الأربعاء، 15 أبريل 2009

عبده أنزحه وتشفيدة زوفاش: الحلقة السادسة "قبل الأخيرة"

عبده أنزحة وتشفيدة زوفاش: الحلقة السادسة (الزلانطين.. ايش يعمل المشط فى راس الاقرع)
الشخصيات
عبده أنزحة: البطل.
تشفيدة زوفاش: البطلة.
أرزل: ابن عم تشفيدة وعبده.
أوشا: أخت منوش.
منوش: قريبة عبده وتشفيدة.
طبعا بعد الحوارات بتاعة الحلقة اللى فاتت اكتشفت ان سي عبده بيه وست تشفيدة هانم لما كلمتهم ونصحتهم افتكروا انى مش حبالهم الخير او انى انا وأوشا بنحكد عليهم وغيرانين من حبهم الملتهب.. ودي كانت من الحاجات الى خلتنى ابلع لسانى فى مواقف كتير الحلقة دى.
المهم
سي عبده لما سقط فى كلية ابو قردان قرر أهلة انه يسافر معاهم فى معهد فى البلد اللى هم فيها.. وقعد سنة فى المعهد واكتشف ان المصريين مينفعش يكملوا فيه اكتر من سنتين.. ونظرا لظروف مرت فى بيتهم قعد السنه اللى بعدها يساعد باباه فى الشغل.. وانا بقى لما حسيت انه اتغير شوية فى كلامة مع اوشا وانه بقى مهذب شوية فبقيت اكلمة على النت عادى واهزر معاه عادى.. وكمان فى نفس ذاك الوقت كنت انا كمان قررت اتغير شوية واخلينى فريش عن الاول.
وفى الوقت دة بردو تشفدفد جابت مجموع كويس فى تانية معهد وراسها والف سيف لتحول لكلية بقى علشان زوفاشها وبرستيشها يرجعواا لحالتهم الطبيعية.. وانا اقولها يا حجة تجارة مش هتعرفى تعدى فيها.. مش هتسلكى.. وهى لا مونكن ابتااااااااا.
المهم حولت بس لسنة تانية مش تالتة.. ونجحت طبعا بس فى مادتين بس من ال7 او 8 مواد.. وطبعا هتعيد السنة.. وقرب رجوع العصفور لمصرلبست الحجاب وبطلت تلبس البناطيل ام وسط واقع.
وجت أجازة 2008 وطبعا اللى خلى اسرة منوش تسافر فى الاجازة دى هو الشديد القوى ألا وهو تعب جدو (الله يرحمة) الشديد ثم وفاته بعدها.. وطبعا قعدنا هناك كتير قوى.. وجت اسرة سي عبده مصر بس كان سي عبده لسة مرجعش لظروف قهرية.
وكنا مبسوطين بجمعتنا مع بعض رغم حالة الحزن.. لغايه ما سي عبده رجع مصر.. وطبعا كانت كل شوية تيجي سيرة ان تشفدفد متقدملها حكشة وبكشة ونكشة وكلهم هيموتوا عليها وعلى تشعامتها.
وعدت شهور الاجازة على خير.. وطبعا سي عبدة كان عايز يرجع لمعهد تكنولوبيا الكمبيوطر (اللى سابه واصر على كلية ابو قردان) وانا بردو عملت فيها عم العبيط واوشا هى اللى راحت مشوار تحويل الورق تاني.. وخلصت الاجازة وسافرت اسرة سي عبده.. ورجعت اسرة منوش لكايرو.
وفى اول شهرين من الدراسة كنا كل شوية نسمع عن خناق سي عبده مع سكمونص ومعرفش مين زعل من مين.. وفى مرة سي عبدة شاف تشفدفد ماشية هى وفادية مع أرزل بيوصلهم فرح فيه أخواتة.. فكلمها سي عبده على النوبايل اداها كلمتين معتبرين ومرمط وبعزء كرامة حضرتها وراحلها الفرح جابها من قفاها.
المهم
تشفدفد جت كايرو فى اجازة نص السنة علشان وحشناها (شوف ازااااااااااي.. صدفتن وعلى حين هرة).. وقعدت معانا 10 ايام ومع ذلك مبنشوفهاش.. وتشفيدة فين يا ولاد؟؟.. مع عمر الشريـــــف.. لالا ايه اللى انا بقولة دة.. قصدى بتكلم سي عبده على النوبايل.. وهى بتاكل ماسكة النوبايل.. وهى قاعدة ماسكة النوبايل.. واحنا بنتفرج على اى فيلم ماسكة النوبايل.. دة حتي وهى فى الحمام ماسكة النوبايل بردو.
وفى يوم قررت تشفدفد انها تنزل تشترى هدية الزلانطين لسي عبده.. قلت ومالو يا بت يا منوش طنشى خاااااااااااااااالث وخليكي فريش وملكيش دعوة.. ونزلنا ودخنا ولفينا وجبنا الحاجات وهى طول الطريق ماسة النوبايل بتكلم سي عبده.. قلت ومالو يا بت يا منوش طنشى خاااااااااااااااالث يكش يولعوا.. وسمعتها بتقولة انت بجد فى كايرو؟.. قلت ومالو يا بت يا منوش طنشى خااااااااااااااااالث دول اكيد بيهزروا.
وفى السكة واحنا راجعين بنهزر مع تشفدفد وبنتريق شوية بالقصيدة الشاعرية الرومانصية بتاعة "الشوق الشوق".. "الحضن الحضن".. "البوس البوس".. وتشفدفد فطسانة من الضحك وبتهز راسها وهى بتقول أة.. قلت ومالو يا بت يا منوش طنشى خااااااااااااااااااالث وانتى مال اهلك اساسا.. بس الصراحة بقى معرفتش اطنش وسالتها بجد؟؟ فقعدت تضحك وتقولى أيوة.. واسألها تانى من الصدمة انتى يا موكوسة كان فيه بوس وأحضان؟؟؟ تقولى أيوة مرتين أو تلاتة كدة فى البلكونة (ساعتها بدأت أحس بأعراض الشلل السباعى والشحار المفسفس والنوفوخ المتهلهل).. ولسة كنت همسك فى زمارة رقبتها واحنا فى الشارع وقبل ما المارد يطلع بالصواريخ من بقي راحت اوشا لحقتى ورغوشت على الموضوع لغاية ما روحنا.. قوم ايه لما روحنا اوشا قالتلى ملكيش دعوة وكل واحد فيهم ليه أم وأب ومتكلميهاش ولا تفتحى الموضوع.
قوم ايه فى اليوم دة على الفجر لقينا الباب بيخبط ويطلع ميييييييييييييييين؟؟...
طبعا سي عبده.. ويالهول المفاجأة.. لقد اذهلتنى المفاجأة (انه مكنش بيهز.. انه مكنش بيهزررر.. انه مكنش بيزرررررررررررررررر.. يالهوتى يانا.. يا عالي الضغط يا نوفوخيييييي.. حد يجيبلى مبيد حشري ارشة على العيال دى واخلص منهم يا نااااااااااااااس).
وطبعا اوشا علشان كانت نايمة ومفيش حد يهدينى فقلت اهدى انا نفسى قبل ما نوفوخى يطررررررررقع وصحيت ماماتى تيجى تقعد معانا شوية وبعدين زحلقت سي عبده علشان ننام.
ثم تصادف بقى ان تانى يوم يكون الزلانطين (يا محااااااااااااسن الصدف.. ومحدش يقوللى مين محاسن دى علشان المبيد الحشري جه فيها مش فى العصافير).
وقررت العصفورة تقديم الهدايا للعصفور (اصلها كانت عاملة جمعية علشان تجيبلة هدية قبل كدة ومكنتش عارفة تجيبلة ايه فاستقصدت سي حكشة لو فاكرينة يجيبلة كام بروفر علشان الجو شتا بقى فسي عبدة زعل وادالها الفلوس تانى وجت كايرو علشان تجيب الهدية على زوقى انا واوشا.. ايه الرغى اللى انا فيه دة مش مونكن.. المهم).
ففضيلنا قاعدين معاهم انا وأوشا ودول قاعدين يصوصوا.. وشوية شوية كانوا هيشغلوا قصيدة "الشوق الشوق" "الحضن الحضن".. فأنا ازغرلهم وانغزلهم واتريق عليهم انهم يحسوا على دمهم.. ابدااااااااااااااا.. بوتاتا.. وشوية ولقيت سى "عيبته" مش ناقص الا يقوللى ما تقومى تعمليلنا كباية شاى.. فلقيت المارد عمال يزمجر فى نوفوخى وبدأ يوصل لبقى فلحقت نفسى قبل ما ارتكب كريمة وقلت لعبده: بقولك اييييييييييه وقتك خلص ومتخلنيش اقلب على الوش بتاع زمان ويللا بقى ودعنا وانسى هواك علشان عايزة انام يا عم الأمور.
المهم تانى يوم بقى كان تصادف عيد ميلاد باباتى والعصافير عاوزين يخرجوا معايا انا وأوشا بس أوشا كانت تعبانة.. وأنا كنت ناوية انزل اجيب هدية لبابا أصلا.. بس لا مونكن أبدا انى انزل مع عصافير المحمودية.. فأوشا قالتلهم خلوها بكرة وانا انزل معاكوا.. ودول راسهم والف بلغة قديمة لينزلوا الوقتى.. فانا كشريرة قديمة بقى قلت احطهم فى مزنق وأقول انا مش نازلة على اساس يتحرجوا ينزلوا لوحدهم.. ولكن "ايش يعمل المشط فى راس الأقرع".. بردوا لبسوا واستعدوا للنزول على الساعة 10 بالليل.. وطبعا مامتى وبابتى سمحولهم على اساس هيروحوا محل جنبنا.. فجرس الباب ضرب وسي عبده راح يفتح.. واحنا بنسالة مين؟ يقول دة أرزل جه وانا وزعته.. بجد يا عبده؟؟ لا لا دة انا بهزر محدش جة دول ولاد الجيران.. فنزل العصافير وانا اتمنى لهم مقابلة الاتوبيس السياحى الفاخر اللى فى بالى (أو بوكس مش مشكلة.. كل اللى يجيبة ربنا كويس.. هع هع هع).
واذ بى بفتح اودة اخويا علشان اجيب منها حاجة فاتسرع.. عاااااااااااااااااااااااا.. اذ اننى وجدت أرزل بالفعل موجود عندنا وعبدة دخلة على الاودة علطول وقالة انت شكلك تعبان ادخل نام علطول احسن.. وانا أقول فى سرى (تييييييييييييييييت).
المهم
تاني يوم بقى حصلت فجأة واتعزمنا على المسرح.. أسرتى ومعانا أرزل وعبدة وتشفيدة.. واحنا مروحين بقى لما جينا نركب المكروباظ أنا مبعرفش اركب فى الزحمة فركبت اوشا وماما وتشفدفد فى الاول.. ثم
ان ان اااااااااااااااااااااااااااااان
لقيت سي عبده راكب ورا تشفدفد ودخل قعد جنبها (ولتذهب بقية نساء العائلة ـ اللى هم انا وبس يعنىـ الى الجحيم) والناس هجمت قبلى والمكروباظ اتزحم وانا قعدت قعدة مهببة بعيد عنكم وكل ما حد ينزل اضطر انزل واطلع تانى.. فقلت يا بت طنشى خااااااااااااالث الوقتى واهم هينقشعوا بكرة خلاص.. ولكن كنت قاعدة بغلى من جوه معاميك نفسوياتى ومتأثرة جدا وصعبان عليا نفسوياتى ويامين كان يطولنى على رقبة عبده ساعتها.
وكنا طبعا هنسافر انا واوشا ومامتى مع العصافير وفى طريق السفر طبعا محكيلكمش على منظر العصافير.. حيث انهم طلعوا علطول وقعدو جنب بعضيتهم فى تانى كرسي.. واللى حاطة راسها على كتف العصفور واللى حاطط ايدة حوالين ظهر العصفورة.. تحسوا كدة كأنهم ولا سي عبد الحليم ابو حافظ وست نادية يالطيف اللطف فى فيلم ضاضى فوق السجراية يا خواتشى.. وطبعا كانت تلك القشة التى قصمت ظهر الــ(احم احم.. الصقر الحليوة طبعا يا جماعة).. حيث اننى قطعت اى صلة صداقة بهم ومعدش غير صلة الرحم علشان خاطر ربنا وبس.
ولكن لحكمة لا يعلمها الا الله ان ربنا بيزيدنا فى افعالنا علشان لو افترينا هيطلع على جتتنا.. وأن الجزاء من جنس العمل.. وأن من قتل يقتل ولو بعد حين.. ويمهل ولا يهمل يا ليــــــــــــنا.. ثم حدثت المفاحأة.
واللى هنعرفها طبعا فى الحلقة الأخيرة المرة الجاية.

19 اللي عبروا منوووشة:

MǿиY El-Shreef يقول...

هههههههههههههههههه

ختشيييره يا ابلتشي

كل مره بفطس ضحك عن المره الي قبلها

خصوصا المرادي لما شفت صورتها بالحجاب ههههههه

لا قمر قمممممرررر

:D

ايه التماحيك دي ضهرها وكتفها

جاتهم القرف قلالات الادب

:D

مستنيه الاخيره

اوووعي تتأخري

شاب كــ طخين ـــــا يقول...

هههههههههههههههههه
بجد ملكيش حل هههههه
تشفيدة دى قمراية اوى ياناس ومظلومه بتعمل جمعيه علشان سى عبدة فيه حب كده هههههههههه

منتظرين الحلقة الأخيرة
دمت بكل خير

لجين أبو الدهب يقول...

ياخرابى على تشفيدة وسنينها اللى ما يعلم بيها الا ربنا ..

لأ يامنوش كنتى طلعت فيهم ياختى ..

ماسكة نفسك ليه ..

قلبى معاكى الصراحة اذا كان انا ومراراتى اتفقعت ما بالك انتى D:

ربنا عوض علينا عوض الصابرين فى الحلقة الاخيرة ..

منتظرة الحلقة الاخيرة على نار ..

* على فكرة انتى اللى جه عليكى الدور عندى فى التاج ..

بحبك ..

MaNoOoSh يقول...

MǿиY El-Shreef
ايوة يا مونى كلمتك انتى وستيتة مكنوش بيفارقوا خيالى والعصافير عندنا
(جتكوا القرف على مناظركوا - يا مصبر الوحش على الجحششششششششششششششششششش)
وان شاء الله هنزل الحلقة الجديدة كمان يومين كدة ومش هتأخر عليكوا زي كل مرة

----------------------------------

أمبارح كان عمرى عشرين
على رايك يعنى هو فيه حب كدة فى الدنيا.. جمعية وعملت.. شعر وكتبت.. يعنى هى هتعمل ايه تانى اكتر من كدة المسكينة
هههههههههههههههههههههههههه
منورنى دايما كالعادة يا باشا

-------------------------------

لجين أبو الدهب
انا كنت ماسكة نفسى بقوة الهية وكاتمة بقى بالعافية لحسن يفتكروا انى غيرانة على سي عبدة من تشفدفد تانى.. حاكم دول مخاخهم فسفس على الاخر.
وان شاء الله التاج هيكون بعد المسلسل المكهرب دة علطول

---------------------

ستيتة يقول...

طيب انا اعلق اقول ايه؟
انا بضحك لما لميت البيت كله
يااختي عيلتك كلها موافقة على الحب اللوزعي على اساس ياخد تشفدفد يانا يا امه ياخد عبه يا بلاش
انتي بس اللي لابسة وش الصقر ومسكينة اتفقعت مرارتك "اللاهي اللي في بالي" من الحب الجايد نار يا بوي
هههههههههههههههههههههههههه
كملي كملي لما اشوف اخرة البلوة دي ايه

MaNoOoSh يقول...

ستيته حسب الله الحمش
والله يا ستوتة هم تلت اربع العيلة اصلا قرفانين من الحركات دى لكن مفضلين الموقف السلبى علشان محدش يزعل من حد وأولهم مامتى
بس ينفع كدة.. بقى انا قاعدة انفخ فى نفسى 3 حلقات وعمالة اقول على نفسى صقر تقومى انتى تواجهينى بالحقيقة المرة
عااااااااااااااااااااااااا
اه والله يا اختشى انا مرارتى بتشاور عقلها كل ما اشوف العصافير.. والهى اللى فى بالى انا كمان
ههههههههههههههه

مسدس صغير يقول...

الحلقة دى هايلة
تموت من الضوحك
عجبنى اوى حتة النوبايل اللى معمول عند الخراط دى.
"تشفدفد جت كايرو فى اجازة نص السنة علشان وحشناها (شوف ازااااااااااي.. صدفتن وعلى حين هرة).. وقعدت معانا 10 ايام ومع ذلك مبنشوفهاش.. وتشفيدة فين يا ولاد؟؟.. مع عمر الشريـــــف.. لالا ايه اللى انا بقولة دة.. قصدى بتكلم سي عبده على النوبايل.. وهى بتاكل ماسكة النوبايل.. وهى قاعدة ماسكة النوبايل.. واحنا بنتفرج على اى فيلم ماسكة النوبايل.. "
هههههههههههههه
مع عمر الشريف؟؟
جميله اوى الحلقة دى هيه واللى فاتت..
انتى ممكن تعملى خيال علمى على فكرة.
ههههههههه

MaNoOoSh يقول...

مسدس صغير
هى الحوارات فى المسلسل باينة خيال علمى.. لكن فى الحقيقة بعيد عنك بيبقى فيلم رعب مليء بشتى الاأفكار الانتقامية فى مخي المهلبية
ههههههههههههههه

جورنالجى يقول...

ههههههههههههههههههههه
مدونتك تحفة ودمها خفيف جدا
ياريت شوفتها من بدرى

MaNoOoSh يقول...

جورنالجى
تسلم يا باشا.. ويارب تكون المدونة عجبتك

Mony يقول...
أزال المؤلف هذا التعليق.
تامر علي يقول...

القراء نفسهم ابتدوا يقعوا في حب تشفدفد ... أمال حال عبده إيه بقه ؟؟؟ ربنا يكون في عونه ... بس مين اللي بيدفع فاتورة الموبايل ؟؟؟ مصيبة ليكون هو علشان مواردها محدودة :)

الجواز و سنينه يقول...

ازيك يا قمر
وحشانى و الله
تم ازاله تعليق الحيوان
شكرا للتنبيه
و الله انا ما بقتش فاهمه ايه ده
و لما فهمت ما كملتش قرايه
و وطالى ضغطى و الله
حسبى الله و نعم الوكيل

إيمان يقول...

ايه الروعه التفدفديه العبوديه اللوزعيه دى
ياختشى كماله حلو ..
هو مفيش حد كبير يلم العصافير اللى بتنهق دى ولا ايه
بس بجد انتى ملكيش حل خااااااااالث
يا صقر يا جميل انت

الازهرى يقول...

ممكن استأذن اربع ايام اخلص ضحك وارجع
بجد تحححححححححححححححححححححححفة

MaNoOoSh يقول...

تامر علي
فعلا القراء من حبهم لتشفدفد جالهم شحار مفسفس هم كمان زيي
ههههههههههههههه
وفاتورة التليفون حكايتها حكاية

------------------------

الجواز و سنينه
احسن انك مسحتى التعليق
دة واحد عديم المفهومية
نورتينى يا قمر

--------------------------

إيمان
والله يا ايمى محد بيشوف البلاوى دى
ايوة يا اختشى انتى اللى فاهمانى ورافعة معنويات الصقر الحليوة
يا كسووووفى يا كسووووفى
هههههههههههه
منورانى يا ايمى يا عثل يا واحشانى انتى

---------------------------

الازهرى
خد راحتك يا باشا بس متغيبش قوى علشان هنزل الحلقة الاخيرة بكرة ان شاء الله

romansy يقول...

حلقات عبده وتفشيده هتخلص بكره
دول اتنين عصافير
وتفيشده رومانسيه قوى وعاوزه ترضى سى عبده باى طريقه
بس بيعجبنى اسلوبك البسيط فى الكتابه
وبعدين بقى تعبتى تفيشده منك
سيبيها تعيش يومين انتى كده معاها على طول مش عارفه تاخد راحتها
دول هيتفشوا منك هيروحوا فين تانى

غير معرف يقول...

تصدقى زعلتينى انها الحلقه القبل الاخيره و كمان الاخيره بكره لا حرام انا كنت خلاص عشت الاحداث و حاسس انى عايش معاكم
ما تمدى الحلقات كده اد خمستاشر حلقه كمان
او اكتبى مذكرات الصقر الحليوة الامووور المقطقط اكيد اكثر تشويق و اثاره

MaNoOoSh يقول...

romansy
عاااااااااااااااااا
ماشى يا رومنسى بقى انا اللى كاتمة على نفس الجبارة المفترية دى
ماشى ماشى
طب انا زعلانة بقى

---------------------------------

biberss222
هههههههههههههههه
ماشى يا بيبرس اكتب مذكرات الصقر الحليوة الأمور.. ومكتبهاش ليه!!! طب دة حتى حليوة وأموووور وبرىء ومقطقط
هههههههههههه