الأحد، 17 مايو 2009

الإضراب ومراحل نفسوياتي وكام حكمة قالوها الحكماء

الأول أحب اعلن عن اضرابى عن الفساد بناء على دعوة حنعيش يعني حنعيش
يعنى هنضرب عن الفساد اللى احنا نفسنا بنعملة ولو ليوم واحد
يعنى عامل أهلك حلو.. متشتمش.. متفتريش على حد اصغر أو أضعف منك
متعملش حاجة تغضب ربنا.. متغشش فى الامتحان.. وحاجات تانية كتير.. انت أدري بنفسك امتنع عن الحاجات الغلط اللى بتعملها اليوم دة.
ثانيا بقى ندخل على مراحل نفسوياتى المقندلة اللى مش راضية تهمد وتبطل اكتئاب دي.
الأول انا لما بزعل جوايا بيبقى عامل كدة..
وبعدين بيبقى كدة..
وبعدين أنا وحظي بقى.. يا اما ألاقى دموع.. يا اما عيني تعيط من غير دموع..
ثم حالة الصمت....
ولو ربنا بيحبني بقى.. كلمة حلوة وقول طيب بيبردوا النار من قلبي..
وفى الاخر بفتكر ان ربنا عمره ما بينسي حد.. ولو كل واحد بص فى حياته كويس هيلاقى شعاع النور اللى ربنا حطهوله فى طريقه.. "ربنا يحميك يللى فى بالي ويقدرني أكون سبب لراحة بالك فى الدنيا وما يحرمنى من كل الأنوار اللى بتنور حياتي"
ويرزقكم جميعا بشعاع النور اللي ينور حياتكم ويبرد قلبكم بالكلمة الطيبة علطول.
ندخل بقى على شوية حكم وأقوال مأثورة حبيت اشارككم بيها
يسخر من الجروح كل من لا يعرف الألم.
من رفع نفسه فوق قدرها صارت نفسه محجوبة عن نيل كمالها.
من يأبى اليوم قبول النصيحة التي لا تكلفه شيئا فسوف يضطر في الغد إلى شراء الأسف بأغلى سعر.
النافذة التي يخرج منها الهواء الفاسد هي نفس النافذة التي تسمح بدخول الهواء الصالح.
إذا فقدت مالك فقد ضاع منك شئ له قيمة وإذا فقدت شرفك فقد ضاع منك شئ لا يقدر بقيمة وإذا فقدت الأمل فقد ضاع منك كل شئ.
البعض ينشر السعادة أينما ذهب والبعض الآخر يخلفها وراءه متى ذهب.
عن علي بن أبى طالب رضي الله عنه قال (من أعطى أربع خصال فقد أعطى خير الدنيا والآخرة وفاز بحظه منهما: ورع يعصمه عن محارم الله, وحسن خلق يعيش به في الناس, وحلم يدفع به جهل الجاهل, وزوجة صالحة تعينه على مر الدنيا والآخرة).
قد ينسى الإنسان نفسه أحيانا ولكنه لا ينسى نفسا قد سكنت فيه.
لا يستطيع الإنسان تغيير وجه الريح لكن بإمكانه توجيه أشرعته ليصل إلى مقصده.
من أحب الله رأى كل شيء جميل.
وردة واحدة لإنسان على قيد الحياة أفضل من باقة كاملة على قبره.
ليكن حظ المؤمن منك ثلاثاً: إن لم تنفعه فلا تضره، وإن لم تفرحه فلا تغمه، وإن لم تمدحه فلا تذمه.
لا تبك كالنساء على وطن لم تصنه كالرجال.
الرجل من صنع المرأة فإذا أردتم رجالاً عظاماً أفاضل فعليكم بالمرأة تعلمونها ما هي عظمة النفس وما هي الفضيلة.
قلب المرأة يرى أكثر من عيون عشرة رجال.
المرأة كالقيثارة, من لا يحسن العزف عليها، تسمعه أنغاماً لا ترضيه.
الرجل الساذج يطلب من المرأة أن تحبه.. و الرجل الذكي يعرف كيف يجعلها تحبه.
المرأة هي روح الرجل التي تجعله يقول: "سأكون عظيما".. ولكن حنانها وحده هو الذي يجعله فعلا عظيما.
لا شيء يلفت نظر المرأة في الرجل، قدر أسلوب تفكيره، وطريقة تناوله للحياة, وتطابق أقواله مع افعاله.
المرأة.. مثل القمر - أقصد معناه الفلكي لا الشعري - فهي لا تشع ضوءا من داخل نفسها.. بل تعكس الضوء الآتي إليها من شمس عقل الرجل.. هي كالقمر.. كائن سلبي.. وسطح معتم في ذاته.. لا تسطع إلا بما ينعكس على قلبها وعقلها من تفكير الرجل وإحساسه.. فدنوها منه في مجال العمل المنتج.. له من الفائدة ما يعادل فائدة المرآة إلى جانب المصباح.. إنها تضاعف نوره.. وتزيد إشعاعه..... "توفيق الحكيم".
المرأة التي تفقد حبيبها: امرأة احبت، والمرأة التي تحتفظ بحبيبها امرأة اتقنت فن الحب.
إذا ضبطت نفسك متلبساً "بالغيرة" على إنسان ما فتفقد أحاسيسك جيداً، فقد تكون في حالة "حب" وأنت "لا تعلم".. وإذا ضبطت نفسك متلبساً "بالغيرة" من إنسان ما فطهر أحاسيسك جيداً فقد تكون في حالة "إثم" وأنت "تعلم".
إن الرجل قد يتمنى السعادة ولكن المرأة هي التي ترشده إليها.

46 اللي عبروا منوووشة:

SHAPE YOUR LIFE (ABOALI) يقول...

تست تست اول تعليق

SHAPE YOUR LIFE (ABOALI) يقول...

يااااااااا عينى والثانى كمان

وفيه حكمة بتقول

من وجد الله فماذا فقد ومن فقد الله فماذا وجد

SHAPE YOUR LIFE (ABOALI) يقول...

الثالث بقى
مبسوط اننا بنعرف نفكر

اصلى فى حكمة بتقول

فكر تكركر ولما تكركر هاتفكر

وعجبى

SHAPE YOUR LIFE (ABOALI) يقول...

الرابع بقى

اللى دايما بياخد افعال الدنيا على مشاعره

بيكون عنده دايما تفكير سلبى
لاءنه بيحس انه مضطهد ومظلوم

بس اللى بياخد تحديات الحياه على عقله ويفكر فيها


يطلق عليه الانسان السوى


وعجبى

SHAPE YOUR LIFE (ABOALI) يقول...

الخامس

كلنا اكيد بنتخنق
من حاجات كتيره
بس ساعات لازم نفكر ايه اسباب الخنقه
وكيف نعالجها

يمكن الخنقه من الكرافته يبقى نشيل الكرافته

وعجبى

SHAPE YOUR LIFE (ABOALI) يقول...

السادس

الحياه كوكتيل
مره حلو ومره مر
بس الشاطر اللى يزود الحلو ويقلل المر


وعجبى

SHAPE YOUR LIFE (ABOALI) يقول...

السابع

اكيد فيه حكمة كبيره
من خلق سبع سموات

سبحانه وتعالى جل فى علاه

طب يلا نفكر

SHAPE YOUR LIFE (ABOALI) يقول...

الثامن بقى

حواء هى ادم وادم كل حواء

ومش عجبى

ستيتة يقول...

بالنوسبة للإضراب فنحن ورا الريس هنعيش وربنا يكرمن كلنا بفعل ما ننوي ونقول

بالنوسبة للنفسويات فأجمل شيء دعائك لنا بشعاع نور يضيء لنا ظلمة الحياة ويعطينا الأمل في بكره

بالنوسبة للحكم فحاولت ان اقول اكثر ما أثر في فوجتهم تحفة اكبر من اي كلام
يا اوختشي الحكماء دول برضيك مش اي اي

قد ينسى الإنسان نفسه أحيانا ولكنه لا ينسى نفسا قد سكنت فيه
--------------------------
ماشي يا رومانسية انت

اللهم بلغ مانوش املها ولا تخيب رجائها واكتب لها سعادة الدارين الدنيا "مع الأسمراني" والآخرة برفقة حبيبك المصطفى

SHAPE YOUR LIFE (ABOALI) يقول...

التاسع

شيىء عجيب شيىء غريب

ان كل من دافع عن الاسلام كان من اصول غير عربيه

بيبرس صلاح الدين قطز

ده يدل ان الاسلام هو من يصنع بغض النظر عن الاصل

ممكن برضوا

SHAPE YOUR LIFE (ABOALI) يقول...

العاشر

اذكر بل علل

صفة يراها الاخرون فيك ولا تراها فى نفسك

وعجبى

SHAPE YOUR LIFE (ABOALI) يقول...

الحادى عشر

تقريبا كده
المدونين كلهم فى سبات عميق يسبحون بين النسائم لكتابه موضوعات جديده

وعجبى

SHAPE YOUR LIFE (ABOALI) يقول...

الثانى عشر

اد ما تيدى اد ما تاخد اد ما تضحكلك الايام


حكمة من ابو على

SHAPE YOUR LIFE (ABOALI) يقول...

الثالث عشر

رقم نحس

بلاش نعلق فيه








عيب الرقم مش نحس
الرقم حلو وطيب وامور

عيب

SHAPE YOUR LIFE (ABOALI) يقول...

الرابع عشر

نداء من بعيد

ياءتى مهرولا

كفايه حرام
كفايه حرام
كفايه حرام

SHAPE YOUR LIFE (ABOALI) يقول...

الخامس عشر

فاءستجيب للنداء
وتتساقط دموعى على اضعلى
فى مشهد عجز عن وصفه شكسبير
ونادى على زويل حتى يقيس تفاصيله


وطب وحصل ايه كمل

فى التعليق اللى بعده

SHAPE YOUR LIFE (ABOALI) يقول...

زويل ده حدوته

قال لن اقابل رؤساء بعد الان (الا بالامر يعنى )
وساءتوجه بكلامى الى الشعوب
فهى نبض الشارع
لعلنا نفوق

وعجبى

SHAPE YOUR LIFE (ABOALI) يقول...

هو ده التعليق رقم كام
نسيت

استنى لما اشوف

SHAPE YOUR LIFE (ABOALI) يقول...

الثامن عشر

الواحد بينسى كتير

تفتكرى ليه صحيح

دعوة للتفكير

SHAPE YOUR LIFE (ABOALI) يقول...

التاسع عشر

قلة التركيز دى مشكله

بس ده نتيجة تعدد الافكار المتشاركة مع بعضها اللى عاوزين ننفذها فى وقت واحد

بدل ترتيبها اولويات


صح ولالالالالالالالالالالالا

SHAPE YOUR LIFE (ABOALI) يقول...

العشرين

فى حكمه بتقول

وان اشتدت عليك التعليقات يوما من ابوعلى فقفل مدونتك

فاءن راحة البال من المحال


وعجبى

SHAPE YOUR LIFE (ABOALI) يقول...

اخر تعليق

بوست مميز على فكره
من بين السطور فيه معانى
منها هيا نبدء بقى وبطلوا تنبله

ام عن ذلك الشعاع الذى يضعه الله فى اعماقنا
فهو والله شعاع البسمة والامل

انا من خلقتك
انا من يراعاك
انا من يرحمك
انا من يغفر لك
انا من يقويك
انا من يرزقك
انا من يحبك
انا من كرمك
انا من احياك
انا من اماتك
انا هو ربك
اجعلنى فى قلبك
اكن لك كل حياتك



اما عن الحكم

فهى بحق رائعه
يكفى انها دستور حياه

اشكرك مع تحياتى

غير معرف يقول...

يعنى الصراحه ابو على ماسابش لينا حاجه نقولها

بقول اقفلى البوست ده و اكتبى واحد جديد

حكم جميله اوى تدل على حاجات كتيره
مش فاكر منها حاجه
ربنا يكرمك يا بنتى

Bant EL7ag Dracula يقول...

المرأة التي تفقد حبيبها: امرأة احبت، والمرأة التي تحتفظ بحبيبها امرأة اتقنت فن الحب.

عجبتنى اوووووووووووى الجمله دى وحتتها على الايمال بتاعى

وعجبتنى اكتر فكرت كل صوره بتعبر عن الكلام فعلا

بوست
جميله تسلم ايدك

منــار فايد يقول...

الله جميله اوي اوي كلماتك
بجد بشكرك من قلبي جدا جدا
وبفرح اوي بمرورك عندي
ويارب يوفقك علطول ياحبيبه قلبي

mimi يقول...

هوا ابو علي وخد التعليقات مقاولة؟

أحب أعرف بس ....

البوست ده هايل وبيعبر عن أد أد إيه نفسوياتك دي جميله ... وطيوبة ... ربنا يكرمك ويعزك ويديلك كل اللي تتمنيه
أمين يارب...

غير معرف يقول...

اولا ..معاكى ان شاء الله فى الاضراب
ثانيا....بيتهيئلى الافضل ان محدش يقربلك اليومين دول....شكلك خطر من الصور دى
ثالثا...جميييييييله جدا الحكم دى ....وبالذات حكمه سيدنا على رضى الله عنه ووكرم الله وجهه
ربنا يجازيكى خيرا عليها
دمتى بخير....تقبلى مرورى

بـسـمـــة صـــــلاح يقول...

البوست وتعبيرك بالصور جميل
وانا مفهمتش حكية الاضراب دا غير من عندك وعند بعض المدونات
اصل انا في السعوديه ومش عارفه اي حاجه عن اي حاجه بعيد عنك
هههههههههههه
ومبروك عليكي اول تعليق هديتك هتشوفيها البوست الجاي ان شاء الله
والحكم بجد جميله واكتر من واحده عجبوني اجدا

اتبسطت بمروري هنا
سوري بتأخر دايما بس والله الثانويه الهباب دي تخلص واجيلك وانتظم بإذن الله
ادعيلي بقى اجيب نسبه عاليه تدخلني صحافه

تحياتي ليكي يامنوش العثوله

Ahmed يقول...

الكلام جميييييييييييييل جدا جدا
وانا فعلا مش عارف اقول ايه

أبو العريف يقول...

انا معاكي في الاضراب ده
بس افهم ان شاء الله
وابقي اضرب

تحياتي

ذكرى رحيل قلم يقول...

السلام عليكم
منورة يا منموشة بكلامك الجميل ونصائحك البمفيدة جزاكي الله خير علي كل حرف مفيد افدينا بيه
دمنا بحب وود

ذكرى رحيل قلم يقول...

بالنسبة ليوم الاضراب انا هضرب عن المدونة يوم كامل لانها بتخدني من ابني حبيبي بس مش اليوم
اي يوم تاني ينفع بكرة
لا اليوم اللي هاعمل فيه نسخه للجهاز ههههههه
متخليش حاجة تشعل بداخلك نار مس مستهلة الدنيا والله ولا ني عارفة يعني ايه احساس الانسان بالنار
بقولك عيشي وانس الي ممكن يزعلك بالنار
ولما تلاقي النار بتذيد تطفيها بذكر الله من اذكار والاستغفار وخير الذكر القراءن الكريم
يارب ينورلك طريقك ديما بالخير
دمنا بحب وخير وسلام

ادم المصرى يقول...

ان شاء الله احنا هنضرب ونعمل اضراب عن كل شيئ ونعمل اضراب كمان عن ابو على الى قرفنى انتى البوست الى جاى اكتبيه عن ابو على فى حوار مع التعليقات

ايه رأيك فى العنوان ده

Sweet Violet يقول...

الاضراب قريته عند صبرنى و بجد عجبنى جداا فكرته و ياريت فعلا اى اضراب يكون كده لان كل واحد فيه بيبدأ بنفسه و ده من اول مراحل التغيير .. اللى ارجو فعلا اننا نقدر نعملها

اما بقى مراحل نفسوياتك اشاركك فيها جدااااا امممم هو من الواضح اننا مش تؤام فى الاعتراض بس (:

و عجبنى بجد اختيارك للحكم و الأقوال (رغم انها عنصرية شوية ^_^)

تحياتى ليك ياجميلة (:

Jannah يقول...

من أحب الله رأى كل شيء جميل

-------
صدق

غير معرف يقول...

اولا دى اول مره ليا فى المدونه بتاعتك وان شاء الله مش اخر مره
البوست اكثر من رائع
انا معاكوا فى الاضراب ده
رائعه جدا فكره التعبير بالصور عجبتنى جدا جدا
والحكم بليغه جدا مش عارف هى من كتابتك الشخصيه او مأخوذه بس فى الحالتين شكرا لدفعنا الى حاله من التأمل والتفكير
خالص تحياتى
بعد اذنك هاضيف لينك مدونتك عندى

assafo anaroze يقول...

مخنوقة
سيدتي
شاركت معاكم في اضراب 17 ماي و حاولت ما امكن التزم مع نفسي في مجموعة من الامور و يمكن التزمت باكثريتها و نقول ان اضرابي نجح 90 بالمئة
اما بالنسبة لنفسية الانسان فاكيد كلنا بتجينا اوقات نكون فيها زي الزفت و في داخلنا نار كبيرة بتحرق فينا بس اكيد لو احنا بنبص لقدام اكدي حنلاقي ان رزمة الياس المحيطة بنا فيها شعاع امل يمكن نبص من خلاله
مودتي

شمس النهار يقول...

طيب اعمل انا ايه ارد علي ايه والا ايه
ماشي
الاضراب خلاص

الدموع والنار والرماد والكلمه الحلوه والنور
هقول
آمين
الباقي بكره

تامر علي يقول...

يا سلام التعليق رقم 40 راااائع .... حظي بمب :)

الاضراب نجح الحمد لله لأن فكرة لاقت قبول

أما تقلبات النفس والمزاج فلا يجدي معها مسكنات ... بل يجب الاستعانة بالله الذي خلق النفس ويعلم ما يصلحها وبيده القلوب وتصريف الاحوال

تحياتي :)

رحلتنا في الحياة يقول...

جميل اوى البوست ده وكل كلمة فيه ليها معنى كبير انا هحفظ الحكم دى عندى علشان ارجع لها باستمرار

MaNoOoSh يقول...

ABOALI
يا مسيطنى يا ابو على
ههههههههههههههههههههههههه
وانا موافقة اشيل الكرافتة.. بس المشكلة الوحيدة انى مبلبسش كرافتة
ههههههههههههه
وان اشتدت على التعليقات من أبو على بنبسط قوى على فكرة
والتعليق الأولانى فى البوست الجاى محجوزلك كمان

------------------------

ستيته حسب الله الحمش
يا ناصفاني يا رافعة معنوياتي المعدنية بدعواتك دى يا ستوتة
طب والله ليكي حضن كبييييييييييييييييييييييير يا أجمل أخت كبيرة فى الدنيا
وبوسة كمان
ممممممممممممممممممممممواه

---------------------

biberss
ماشى يا بيبرس ماشى ماشى.. بقى مش فاكر منها حاجة
ههههههههههههههه
طب كنت اكتبلك كام حكمة يمكن يخلصوا من السوق وتوبقى أزمة دولية

--------------------

Bant EL7ag Dracula
نورتينى يا دراكولاية ويارب تحافظى دايما على الانسان اللى بتحبيه وهو كمان يحافظ عليكى.. ربنا يوفقك يا عثل

--------------------

شباك موارب
وانا بفرح بزيارتك دايما يا قمر.. ياترى عاملة ايه فى الامتحانات؟

-------------------

mimi
ربنا يخليكي يا ميمي ميمايا
هو انا صحيح على ما ابدو مسالمة.. لكن لو حد زودها معايا وانا فى مرحلة النار أو الاعصار ببقى وحشة قوى ومبشوفش مين اللى قدامى.. ربنا يهدينى يا ميمي ونفسوياتي دى تهمد بقى شوية

----------------------

فتاه من الصعيد
متقلقيش هى مرحلة الاعصار خلصت الحمد لله.. ربنا يهدييييييييييييييييييني يارب لحسن انا بخمسين حالة كل يوم اليومين دول.. ومقولة سيدنا على فعلا من الجمل القريبة من قلبى جداااااااااااااااااا

-------------------

بـسـمـــة صـــــلاح
يارب تكون هدية لذيذة
هههههههههههه
وانتى يا قمر خدى راحتك وربنا ان شاء الله يوفقك فى الامتحانات وعايزين 100% كدة ان شاء الله منك انتى ومونى الشريف

-------------------

أحمـــــــــــــد أبو العلا
مش لازم تقول حاجة يا بشمهندس.. كفاية طليت علينا

-----------------

أبو العريف
دة اضراب سهل قوووووووووي يابو العريف
نورتنا يا باشا

----------------

ذكري رحبل قلم
الاضراب تقدري تعمليه فى اى يوم وكمان ممكن تخليه يوم كل شهر مثلا.. حقيقى نقدر نغير فى نفسنا وان شاء الله ربنا هيساعدنا

النار مش بتحرق حد غيري أنا.. وبتبقى على حاجات تافهة والله بس انا اللى حساسة زيادة عن اللزوم.. ربنا يكون فى عون برعي الصراحة.. انا بدعيله من دلوقتى
هههههههههههههههه

----------------------

MaNoOoSh يقول...

ادم المصرى
ليه بس يا ادم تقول كدة؟؟.. دة انا يشرفنى ان ابو على يكتب فى مدونتى تعليق واحد فما بالك بالعدد ده.. وانا مبسوطة جدا بتعليقاته.

----------------

hamada
ان وجدت فى مدونتى ما يستحق النشر هبعته علطول ان شاء الله.. ولو انى معرفش احكم.
نورتني بالزيارة السريعة

-------------------

Sweet Violet
خلاص يا سويت.. بقينا توأم فى الاعتراض ومراحل النفسويات كمان
هههههههههههههههه
بس الحكم مش عنصرية ولا حاجة.. انا مش فاهمة عنصرية فى ايه؟ (وش عنيه فيها حول منغولي)

---------------

Jannah
فعلا يا جنه لان الله جميل يحب الجمال فاللى بيحب ربنا هيشوف الجمال رغم وجود القباحة الصارخ فى الدنيا
نورتي يا قمر

------------------

رحله البحث
نورتني بزيارتك اللى اتمنى تتكرر طبعا
والحكم مش من كلامى طبعا لكن حبيت أنقلها بس مش اكتر
ويسعدنى جدا انك تضيفنى فى مدونتك المليانة احساس ومعانى جميلة

-------------------

assafo anaroze
انا سعيدة بمشاركتك ونجاحك كمان فى الاضراب بنسبة كبيرة كدة
وحقيقى مهما احترقنا من الداخل فى حزننا فشعاع المل موجود ولا يفارق النفوس ولكنه تستعصى رؤيته على العقول الغاضبة والعنيدة
اسعدنى مرورك

--------------------

شمس النهار
المهم انك نورتينى يا شموسة يا قمر
ويارب ربنا ينور قلوبنا كلنا

------------------

تامر علي
الاضراب فعلا نجح ومعايا شخصيا فرق كتير واجبرت نفسي اكسر العند اللى فيا واحاول اتفاهم مع اللى قدامى بدل ما اقطع الحوار زي كل مرة
ونجح لللللللللللللللللللوي
وتقلبات المزاج دى حاجة متعبة جداااااااااااااا.. ربنا يرحمنى منها قبل ما اتجنن واجنن اللى حواليا (قال يعنى انا ناقصة جنان)
ههههههههههههههههه

---------------------

ايوشة
نورتينى يا أيوشة وربنا يسعدك دايما يا قمر

---------------------

mahasen saber يقول...

انتى لما بتضربى ولاا لما بتزعلى بتبقى عامله زى الصور كده
هههههههههه قصدى على الصور اليى فوق طبعا

اخبار تشفيذه ايه طيب

غير معرف يقول...

منوشة الحبيبة
بالنسبة للاضراب تمام يافندم
مش يوم17 بس كل الايام بقدر المستطاع باذن الله
بالنسبة للنفسية ربنا يحفظ لك النور الذى يضىء حياتك
والدعوة جميلة ربنا يتقبلها يارب
الحكم جميلة وروعة
ربنا يطمنى عليكى ودايما تكونى بالف خير
تقبلى تحياتى

عابرة السبيل يقول...

بيتهيقلى جيت متاخر ؟
بس اهو جيت وخلاص

مشوار الالف ميل يبدا بخطوة

MaNoOoSh يقول...

mahasen saber
لما ببقى زعلانة ومنقهرة يا محاسن يا اوختشى بعيد عن السامعين
عاااااااااااااااااااااااااااااااااااا
وببقى منقهرة ساعات على حاجات تافهة


تشفيدة دى بتفكرنى بفيلم عودة الندل.. اللى موتت فيه كل المتفرجين فى الواكع الأليم
اشوف فيكي يوم يا تشفيدة
عاااااااااااااااااااااااااااا

-----------------


أم مالك
نورتيني بالزيارة يا ام مالك يا قمر
وان شاء الله فعلا الاضراب نحاول على قد ما نقدر نطبقة فى حياتنا
ربنا يرزقك بكل خير يا قمر.

-------------------

3abratalsabeel
المهم انك نورتينى يا قمر وانا مبسوطة بزيارتك.. ويارب متكونش اخر مرة.

--------------------------