الجمعة، 17 أبريل 2009

عبده أنزحة وتشفيدة زوفاش: الحلقة الأخيرة "2" النوهائية تماما

نكمل على بركة الله
طبعا انا ذهلت ان طنط 007 عارفة كل حاجة عن الحكاية و الرواية من أول المنجة وهموت نفثي لو متكوستنيش.. مرورا بالضحكة الناعمة والصوت المخنف فى وجود سي عبده.. لغاية المشاكل والخناقات والخروجات والعزومات والذي منه فى الجامعة.. وعارفة كل حاجة وساكتة علشان تشوف العصافير هيتعدلوا ويتقوا الله وللا لأ.. لانى كنت معتقده اعتقاد راسخ ان محدش من الأهل شايف اللى بيحصل بوتاتا.
وانا خايفة الوقتى لو وصلت لتشفدفد الرسالة تفتكر انى شمتانة فيها حاكم انا عارفة مخها الفسافيسو.. ويعلم ربنا انى كنت بعتبرها زى اختى وعبده زي اخويا.. بس انا قلت لنفسي لا يا منوش مينفعش.. طالما قلتى انك هتوصلى الرسالة يبقى لازم توصليها..
(انني شريييييييييييييييييييييره.. نياهههاهاههاهاهاههاهاهاهاه)
فأنا رحت قلت لتشفدفد الكلمتين دول والبنت اذبهلت وجت عليها بخرس وسكوت تاااااااااااام وصمت مطبق.. وبصيت لقيتها خدت النوبايل ودخلت البلكونة تكلم سي عبده.. اللى كان فى الوقت دة هو وسكمونص فى راس البر واقفين عند الصخور.. وبلغت تشفدفد الكلام لسي عبده.
ويومها بالليل بقى كنا قاعدين أنا وأوشا وتشفدفد ومامتها فلقينا سكمونص جاى لوحده وماسك بلوفر فى ايده وعمال يعيط ويتشحتف.. طبعا قلبنا وقف ونسألة مالك يا سكمونص فيه ايه؟.. وجاي لوحدك ليه؟.. هو عبده روح على البيت علطول وللا ايه؟.. فقعد يعيط وحط ايده فى وشه ولما هدي شوية بدأ يتكلم وقالنا: احنا كنا عند أول اللسان فعبده جتله مكالمة ولقيته قعد يعيط.. قام استأذنى علشان يكلم باباه ومامته ومشى بعيد شوية عند الصخور.. (ثم فاصل من البكاء.. ثم أكمل حديثه) وبصيت لقيته قاعد يعيط وراح واقف وقلع البلوفر ورماه على الأرض ووقف عند الصخور وجت موجة جامدة قوى مشفتهوش بعدها.. قعدت اصرخ وانده عليه ومفيش اى صوت ولا نفس.
وأخذتنا الصاعقة.. جتلنا حالة ذهول رهيييييييييييييبة.. وبصيت لقيت تشفدفد نتشت البروفر (اللى كانت استقصدت حكشة يختارهولها علشان تديه هديه لسي عبده) من ايد سكمونص وقعدت تعيط وفجأة سابتنا قاعدين نكلم سكمونص وقامت.. فأنا بصيت عليها لقيتها داخلة الأودة ودخلت وراها.. ولقيتها دخلت البلكونة وقعدت تحضن البروفر وتبوسه وهى بتعيط بحرقة وفى حالة انهيار.. ومرة واحدة لقيتها راحت واقفة على سور البلكونة.. وانا من خضتى قعدت اصرخ.. أول مرة فعلا أحس انها صعبت عليا بجد.. بس قلت فى سري انها بتحبه فعلا وطالما معرفوش يتجمعوا فى الدنيا يبقى هيتجمعوا فى الاخرة.. فقررت اساعدها ولسة بمدلها ايدى علشان تلحق تقابل سي عبده بسرعة.. لقيتهم جم من بره على صوت الصريخ.. وكانت تشفدفد مسكت فى ايدي وجسمها كلة متشعلق برة سور البلكونة وانا كمان نصى الفوقانى كلة برة السور.
وضميرى مش جايبنى اسيب ايدها.. فحاولت أقولها سيبى ايدى علشان تقابليه.. لقيتهم بيصرخوا وسكمونص جرى علشان يطلعها.. وطنط وأوشا ماسكين ايدي التانية.. وعمالين يصرخوا هما وتشفدفد بشكل هستيري...
منــــــــــــــــــــــــــــــى
منــــــــــــــــــــــــــى
منــــــــــــــــــــــى
منــــــــــــــــــى
منـــــــــــــى
منـــــــــى
منــى
مناااااااااااااااااااااااااااااااا..
اصحى بقى.. انتى بقالك 12 ساعة نايمة يا مفترية.. يللا قومى علشان تساعدينا.. انتى يا بنتى يللا قومى بقى بقالى ساعة عمالة أصحى فيكى.. يللا اصحى يا مقندلة.
فتحت عينى وبصيت حواليا ملقتش غير أوشا بتهز فى ايدى وعمالة تصحي فيا.. وانا مش فاهمة حاجة.. ايه دة.. احنا فين؟.. وتشفدفد.. هى لسة عايشة؟؟؟
عااااااااااااااااااااااااااااااااااااااااااااااااا
فصرخت فى أوشا وقلتلها: حرام عليكي يا أوشا تصحينى من أحلى حلم حلمته من أربع سنين
حرااااااااااااااااااااااااااااااااااااام...
اوعوا تكونوا صدقتوا انى شريرة بجد أو ان تشفدفد تموت نفسها قبل ما تقضى علينا نفر نفر.. بس انا فعلا بلغتها الرسالة وجالها حالة ذهول وقالت ان عبده معدش هيروحلها الجامعة تانى وهدت اللعب شوية.. وهترجع ريما لعادتها القديمة.. ونهيتك ما انتهيت والطبع فيك غالب وديل الهوهو ما انعدل بعد ما علقوا فيه تريليون قالب.. وصحيح طنط 007 كانت بتقرص ودن تشفدفد بس شوية وتنشف دمها شويتين علشان تلم نفسها وتعمل فرامل لكن الاحتمال الاكبر انى فى الاجازة افرحكم بخبر تشفدفد وسي عبده (لا لا خبر خطوبتهم يعنى مش نعيهم.. انتوا أشرار زيي وللا اييييييييييييه).
وفى الاخر اقول بقى الكلمتين اللى فى نفسى واقول انا كتبت المسلسل دة ليه...
ـ كنت متغاظة من عبده وتشفيدة جدااااااا وحاسة انهم استغلوا مشاعرى انا وأوشا وحبنا ليهم كتير ومعملوش لوجودنا ولا لمشاعرنا اى احترام.
ـ اللى بيحب دة انسان مشاعرة رقيقة وحساس.. مش بيمشى يخبط فى الناس ويقل أدبة عليهم وعامل ملاك والكل غيران منه ومن حبه الخزعبلى اللى محصلش قبل كدة.
ـ ساعات أفعال تفدفد كانت بتخلينى أفتكر انى كدة مقفلة وانى أنا اللى غلط من كتر ما كانت فعلا مقتنعة انهابتعمل الصح وان دة عادي.
ـ مش معنى ان حاجة بقت بتحصل كتير والناس بتعملها اننا احنا كمان نعملها ونقول عادى.. وأنا اقصد تحديدا التجاوزات اللى مترضيش ربنا وبتحصل باسم الحب وسنينة.. لأ الحب أنضف من كدة بكتيييييييير.
ـ الحب احترام وتفاهم وصراحة واتقاء لربنا قبل اى شىء.. مش اسمع كلامك الوقتى وأسجدك وانا مدكنالك فى قلبى انى هطلعة على جتتك بعد الجواز.. لأ دى تبقى اسمها مصيدة مش حب.
ـ اى بنت فى الدنيا نفسها تتجوز وتستقر وتعيش الحب.. بس لأى مدى ممكن تتجاوز علشان توصل لكدة؟.. ولأى مدى ممكن نمثل طبيعة غير طبيعتنا علشان نخلى الطرف الاخر يفتكر اننا حلم حياتة؟.. دة اللى بيعتمد عليه مدى نجاح أو فشل العلاقة فى المستقبل.
ـ لو عبده وتفيدة بيحبوا بعض فعلا انا اتمنالهم الخير من قلبى.. مع انى مش شايفة غير تمثيل واستفزاز وأفعال مترضيش ربنا ابدا.. وأن جوازهم من بعض دة هيكون عقاب الهى ليهم هم الاتنين.
ـ حاجة كمان.. كل اللى بيحب عنده احساس ويتمنى حضن حنين من اللى بيحبه.. لكن فى بيت زواجهم وبما يرضى الله مش سرقة وفى السر.
ـ اخر حاجة بقى.. اللى بيتقى الله فعلا ربنا بيكون معاه وبيرزقه من حيث لا يحتسب.. واللى مبيتقيش ربنا بيلاقى فى الاخر نتيجة أفعالة الوحشة.. وهيندم حتى ولو بعد حين.
وأى خدعة يا احلى بلوجرية
(وش بيغمز وشرير شوية مش قوى.. بس بردو برىء وحليوة ومقطقط)
ممممممممممممممممممممممممممممممممممواه

42 اللي عبروا منوووشة:

شاب كــ طخين ـــــا يقول...

نهاية مأسويه بردو
منه له
منه له
________________
بس ايه التفكير الجميل ده مشاء الله
عجبنى اوى كلامك وانتى حكيمه كده :D

ـ اخر حاجة بقى.. اللى بيتقى الله فعلا ربنا بيكون معاه وبيرزقه من حيث لا يحتسب.. واللى مبيتقيش ربنا بيلاقى فى الاخر نتيجة أفعالة الوحشة.. وهيندم حتى ولو بعد حين.

كلاااااااام جميل كلام معقول مقدرش اقول حاجه عنه غير تسلم ايدك
_________________

وفى نهاية البرنامج بقولك حلقات تشفيدة وعبدة من اجمد الحاجات الاتبعتها فى بيت العم بلوجر ربنا يطول عمرة

MǿиY El-Shreef يقول...

عااااااااا سبقتني يامحمود

بس يامنوو وربنا مت من الضحك هههههههههههههههههههههه

عند حتت البلوكنه ولما قلتي سيبني عشان تقابليه ههههههههههههه

وربنا انتي دماغ جاااامده يامنوو

وكلامك الاخير ده يتحط ف ارشيف ويتحفظ

تصدقي فكره

انا هخليه عشان كل مره اكون عايزه استعبل افتكره

تسلملنا دماااغك ياقمره

ممممممممممووووا

romansy يقول...

اااااااااااه
ايه النهايه دى بقى
على فكره
الافعال اللى بتقولى عليها دى
اوقات كتير قوى بيبقى العشاق مستنينها
بس فى حدود طبعا
اكيد لو بتحبه هتحس بيه
بس على فكره
مش نهايه كل حب بتبقى كده
اكيد فيه حب برئ
وحب بيعيش كتير

شاب كــ طخين ـــــا يقول...
أزال المؤلف هذا التعليق.
الازهرى يقول...

تصدقى بالله
انا لو حطيت 1258 تصور للنهاية لا يمكن كان دى تكون واحدة منهم
بجد رووعة
لكن اتمنى كل الناس تستفيد من النصايح دى وربنا يهديهم ويبطلوا كل الحاجات الغريبة دى

تحياتى دوما
صحيح
ازعل جدا لما الاقى حد من اخواتى يقو لى افندم
باحس ان عندى 92 سنة

غير معرف يقول...

ستيتة هير يا ردالة
قرأت القصة والا كان يجرالي حاجة لو فاتتني
ها اناقشها في تعليق كما البوست في طوله وعرضه لاحقا

المهم ضحكت لما فطست على برائتك وحنيتك يا شوريرة ياللي عاوزة تطيري الواد في موجة والبت تلحقه من البلكونة هههههههههههههههههههههههههههههههه
حقيقي الشر ليه ناسه

تامر علي يقول...

أنا مش مصدق اني مش هاسمع عن تشفدفد تاني .... الحكاية كده خلصت ؟؟ لاء مش ممكن .... أنا متأكد إن التجربة دي اديتلها خبرة وهترجع في مغامرة جديدة (أجدع ) من الأول يا جبل ما يهزك ريح :)

تحياتي :)

MaNoOoSh يقول...

أمبارح كان عمرى عشرين
ايوة منا كان لازم اعذبهم شوية (فى الحلم يعنى)
هههههههههههههههههه
تسلم يا باشا.. انا مش قد الكلام الكبير دة

-------------------------

MǿиY El-Shreef
ايوة يا مونى كان نفسى اخليها تسيب ايدى قبل ما اصحى بس هنعمل ايه بقى.. حظوووووووووظ
هههههههههههههههههه
منورانى يا عثل
والف مبروك على صدى البلوجرز
هستنى الافتتاح بفارغ الصبر يا قمر

--------------------------------

romansy
اكيد طبعا مش كل حب كدة
بس انا عايزة اقولك ان خجل البنت فى حد ذاته من حبيبها دة معناه احساسها بيه.. من غير تجاوزات ولا حاجة

--------------------------------

الازهرى
اشمعنى بقى 1258 يعنى؟؟؟؟
وربنا يهدى الناس كلها طبعا وانا أولهم
هههههههههههههه
طيب خلاص كويس انك قلتلى علشان ابطل كلمة فندم دى خاااااااااااالث مالث
هى اصلا بتحسسنى انى طالعة من فيلم ابيض واسود
هههههههههههههههه

----------------------------

ستوتة القمر
يارب تقضى احلى شم نسيم.. وتاكلى اطعم فسيخاية ورنجاية فى الدنيا
ومستنياكى يا قمر

---------------------------

تامر علي
ههههههههههههه
انا بقول كدة بردو.. وعلى رأي المثل الرومانصى الشهير.. ايش يعمل المشط فى راس ام من غير شعر
ههههههههههههههههه
منورنى دايما

------------------------

غير معرف يقول...

خساره اسلوبه الجميل ده يخلص

ممكن تكتبيها تانى علشان نبقي على اتصال دائم

MaNoOoSh يقول...

biberss222
الله يخليك يا بيبرس.. اخجلت الصقر البرىء الحليوة المقطقط والله
ههههههههههههههههه
ان شاء الله ابقى اكتب عن زوزون الحيلزون اللى تشفدفد متجيش حاجة فى بحرها العميييييييييييييييييييك
وربنا يستر بقى

لجين أبو الدهب يقول...

هههههههههه..

انا الاول ما صدقتش انه رمى نفسه ..

بس لما قلتى بدأت تحدف نفسها ما صدقتش اكتر ههههههه..

والكلمتين الاخرنين فى الجون فى الجون فى الجون يامنوش ..


وعن تجربة فعلا كلامك كله صدق ..


بس مش عارفة ليه احساس داخلى ان الاتنين دول مش هايتجوزا ممكن يتخطبوا بس حاسة ان الخطوبة مش هاتكمل ..

مش علشان حاجة ..

انما اللى زى دول ياما شوفنا منهم وفى الاخر يقولك ده بهد ما اتخطبوا يابوا بعض ..

وتضربى كف على كف بس بكيزة وخلة سابوا بعض بعد العشق والغراميات ..

بس الله يكرمك ابقى قولى اخبارهم اول باول علشان ندعى عليهم .. قصدى ندعلهم D:

بجد استمتعت بطريقتك اوى فى السرد ..

دمتِ بخير حبيبتى ..

MaNoOoSh يقول...

لجين أبو الدهب
البحر والبلكونة دول رغباتى المدفونة تحت الرمال يا لوجى
ههههههههههههههههههه
والعصافير طالما مش شايفين ولا سامعين غير بعضهم يبقى يللا.. احسن خليهم يشيلوا الليلة بقى ويتحملوا بعض للأخر
وسواء اتجوزوا او اتخطبوا بس فكل منهم خير عقاب للتانى
منورانى يا قمر

SHAPE YOUR LIFE (ABOALI) يقول...

الموضوع شكلة كان كبير و كان اكيد فيه دبابيس كتير كمان
وبس واضح انه عدى على خير

بس عجبنى نهاية الكلام والدعوة الى التمسك بالخلق الرفيع
لاءنه هو الحصين الحصين

طبعا
انا اول زيارة ليا
بس
زمان كنت بتابع مدونه صاحبتها اسمها كوكا
انتى فكرتينى بيها
كان ليها اسلوب راقى وجميل
وانتى مثلها

المهم
اتمنى التواصل
وانا ممن من احب ان يتفاعل

MaNoOoSh يقول...

ABOALI
يسعدنى كلامك الجميل ويسعدنى اكتر زيارتك لمدونتى
وان شاء الله نتواصل باستمرار

ادم المصرى يقول...

انا ليا مليون اعتراض على البوست وعلى البنت وخجلها ولكن مش هقول لئن فى مليون واحد هيختلف معايا لئن وجهت نظرى غريبه شويه على فكره الريدر عند كل الناس مش عارف مالو حولى تمسحينى وضفينى تانى

MaNoOoSh يقول...

ادم المصرى
مفهمتش موقفك من البوست ولا أوجه اعتراضك ايه!!!!!!!!!!!
وعموما الريدر قرى موضوعك الجديد

MaNoOoSh يقول...

الى الاستاذ الغير محترم بردو.. الحمد لله على خدمة الاشراف على التعليقات اللى فى بلوجر انها بترحمنا من الواطيين أمثالك.. خليك بقى اقعد اشتم لحد ما تزهق.

Sweet Violet يقول...

عااااااااااااااااااااااااااااااااااااااااااااااااااااااا

و كمان عاااااااااااااااااااااااااااااااااااااااااااااا

هو المسلسل خلص .. يعنى انا اغيب شويه ارجع الاقى العرض شطب ولا ايه

انى اعترض عااااااااااااااااااااااااااااااااااااااااااا

هروح اشوف بقى باقى الحلقات و بعدين اجى اشوف الاخيرة علشان افهم الاحداث ماشيه ازاى

و بجد بشكرك ياقمر على سؤالك ربنا مايحرمنى منك يارب

و الحمدلله جدو بخير و انا بخير و يارب دايما انتى كمان بخير (:

نلتقى غدا ان شاء الله بعد مشاهدة الحلقات اللى فاتت و الحلقه الاخيرة

ماتنزليش حاجه الا لما اجى بقى هه انا بقول اهو

سلام ياقمر بوسه و حضن ليكى ياجميله

اممممممممموة

Sweet Violet يقول...

انا كنت لسه بكتب التعليق و بعد ماعملت اضافه لقيت تعليق

انا رجعت اهووووو .. انتى مش شايفه بلوجر منور ولا ايه نيهاهاهاهاهاهاها

بجد ياقمرايه انا مش عارفه اقولك ايه بس بجد بشكرك كتيييير على سؤالك و اهتمامك

بس بردو مافيش حاجه تنزل الا لما اجى بكره و اخلص الحلقات كلها .. و بقول بكره علشان اكون فى كامل وعى

لانى بقيت زى الفراخ دلوقتى بنام بدرى احم احم ..(مش عايزة تريقه بدل مااشغل ضد و اولع فى المدونة انا بقول اهو )

وبجد بشكرك ياجميله انتى على سؤالك ربنا يخليكى يارب

MaNoOoSh يقول...

Sweet Violet
ضد رجعت بالسلامة
للللللللللللللللللللللللللللوي
حمد لله على سلامتك يا قمر والحمد لله ان جدو بخير
والسؤال دة اقل واجب يعنى.. ويللا بقى منتظرة موضوعك الجديد علشان وحشتينا قوى يا بنت الايه
ومعلش بقى انا عاملة اشراف على التعليقات علشان كان فيه واحد غير مهذب بيكتب كلام وحش
ومنتظراكى بكرة يا عثل بس من غير حرائق ولا استفنجارات وللا بمب ولا صواريخ
هههههههههههههههه

احساس طفلة محبة للرومانسية بس واقعية يقول...

انا جيت

وعديت على 15 حلقة

عقبال ما وصلت هنا

مكنتش اتخيل النهاية كدا

كنت فاكرة انهم هيفوقوا لنفسهم ويا يتعدلوا بجد

يا يسيبوا بعض مش وسط كدا يعنى هم طول القصة

حدفين يميم يا حدفين شمال ويجوا على اخرها ويوسطنوا

مش عارفة حسة رغم اخر نقطة قلتيها انهم فعلا بيحبوا

بعض بس محتاجين شوية حكمة ومراعاه لربنا

الاهل طبعا عليهم لوم كبير يعنى هم عارفين

ومفاقوش غير على اخرها

انتى طبعا طول القصة طيبة وبريئة

وشريرة بس على حق و دورك انتى واوشا كان لابد منه

زعلانة انى جيت فى الاخر بس متابعة معاكى

اكيد فى جديد واسلوبك بجد رائع

لازم يكون فى مسلسل تانى

تقبلى مرورى

Sweet Violet يقول...

جباااااااااااااااااااااااااااااااااااااااااارة بجد

انا قريت الحلقات كلها و بجد انتى مشكله

بس من الواضح فعلا انك شايله فى قلبك منهم قوى و طبعا العقل الباطن ظهر ده فى الحلم

بس و انا بقرا الانتحار مش عارفه ليه كنت حاسه انه مش هيكون حقيقه ... بس انتى شريرة شريرة يعنى

بقى عايزهم يتقبلوا فى الاخرة حونينه جدااااااااااااااااا ((:

نيجى بقى لكلامك اللى فى الاخر و طبعا انا اتفق معاكى فيه .. لكن الصراحه انا شايفه ان العيب اكتر على الاهل لانهم عارفين و ساكتين و المفروض فعلا كانوا اتصرفوا من بدرى

اما دورك انتى و اوشا كان حلو انتم كنتوا الناصح الامين .. يتقال بقى مقفلة يتقال جايه من ورا الجموسه مش مشكله بس المهم انك فعلا كنتى صح

و عموما ربنا يهديهم بس الاخبار بقى اول باول لو سمحتى علشان نعرف اخر قصه الحب الفظييييييييعه دى ايه

بجد ربنا يبارك فيك ياقمر انا اول لما صحيت دخلت على طول على المدونة بتاعتك و قولت اتصبح بالمسلسل

احلى صباح لاحلى ميوش

امممممممممممممممموة

Sweet Violet يقول...

صحيح بخصوص الاشراف الاخ اللى بيكتب رد ده مش عرفتى هو مين ؟؟؟

و هو اصلا معترض على ايه ؟؟؟

طبعا انا غايبه من فترة و مش عارفه الاخبار بس ابقى طمنينى

و ولايهمك بخصوص الاشخاص اللى كده ربنا يهديهم

Zika يقول...

متهيالي كده لازم اقرا الجزء الاول كمان

شمس النهار يقول...

واضح ان دمكفيف جدا
وعجبتني افكارك والاسباب اللي خلتك تكتبي القصه دي
انا معاكي ان كم من الحماقات ترتكب بأسم الحب والحب برئ منها
كمان ان الحب فعلا بيهذب النفس
تسلم ايدك

Magi Mostafa يقول...

بوست لذيذ بس هو الموضوع ايه بالظبط عشان مش فاهمه حاجه

MaNoOoSh يقول...

احساس طفلة محبة للرومانسية بس واقعية
انا مبسوطة جداااااا انك زورتينى وكمان قريتى المسلسل الطويل دة
وانتى فعلا عندك حق ان دور الاهل سلبى جداااااااا ودة بيبقى من منطلق مثلا ان الام نفسها تجوز بنتها وبتخاف عليها لتعنس فبتسمحلها بحاجات مش ظريفة قوى.
وانا كنت بحس ان دورى انا واوشا سلبى لاننا كان ممكن نوقفهم عند حدهم فى مواقف كتير بس الواحد بيخاف وبيعمل حساب لزعل الاهل بقى وبيصبر نفسه ان اهلهم ادرى بيهم.
وهم ممكن يكونوا بيحبوا بعض بس محتاجين كمان لشوية وضوح وخلع أقنعة بالاضافة للحكمة ومراعاة ربنا
بجد بجد مبسوطة بوجودك فى مدونتى يا قمر
ممممممممممممممممواه

-------------------------------

Sweet Violet
ايوة يا اختشى دة انا معبية منهم وربنا على الاخر
والحلم دة كان يعنى اقل واجب
هههههههههههههه
الاهل فعلا دورهم سلبى جدا.
وانا واوشا نصيحتنا وديتنا فى مشاكل كتير.. تخيلى المساطيل افتكرونى انا واوشا بنغير على سي عيبته من تشفدفد واننا مش طايقين نشوفهم مع بعضيتهم
وان شاء الله فى الاجازة لما اسرة سي عبده تيجى سنوافيكم باحدث التطورات
صباح سكر لأعثل سويت
ممممممممممممممممممممممممواه

واللى خلانى اعمل اشراف دة مجهول قليل الاحترام وملوش غير حسبنا الله ونعم الوكيل فيه

--------------------------------

Zika
الموضوع كبير كبير كبيييييييير يا زيكا
لو فاضى هاتلك شوية لب وكباية شاى واقعد اقرا المسلسل
منورنى يا باشا

-------------------------------

شمس النهار
الله يخليكى يا قمر
وفعلا الحب بجد بيخلينا نبقى صادقين مع نفسنا ومع الطرف الاخر وبيخلي عندنا دافع نتقدم للاحسن فى حياتنا ونحاول نصلح عيوبنا ونهذب نفسنا
نورتينى يا قمر ومتابعة معاكى ان شاء الله موضوعك عن الحب ومناقشته

---------------------------

magi
الموضوع كبير قوى يا ماجى.. بيحكى كصة حب عصفورين ابتدت من ابتشدائى والاحداث اللى هيتسجنوا فيها.. يووووه قصدى اللى مروا بيها يعنى.
ههههههههههههههههه
نورتينى يا ماجى

غير معرف يقول...

فين يوميات زوزي اللى وعدتينى بيها هااااا؟؟؟؟
لازم اشخط يعنى

غير معرف يقول...

فين التعليق؟؟

غير معرف يقول...

انتى هاتلعبينا و لا ايه ايه الثقاوة دى

MaNoOoSh يقول...

biberss222
لسة شوية على زوزي بقى يابيبرس.. لما ارتاح من ذكريات عصافير المحمودية الأول
هههههههههههههههههه

Bant EL7ag Dracula يقول...

ههههههههههههههههههههههههههههههههههههههه

محلمتيش من اربع سنين

يااااااااااااااااااا

انتى على كدا بتتقلى مش بيبقا عندك وقت تحلمى


بوسست تحفا

وميرسى على دخولك بيت الرعب بتاعى

MaNoOoSh يقول...

Bant El7ag Dracula
انتى اللى نورتينى يا قمر
والحلم دة كان انتقام نفساوى بقى من العقل الباطن
هههههههههههههههههه
تحياتى يا أجدع دراكولاية

رئـيس التحـرير يقول...

السلام عليكم
لو ينفع حضرتك تبعتيلي ميل على بريد المجلة عشان أعرف أتواصل معاكي ضروري دلوقتي اذا أمكن
ibrahemaladawy@gmail.com
منتظر

أبو العريف يقول...

منوش
انا جاي بس اشكرك علي سؤالك علي الفتره اللي فاتت
واسف اني ما كنتش متابع
بس اوعدك هقرأ واستمخمخ علي رواقه وابقي اعلق علي كل اللي فاتني
واحتمال اعلق حاجه منهم بما اني كنت حرامي

رئـيس التحـرير يقول...

السادة الكرام
العنوان الذي سيتم فيه لقاء فريق التحرير غدا الأربعاء 22/4/2009 بالقاهرة هو كالتالي.. مع العلم بانه لو هناك اقتراح آخر التغيير سهل جد وفي الحال ..وعلى الحاضرين التكرم بإحضار مبلغ 20 جنيه أول 15 جنيه على الأقل وذلك مساهمة في ثمن تصميم المجلة الجديد .. انا رئيس التحرير دفعت 300 والمتبقي 200 فقط .. الي عاوز يساهم معانا والي لأ براحته لعدم الإحراج ..


السراى موول

شارع ولى العهد

بحدايق القبة

يمكن الوصول له عن طريق المترو تنزل محطة كوبرى القبة ومن بعدها تاخد تاكسى المسافة مش كبيرة

ممكن تكون خمس دقايق بالسيارة

اسم الكافية

UPSTAIRS

موجود فى المول من تحت

يعنى هتنزل من ع السلالم المتحركة دور..

ننتظركم في المكان والموعد الساعة الواحدة ظهرا

رئيس التحرير

blue-wave يقول...

وليه بس المؤسويات دى؟:)))
بس تحفه والله

blue-wave يقول...

والله تحفه

MaNoOoSh يقول...

رئـيس التحـرير
بجد زعلانة انى محضرتش لقاء اسرة التحرير.. بس اتمنى يكون حقق الهدف المرجو منه.

-------------------------------

أبو العريف
تشكر على ايه بس يا ابو العريف.. دة اقل واجب يعنى
وبعدين استمخمخ براحتك يا سيدي
بس وحياة طنط طاظا يا شيخ تبعتلى لينك مدونة امسك حرامي.. نفسى اشوفها واقلبها.. قصدى اقلب فيها
هههههههههههههههههه

-----------------------------

blue-wave
المؤسويات دى الرغبات الدوفينة والمكبوتة
ههههههههههههههههه
الله يكرمك يا د. عمرو.. كلك ذوق دايما ورافع مع معنوياتى كدة

-------------------------

غير معرف يقول...

يعنى هربتى من لقاء المحررين بتوع المجله علشان فيها غرامه ههههههههه

MaNoOoSh يقول...

biberss222
ماشى يا بيبرس
مااااااااااااااااااشى ماشى
طب والله لأدفعكوا اتاوة وانتوا داخلين المدونة بقى بعد كدة
ههههههههههههههههه

غير معرف يقول...

انتي مشكلة يا منوش.. بجد مدونتك من المدونات اللذيذة ياللا يا ستي وان شالله ماحد حوش اي حاجة
:)
بس انا عايزة اقولك حاجة.. ان انا جاوبت على 3 تاجات قبل كده بصراحة ومش عايزة تاني عشان خاطري عشان خاطري عشان خاطري آخر مرة حرمت حرمت يا سعادة البيه ابوس ايدك

والله يا منوش بتكسف ومش بحب اتكلم عن نفسي كتير من باب التوااااضع

وياللا بوسة كمان اهه مممممممممممواااااااااه

مها ميهوووو