انا ملحقش لسه

ادبس ف تاج هههههههههه

يلاا بس يارب ألاقي تاج علي مقاسي :-p

تحياتي ياقمررر,,,,

قلب ارهقته الاحلام يقول...

بجد كلامك وردودك زي السكر زيك

ودمك شربات بس فين ال هاديه دي اطلعي منهم :)

أكشفتي خلاص هههههههه يبنتي الهدوء ده بيبقي قناع

انا بحاول امثل اني هاديه زيك كده

ريلاكس سيكا هااااا (:

وبعدين ايه كل الاكل ده ابعدي عني والنبي انتوا

مستأصدني ولا ايه عارفين اني بدأت دايت ^^

وايه ال انتي عملتي فيه ده بس

مش لحقت والله :$

تاج مرة واحدة ,,, بس انتي حرة لو ملقتش واحد علي

مقاسي بأة فصليلي واحد ههههههه

تحياتي ليكي ياقمررر

قلب ارهقته الاحلام يقول...

ههههههههههه

مخدتش بالي وكتبت تعليقين

هيست بأة اصل منمتش لسه محلشي :)

ادم المصرى يقول...

تاج جميل وردك كان اجمل عليه افتكر كدا افضل